Biblia Todo Logo
Bìoball air-loidhne

- Sanasan -




Jeremias 4:6 - Ing Mayap a Balita Biblia

6 Ituru ye ing dalan papunta king Zion! Iligtas yu ing sarili yu! Magmalagua kayu! Uling ing Ginu parala yang kasakitan, at maragul a kasiran a manibat king norti.

Faic an caibideil Dèan lethbhreac




Jeremias 4:6
19 Iomraidhean Croise  

Lumual kayu, ikong memalen ning Jerusalem at gawang dalan para karing magbalik yung kabalen! Isadia ye ing dalan a malualas; ilako lang batung kalatkalat! Mibili kayung tanda ban abalu da ring bansa


Makiramdam kayu! Ating balitang dinatang! Ating maragul a alingongo king bansang atyu king norti; ding sundalus na gawan da lang disyerto ding siudad ning Juda, maging lugal da la ring animal a jackal.


Inya ngeni, sabian mu karing memalen na ning Juda at Jerusalem king gagawa kung planu laban karela at magsadia na ku ban parusan ku la. Sabian mu karela king tuknang na lang mabibie king pamikasala, king sukat na lang magbayung bie.


Oneng ika ampon ding pamuntuk mu at memalen a miligtas king gera, danup, at salutpaburen da kayu ngan mabihag kang Nebucadenesar at karing kalaban yung bisang makamate kekayu. Ipapate na kayung Nebucadenesar. Ala yang itagan metung man kekayu o pakitanan lunus o pakalulu ing ninuman. Aku, ing Ginu, ing migsalita.


Mitutubud kung tau ba reng siran. Idala da la ngan ding palakul da; kuturan da la ring malagu nang asias a sedro at silaban da la.


Itubud ku la ding sablang tau na ning norti at ing talasuyu kung i Aring Nebucadenesar ning Babilonia. Iparala ku la ban lumaban keting bansa at karing memalen na, at karing sablang bansang makapadurut keting bansa. Lubus ku lang lasakan at manatili ing kasiran king kapilan pa manmetung a bage makatakut at makapangalgal a lalawan. Aku, ing Ginu, ing migsalita.


Angga kapilan ku kaya tangalan ing labanan, at daramdaman ing kabling ding trumpeta?


Sabian yu, ibalita yu karing bansa! Ibalita yu! Ibie ye ing sinial at ipamalita yu! E yu sukat isalikut ing balita! Mibagsak ne ing Babilonia! Ing dios dang i Marduk mengapirasu ya! Mengapakarine lang idolo na, ding makasumami nang larawan mengalasi la!


Meramdam king bansa ing inge na ning labanan at maragul ing kasiran.


Ibie ya ing senias king pamaglusub karing pader ning Babilonia. Dagdagan la ding guardia! Mibili kayung bante karing puesto ra! Isadia la ding salake! Depat na ning Ginu itang sinabi nang daptan na karing memalen na ning Babilonia.


Ibie ye ing senias ning pamanlusub! Tiupan ye ing trumpeta ban damdaman de ring bansa! Isadia yu la ding bansa para king gera laban king Babilonia! Sabian yu karing kayarian ning Ararat, Minni, at Askenaz ing lumusub na la. Tuldu kang metung a opisyal a manimuna king pamanlusub. Palualan lang anting susulapo durun ding kabayu.


Ngana ning Ginu, Pakiramdaman yu ing inge ning tangis karin king Babilonia, ing tagulele tungkul king kasiran king bansa.


Memalen ning Benjamin, tumakas kayu ba kayung miligtas! Lakuan yu ne ing Jerusalem! Tiupan yu ne ing trumpeta king Tekoa at gawa kayung dapug bilang senias king Bet-Akerem. Malapit nang datang ing kasakitan at kasiran a manibat king norti.


Ngana ning Ginu, Daratang la ding taung ibat king metung a bansa king norti; magsadia yang makigera ing metung a marayu at mayupayang bansa.


Kaybat na nita, dimdam keng migsalitang masikan ing Dios. Ngana, Lumapit kayu keni, ikayung lalaking mamarusa king siudad. Idala yu la ding sandata yu.


Agad-agad lang dinatang ding anam a lalaking ibat king lual ning pasbul dalan king dane norti ning Templo. Magdala yang sandata ing balang metung karela. Kayabe re ing metung a lalaking makaimalan linen; magdala yang bage paniulat king awakan na. Dinatang la ngan at tinalakad king lele ning altar a tangsu.


Potang datang ne ing aldong ita, nganang sasabi ning Ginu, makaramdam kayung manangis king Pasbul dalan ning Asan ning Jerusalem. Damdaman yu lang manangis ding taung atyu king mas bayung dake na ning siudad, at damdaman yu ing masikan a lagusgus a manibatan karing bunduk-bundukan.


Papunta ya ing karu a kukuliutan da ring matuling a kabayu king norti, king Babilonia; papunta la ding maputing kabayu king albugan, at papunta la ding kabayung pultik-pultikan king bansang atyu king mauli.


Lean sinn:

Sanasan


Sanasan