Jeremias 4:9 - Ing Mayap a Balita Biblia

⁹ Kaybat, ngana ning Ginu, King aldong ita, masira la lub ding ari at ding pamuntuk; masdan la ding pari at mangapamulala la ding propeta.

Jeremias 4:9 Iomraidhean Croise

2 Ari 25:4

Melasak la ring pader ning siudad, at agyang kibkuban de ring sundalus ning Babilonia ing siudad, mekatakas la mu rin ding sundalus ning Jerusalem inyang bengi na. Tinakas la king kapamilatan na ning pamandalan da king hardin ning ari, at linabas la king pasbul a makataid karing aduang pader. Milayi la papunta king Kapatagan ning Jordan.

Ding Dalit 102:4

Malalanat yang anting dikut ing kakung pusu; king pamangan ala kung ganang mangan.

Isaias 19:16

Potang datang na ing panaun a ita, maging malamarine lang anti ding babai ding memalen na ning Ehipto. Galgal la king takut potang akit de ing makatas nang gamat ning Ginung Mayupaya ba na lang parusan.

Isaias 19:3

Kimut ku ban mabigu la ding tangka da ring tau Ehipto at painan ku la lub. Lumapit la karing karelang idolo ban maniawad saup at mamunta la karing enkantador at aduananan da lang payu ding espiritu da ring mete.

Isaias 28:19

Salakayan na kayung alang patugut. Sukat yung arapan iti king aldo at bengi balang abak. Magdalang bayung pitatakutan ing balang bayung mensahing ibat king Dios!

Jeremias 2:26

Ngana ning Ginu, Memalen ning Israel, nung makananung mangapakarine ya potang marakap ya ing mapanako, ikayu ngan, ding kekayung ari at pamuntuk, ding kekayung pari, at propeta, mangapakarine kayu naman.

Jeremias 25:34

Kumiak kayu, ikong manimuna, ikong pastul da ring taung kanakung pinili; kumiak kayung masikan! Manangis kayu at magkasat-kasat king alikabuk. Dinatang na ing oras ning pamakamate kekayu at mangari kayu karing lalaking tupa a kakatatan.

Jeremias 37:19

Nanung milyari karing propeta mu a sinabi keka king ing ari na ning Babilonia e na ka lusuban ni ing bansa?

Jeremias 48:41

at mabihag la ding balen at ding kuta na. King aldong ita mitakutan la ding sundalus na ning Moab anti ing babaing manganak.

Jeremias 5:31

pawang kalaraman ing sasabian da ring propeta, ding pari ila ding mag-ari at tutuki king buri da reting propeta, at ala yang bitasang tutul ing balen ku. Oneng nanu kaya ing daptan da potang miwakasan na iting sabla-sabla?

Jeremias 52:7

Melasak la ding pader ning siudad, at agyang kibkuban de ring sundalus na ning Babilonia ing siudad, makanyan man mekatakas la ding sundalus na ning Jerusalem inyang bengi na. Tinakas la king kapamilatan na ning pamandalan da king hardin ning palasyu, at linabas la king pasbul dalan pilatan da ring aduang pader. Milayi lang papunta king Kapatagan ning Jordan.

Ding Dapat 13:41

Lawan yu, ikong mapaninsultu mangapamulala kayu at mate! Uling ing dapat a gagawan ku king panaun yu metung a bage a e yu buring paniwalan, agyamang kaniti atin nang minisplika kekayu!