Jeremias 4:8 - Ing Mayap a Balita Biblia

⁸ Inya, misulud kayung imalan a magaspang, ngulangul at manangis kayu, uling ing mabagsik nang mua ning Ginu e pa milako king Juda.

Jeremias 4:8 Iomraidhean Croise

Ding Dalit 78:49

Bignus na karela ing bigsikan na, ing kamua na at kasbu; mengari lang pulutung ding anghel a tinubud nang makamate karela.

Isaias 10:4

Mate kayu king labanan o kaya maging bihag kayung iguyud da. Makanyan man, e mu rin tuknang ing mua na ning Ginu; manatili yang makatas a gamat ban mamarusa.

Isaias 13:6

Ngulangul kayu uling ing aldo ning Ginu malapit ne, ing aldo a magdalang kasiran ning Mayupaya!

Isaias 22:12

Mamaus ya kanita keka ing Ginung Dios a Mayupaya ban manangis kayu at magpaldas, ban kalbuan la ding buntuk yu at ban misulud imalan a magaspang.

Isaias 32:11

Meging mayan ing bie yung delanan; e kayu mika problema oneng ngeni, galgal kayu king takut! Ilako yu ing piblas yu at mitali kayung langgotsi karing awakan yu.

Isaias 5:25

Milalablab ing mua na ning Ginu king balen na, at inatiat na ne ing gamat na ba neng parusan. Mangaugun la ding bunduk at malakuan la ding bangke da ring mete karing dalan a kalupa na ning basura. Makanyan man, e pa mu rin miyangganan ing mua na ning Ginu. Manatili ya pa mu rin makayatiat ing gamat na ban mamarusa.

Isaias 9:12

ing Siria king dane aslagan at ing Filistia king dane albugan na ning Israel. Biklat da la ring asbuk da ba reng laklakan ing Israel. Makanyan man, e mu rin tuknang ing mua na ning Ginu; manatili yang makayatiat ing gamat na ban mamarusa.

Isaias 9:17

Inya metung man karing kayanakan a lalaki ala yang paintulutan makaligtas ing Ginu. E ya pakit lunus kenu pa mang mebalung babai at ulila, uling ala lang takut ding sablang tau king Dios, at e la mayap. E mayap ing sablang lulual king asbuk da. Makanyan man, e tuknang ing mua na ning Ginu; manatili yang makayatiat ing gamat na ban mamarusa.

Isaias 9:21

Lusuban de ring memalen na ning Manase at ding memalen na ning Efraim ing metung at metung, at miyabe lang lumusub king Juda. Makanyan man, e mu rin tuknang ing mua na ning Ginu; manatili yang makayatiat ing gamat na ban mamarusa.

Jeremias 25:34

Kumiak kayu, ikong manimuna, ikong pastul da ring taung kanakung pinili; kumiak kayung masikan! Manangis kayu at magkasat-kasat king alikabuk. Dinatang na ing oras ning pamakamate kekayu at mangari kayu karing lalaking tupa a kakatatan.

Jeremias 30:24

E ya patugut anggang e ngan merapat ing sablang buri nang daptan. Karing aldo daratang kanita da pa lubus aintindian ding memalen na.

Jeremias 48:20

Mibagsak ne ing Moab, ya ing karelang ipakibat; manangis kayu para king Moab; makarine ya. Ibalita yu karing taung atyu lele ning Ilug ning Arnon king ing Moab melasak ne!

Jeremias 6:26

Nganang sasabi ning Ginu karing taung pinili na, Magsulud kayung imalan a magaspang at magbiling-biling king abu. Tumangis kayung kapait-paitan antimo ing pamanangis yu king kabubugtungan yung anak a lalaking mete. Salake ya king oras a e yu piadian ing datang ban manlasak kekayu.

Ding Tagulele 1:12

Lawan yu ku, ngana karing sablang taung daralan. Ala pang mika kapanamdaman king kakung kasakitan; ing kasakitan a pepagpa ning Ginu king panaun ning mua na kaku.

Ezekiel 21:12

Ngulangul ka king lungkut, O anak ning tau; mangaintulid ya iting espada karing kakung memalen at karing sablang manimuna na ning Israel. Mate lang kayabe ding sabla kung memalen. Dugdugan me ing kekang salu king pangabigu mu!

Ezekiel 30:2

Ngana, Anak ning tau, aku ing Ginung Dios, manula ka at sabian mu ing kanakung sasabian. King masikan a siwala sabian mu la deting amanu: Ing makatakut a aldo daratang ya!

Joel 1:13

Ikong pari king altar susuyu, magaspang a imalan ing isulud yu at kumiak kayu! Templo kekayu yang luban ban karin manangis kabukas! Alang binutil ni alak man ban king kekong Dios iyampang.

Amos 8:10

Gawan ku lang aldo ning pamangutkut mete ding kekong piesta, at alilan ku lang pamanangis ding masaya yung pamagkanta. Pasatsat ku la kekayu ding buntuk yu at papamiblasan da kayung imalan a magaspang. Mangari kayu karing pengaring manangis king pangamate na ning bugtung dang anak a lalaki. Maging maplas ya ing aldong ita angga king kawakasan na.

Mikeas 1:16

Memalen na ning Juda, pututan yu na ing buak yu bilang pamagpaldas yu karing kekayung anak a pakamalan. Kalbuan yu na la ding buntuk yu anti ing ayup a buitre, uling kuanan da la kekayu ding anak yu at miyugse la king aliwang bansa.

Ding Bilang 25:4

Inya ngana ning Ginu kang Moises, Kuanan mu la ngan ding manimuna ning Israel at kaybat ipabite mu la king arapan ku at king akakit da ring tau ban milako ing milalablab kung mua king Israel.