Jeremias 40:3 - Ing Mayap a Balita Biblia

³ at depat na ngeni itang sinabi nang daptan na. Merapat ngan iti uling mikasala la ding kabalen mu king Ginu at e re pemintuan.

Jeremias 40:3 Iomraidhean Croise

Nehemias 9:28

Inyang payapa na, dinapat no namang pamikasala laban keka, inya pasibayu mu lang pepailalam karing karelang kalaban. Inyang minaus la't sinaingsing keka, ibat banua pekiramdaman mu la, at king kekang maragul a lunus ulit-ulit mu lang kinabus.

Nehemias 9:33

Atin kang matulid ing perusan mu kami; tapat ka kekami agyang mikasala ke keka.

Jeremias 11:17

Aku, ing Ginung Mayupaya, ing mitanam king Israel at Juda; oneng ngeni babalan ku lang kapahamakan. Ila mismu ding makipasari kaniti uling dinapat lang e ustu; pepamua da ku king kapamilatan na ning pamamie dang ain-sakripisyu kang Baal.

Jeremias 22:8

Kaybat na nita, dumalan la karin ding dakal a dayuan at ikutang da king metung at metung: Ginu, baket depat mu ing makanyan a bage keting marangal a siudad?

Jeremias 39:16

king sabian ku kang Ebedmelec, ing tau Etiopia, king ing Ginung Mayupaya, ing Dios ning Israel, sinabi na, Antimo ing sinabi kung daptan ku, miparala kung kasiran keting siudad at e kanawan. Akit mu potang mapalyari na iti.

Jeremias 44:23

Miras kekayu iting kasiran antimo ing mayayakit ngeni uling minie kayung ain-sakripisyu karing aliwang dios at mikasala kayu king Ginu king kapamilatan na ning e yu pamamintu karing sabla nang kautusan.

Jeremias 50:7

Darakpan da la ring ninumang manakit karela. Ngarang sasabi ding karelang kalaban, Mikasala la king Ginu, inya ustu ing depat tamu. Menalig la king Ginu ding karelang makatua at sukat la sanang menatiling tapat king Ginu.

Ding Tagulele 2:17

Ing Ginu lubus na nang agampanan ing tingka nang daptan: king alang lunus sinira na kata ngan antimo ing bela na karing aldo milabasan. Tagumpe ing binie na karing kalaban tamu, at king kekatamung pangabigu tula ing karela binie ning Ginu.

Roma 2:5

Oneng uli na ning kesiasan mung buntuk at ning pusu mung e biasang sumisi, lalu mung bubuntun king kekang sarili ing maragul a kaparusan a tanggapan mu king Aldo a mibugnus ing milalablab nang mua ning Dios at mipakilala ing matulid nang kayatulan.

Roma 3:19

Ngeni balu tamu king ing nanumang makalaman king Kautusan mangaintulid karing sasakupan na ning Kautusan ban ala lang dalan maniangkan ding sabla, at ban ing meto yatu mipailalam ya king kayatulan na ning Dios.

Deuteronomio 29:25

Ngara namang makibat ding aliwa, Uling linabag la king kasunduan da king Ginu, ing Dios da ring makatua da, at ing milual karela king Ehipto.