Jeremias 4:7 - Ing Mayap a Balita Biblia

⁷ Anti yang leon a lulual ibat king salikutan nang lugal, lalage ne ing metung a manlasak karing bansa. Daratang ya ban lasakan ne ing Juda. Lakuan na lang lasak-lasak ding siudad na, at ala nang taung makapanuknangan pa karela.

Jeremias 4:7 Iomraidhean Croise

2 Ari 24:1

King panaun na ning pamag-ari nang Jeoiakim, lisuban neng Aring Nebucadenesar ning Babilonia ing Juda. Mipailalam ya king upaya na i Jeoiakim kilub ding atlung banua. Kaybat na nita, mig-rebeldi yang laban kang Aring Nebucadenesar.

2 Ari 25:1

Mig-rebeldi ya i Zedekia laban kang Aring Nebucadenesar ning Babilonia. Inya dinatang ya i Nebucadenesar at ding heganagana nang sundalus a pakasandata, at kibkuban de ing Jerusalem kanitang kapulu nang aldo ning kapulung bulan ning kasiam nang banuang pamag-aring Zedekia. Ginawa lang kampu ra lual ning siudad at mitalakad lang pader a barikada king makapadurut ning siudad.

Isaias 1:7

Mesalanta ne ing bansa mu at silab la't mipatag king gabun ding siudad mu. Kabang makalawe ka, kinua da ring dayuan ing gabun mu at sinira da ing sabla-sabla.

Isaias 5:9

Dimdam keng magsalita ing Ginung Mayupaya. Ngana, Masira la deting sablang maragul at masanting a bale at metung man alang manuknangan karela.

Isaias 6:11

Ngakung kinutang, Angga kapilan manatili ing anti kaniti, Ginu? Nganang mekibat, Angga potang malasak na la ding siudad at ala na lang bitasang manuknangan. Angga king milako la tau ding bale ra, angga king maging anti ya king disyerto ing bansa.

Jeremias 2:15

Ding kalaban na anti lang leon a gagaleung; milalu kasikan ing galeung da. Gewa reng disyerto ing bansa na; melasak la ding balen na at ala metung mang manuknangan karela.

Jeremias 22:6

Para kanaku, ing marangal nang palasyu ning Juda kasing lagu ne ning lugal ning Gilead at ding Bunduk ning Lebanon; oneng gawan keng disyerto, metung a lugal a alang bitasang manuknangan.

Jeremias 22:7

Mitutubud kung tau ba reng siran. Idala da la ngan ding palakul da; kuturan da la ring malagu nang asias a sedro at silaban da la.

Jeremias 25:38

Gilutan na la ning Ginu ding taung pinili na antimo neng lalakuan ne ning leon ing kueba na. Ding bage makapangilabut ning gera at ing mabagsik nang mua ning Ginu ya ing pepasari king pamaging disyerto na ning bansa.

Jeremias 25:9

Itubud ku la ding sablang tau na ning norti at ing talasuyu kung i Aring Nebucadenesar ning Babilonia. Iparala ku la ban lumaban keting bansa at karing memalen na, at karing sablang bansang makapadurut keting bansa. Lubus ku lang lasakan at manatili ing kasiran king kapilan pa manmetung a bage makatakut at makapangalgal a lalawan. Aku, ing Ginu, ing migsalita.

Jeremias 26:9

Baket sinabi mu king lagyu ning Ginu king iting Templo maging anti ya king Silo at king iting siudad malasak ya at ala nang bitasang manuknangan keti? Kanita pilupungnan da ku ding tau.

Jeremias 27:8

Nung e ya pailalam ing isanu mang bansa o kayarian king pamamahala na, parusan ke ing bansang ita king kapamilatan na ning gera, danup, at salut angga king paintulutan keng lubus neng siran Nebucadenesar.

Jeremias 33:10

Nganang migsalita ning Ginu, Sasabian da ring tau king mengari ya kanu iting bansa king disyerto, king alang tau o animal man a manuknangan. At tutu ing sasabian da uling ding balen na ning Juda at ding dalan na ning Jerusalem ala lang laman; alang tau o animal man a manuknangan. Oneng pasibayu yang damdaman kareting lugal

Jeremias 34:22

Ibie ke ing utus at mibalik la keting siudad. Lusuban de at bihagan ampon silaban. Gawan ku lang anting disyerto ding balen ning Juda nung nukarin alang mabibie. Aku, ing Ginu, ing migsalita.

Jeremias 4:29

Tumakas ya ing balang metung kabud maramdam ing inge ding pakakabayu at mamana. Ding aliwa luban de ing kagubatan; at ding mapilan libutad batu karelang ukiatan. Lakuan da la ring karelang siudad, at ala nang manuknangan karela king kapilan man.

