Jeremias 4:5 - Ing Mayap a Balita Biblia

⁵ Tiupan ye ing trumpeta king mabilug a bansa! Kulisak kayung masikan at malino! Sabian yu karing memalen ning Juda at Jerusalem ing munta la karing siudad a makakuta.

Jeremias 4:5 Iomraidhean Croise

Isaias 28:19

Salakayan na kayung alang patugut. Sukat yung arapan iti king aldo at bengi balang abak. Magdalang bayung pitatakutan ing balang bayung mensahing ibat king Dios!

Jeremias 11:2

Pakiramdaman mu ing kayaduanan na niting kasunduan. Sabian mu karing memalen na ning Juda at Jerusalem

Jeremias 35:11

Inyang lisuban neng Aring Nebucadenesar ing bansa mi, pikayari mi ing munta kami king Jerusalem ban miligtas karing sundalus na ning Babilonia at Siria. Iti ya ing sangkan nung inya manuknangan ke king Jerusalem.

Jeremias 5:20

Ngana ning Ginu, Sabian mu karing lahi nang Jacob at karing memalen ning Juda:

Jeremias 6:1

Memalen ning Benjamin, tumakas kayu ba kayung miligtas! Lakuan yu ne ing Jerusalem! Tiupan yu ne ing trumpeta king Tekoa at gawa kayung dapug bilang senias king Bet-Akerem. Malapit nang datang ing kasakitan at kasiran a manibat king norti.

Jeremias 8:14

Baket tahimik tamung pakalukluk? ngarang mangutang ding taung pinili na ning Dios. Tara, lungub tamu karing makapader a siudad at karin tamu mate. Inatulan na katamung kamatayan ning Ginung kekatamung Dios; dininan na katamung inuman a ating lasun uling mikasala tamu.

Jeremias 9:12

Kitang ku, Ginu, baket melasak ya ing bansa, obat melangi yang anti ing disyerto? Baket ala metung mang daralan libutad na? Ninu ing ating sapat a kabiasnan para makaintindi kaniti? Kaninu mu pepabalu ban isalita na karing aliwa?

Ezekiel 7:14

Tumiup ya ing trumpeta at magsadia ya ing balang metung at metung. Oneng ala metung mang munta king gera, uling dugpa ing mua na ning Dios king metung at metung.

Hosea 8:1

Nganang sasabi ning Ginu, Tiupan ye ing trumpeta! Daratang lang anting agila ding kalaban king kanakung bansa! Lebagan de ring taung kanakung pinili ing kasunduan; e ra la tiparan ding utus ku.

Joel 2:1

Tiupan ya ing trumpeta; kampana tigtigan ya king Zion, ing bunduk-bundukan nang banal ning Dios. Galgal kayu memalen ning Juda! Uling ing aldo ning Ginu malapit niang datang kekayu.

Amos 3:6

E la wari mitakutan ding tau neng tutiup ya ing trumpeta na ning labanan? Atin waring sakuna a mapalyari king siudad nung e na peparala ning Ginu?

Amos 3:8

Ninu mo ing e mitakutan neng gagaleung ya ing leon? Potang magsalita ya ing Ginung Dios, ninu mo ing makapibatang e ne sabian ing mensahi na?

Ding Bilang 10:2

Gawa kang aduang trumpeta king pinukpuk a pilak at gamitan mu la king pamaniaus karing tau ban mitipun la at potang lumakad na la.

Ding Bilang 10:3

Potang agnan da lang tiupan, mitipun la arapan mu ding sablang memalen na ning Israel king pasbul ning Toldang tuknangan ku.

Josue 10:20

I Josue at ding sundalus ning Israel pete da la subali mu detang mitagan a menakit salikutan kilub na ning bakud ning karelang siudad.