Jeremias 44:2

Ngana ning Ginung Mayupaya, ing Dios ning Israel, Ikit yu ing kasiran a dela ku king Jerusalem at karing aliwang siudad na ning Juda. Manatili lang lasak angga ngeni at ala metung mang manuknangan karin.

Jeremias 46:18

Aku, ing Ginung Mayupaya, ing ari. Aku ing Dios a mabie. Nung makananung ing Bunduk ning Tabor durungdunganan no ding aliwang bunduk, at ing Bunduk ning Carmel makatalakad yang matas king dagat, makanyan ya sikanan itang kekayu lumusub.

Jeremias 49:19

Anti ing leon a lulual king kagubatan lele ning Ilug ning Jordan paukiat king malabung a pastulan, datang ku at papulayan ku lang palual king bansa da ring tau Edom. Kanita ing manimuna a pilinan ku ya ing manibala king bansa. Ninu ing pakilupa yu kanaku? Ninu ing mangangas manamun kanaku? Ninung pamuntuk ing makasalangsang kanaku?

Jeremias 5:6

Iti ing sangkan nung inya datang la ding leon ibat king kagubatan, at paten da la; ding asung-gubat a ibat king disyerto paglapakan da la, at gumala lang leopardo libutad ding balen da. Malapak la nung lumual la ding tau karing bale ra, uli ning dakal dang pamikasala at ulit-ulit ing kataksilan da king Dios.

Jeremias 50:17

Ngana ning Ginu, Mengari ya king tupang panagalan da ing balen ning Israel at sasambulat ding leon. Mumuna, lisuban na la ning ari na ning Asiria at kadua, ngitngat na la ning Aring Nebucadenesar ning Babilonia ding butul da.

Jeremias 50:44

Anting leon a lulual king kagubatan lele ning Jordan paukiat king pastulan a malabung ning bansa, aku, ing Ginu, datang ku at payatrasan ding tau Babilonia king siudad da. Kanita ing pamuntuk a pilinan ku ya ing mamahala king bansa. Ninu ing kalupa ku? Ninu ing mangangas manamun kanaku? Ninung pamuntuk ing makasalangsang kanaku?

Jeremias 8:16

Miras na la king siudad ning Dan ding kalaban at daramdaman ta na lang kukurakul ding karelang kabayu. Gagalgal ya ing mabilug a bansa potang gigikgik la ding karelang kabayu. Dinatang la ding kekatamung kalaban ban siran de ing bansa at ing sablang atyu keting bansa, ing kekatamung siudad at ding sablang memalen na.

Jeremias 9:11

Ngana ning Ginu, Gawan keng katumpuk a kasiran ing Jerusalem, at lugal a tuknangan da ring animal a jackal. Maging disyerto la ring siudad ning Juda, lugal a e na apituknangan ning ninuman.

Ezekiel 12:20

Malasak la ding siudad a ngeni mitmung tau at maging anti yang disyerto ing bansa. Kanita ra akilala king aku ing Ginu.

Ezekiel 21:31

Panamdaman mu ing kanakung mua potang ibugnus ku iti anting mikakalabkab a silab. At ibie da ka karing berdugu, ding taung sane king pamanyira.

Ezekiel 32:2

Ngana, Anak ning tau, dinan meng mabayat a babala ing ari na ning Ehipto. Ibie me iting mensahi ku: Mengari ka king leon libutad da ring bansa, oneng king kamatutuanan anti kang dapu a kakawe king ilug. Buburakan mu ing danum karing kekang bitis at dirinatan mu la ding ilug.

Daniel 5:19

Tune yang pikabaluan at tatakut la kang tata yu at gagalgal ding tau da ring bansa, lahi, at salita. Nung buri neng paten ing ninuman, gawan na; nung buri neng manatiling mabie, daptan na. Parangalan ne o ilako dangalan ing ninumang buri na.

Daniel 7:4

Kalupa yang leon ing mumuna, oneng atin yang pakpak anti ing agila. Kabang lalawen ke, meputput la ding bagius na. Mitas ya ing mabagsik a animal at tinalakad yang anti ing tau. Kaybat na nita, miyabie ing kaisipan tau.

Levitico 26:31

lasakan ku la ngan ding siudad yu; ala kung itagan karing lugal a pisasamban yu at e ku la tanggapan ding ain yu.

Levitico 26:33

Paratangan ku la ding kalaban yu at isalbag da kayu karing aliwang bansa. Mitiwangwang ing gabun yu at malasak la ding siudad yu.