Jeremias 4:4 - Ing Mayap a Balita Biblia

⁴ Ikayung memalen ning Juda at Jerusalem, tuparan ye ing kasunduan a gewa yung kayabe ku, ing kekayung Ginu, at italaga yu ing kekayung sarili kanaku. Nung ali, mikalabkab anting api ing mua ku uli da ring e mayap a bage depatan yu. Manduluk ya at metung man alang makapatda kaniti.

Jeremias 4:4 Iomraidhean Croise

2 Cronica 34:25

Uling likuan da ku ding tau at dinuluk lang insenso para karing aliwang dios a gewa da ring gamat da. Pepamua da ku uli na ning pemaniapat da at ala nang makasabat pa king alang tuknang a parusang ipagpa ku karela.

Isaias 10:17

Ing Dios, ing sulu ning Israel, maging api ya at dulukan na kilub ning metung mung aldo ing sablang bage pati na ing dikut at tanaman a masuksuk.

Isaias 30:33

Maluat neng makasadia ing metung a lugal nung nu ya silaban ing ari na ning Asiria libutad ning maragul a api. Malalam ya at malualas at makatambak ing dakal a dutung; labulan na ning Ginu king pangisnawa nang mikakalukung api at mitau ing dutung.

Isaias 51:17

Migising ka, Jerusalem! Mibangun ka at talakad! Ininum mu ne ing kopa ning kaparusan a pepainum na keka ning Ginu uli ning mua na keka; gisan mu at ngeni paid-paid ka!

Jeremias 15:14

Gawan ku lang ipus da ring karelang kalaban king bansang ala lang bitasang kamalayan, uling mengaring api ing mua ku at mikakalabkab king kapilan pa man.

Jeremias 21:12

Aku ing Ginu, makiramdam kayu king kanakung sabian. Ing sanang matulid ya ing sikasuan yung marapat aldo-aldo. Labanan yu la ding manggipit, idipensa ye ing ninumang alipitan da. Nung ali, ding e mayap a bage a kekayung daraptan ilang makapasari king mua kung anting aping milalablab at e na apatda ning ninuman.

Jeremias 21:5

Labanan da ka king mabilug kung sikanan, mua, kasbu, at bigsikan.

Jeremias 23:19

Ing mua na mangaring bagyu a dugpa karing buntuk da ring darapat e mayap,

Jeremias 36:7

Magkang manalangin la king Ginu at lakuan da ing e mayap dang pamibiebie, uling belan ne ning Ginu iting bansa king maragul nang mua at kasbu.

Jeremias 44:22

King mismung aldong iti makapase ya king kasiran ing kekong bansa at ala metung mang manuknangan karin. Meging makapangilabut yang akakit at gagamitan de ring tau ing lagyu na bilang sumpa, uling e na na abata ning Ginu ing kekayung kasalanan at e mayap a dapat.

Jeremias 9:25

Ngana pang sasabi ning Ginu, Daratang na ing panaun ban parusan ku la

Jeremias 9:26

ding memalen na ning Ehipto, Juda, Edom, Ammon, Moab, at ding sablang manuknangan king disyerto a makuyad a buak. Mesirkunsisyun la ngan deting tau, oneng e ra tiparan ing kasunduan a lalarawan na niti. Ala metung man kareting tau at pati na karing king Israel ing tinupad king kanakung kasunduan.

Ding Tagulele 4:11

Bignus ning Ginu ing bagsik ning mua na; silaban ne ing Zion angga king mipatag ya king gabun.

Ezekiel 16:38

Atulan da ka uli na ning depat mung pamakipangatawan at pamakamate. At uli na ning mua at kasbu ku parusan da kang kamatayan.

Ezekiel 18:31

Ituknang yu na ing sablang e mayap a dapat yu; magbayu na kayu isip at pusu. Baket buri yu, ikayung Israelita, ing mate kayu?

Ezekiel 20:33

Kabang aku, ing Ginung Dios, ing mabie Dios, ini ing pakatandanan yu: uli na ning kanakung mua dirinan da kayung babala king panibalan da kayu king mabayat a gamat at ning sabla kung upaya.

Ezekiel 21:17

Ipalakpak ku la kanita ding gamat ku at milako na ing kanakung mua. Aku, ing Ginu, ing migsalita.

Ezekiel 24:13

Jerusalem, dinatan da ka ring dapat mung imoral. Agyang migkapilit kung linisan da ka, makanyan man menatili kang marinat. E na ka pasibayung maging malinis anggang e mu panamdaman ing bigsikan na ning kanakung mua.

Ezekiel 24:8

Likuan ku karin ing daya nung nu e malyaring misalikut, nung nu maniawad pamagbengansa.

Ezekiel 44:7

Mesalaula ya ing Templo ku uling peintulutan yu lang linub ding dayuan a e mesirkunsisyun at ding marinat a pamisip at pusu inyang inain yu ing taba at ing daya da ring animal para ain-sakripisyu. Inya dinatan de ing Templo ku. At ikayu naman, subali pa karetang bage makasumaming depat yu, lebagan ye pa ing kakung kasunduan.

Ezekiel 6:12

Sakit la at mate detang atyu king marayung lugal; mate la king gera detang atyu king makalapit, at mate na la man king danup detang miligtas. Takman da ing bayat ning kanakung mua.

Ezekiel 8:18

Inya takman da ing bigsikan ning kanakung mua. Ala kung itagan karela o pakitanan mang lunus. Manalangin lang masikan kanaku; kulisak lang anggang binit da, oneng e ku la pakiramdaman.

Levitico 26:28

kanita na mibua ing mua ku kekayu at dagdagan ku na namang pitung besis kabagsik ing kasakitan a ipagpa ku kekayu

Levitico 26:41

inya paburen ku lang mebihag at miyugse king bansa da ring kalaban da. Nung magpakumbaba la at sumisi king kasalanan da,

Amos 5:6

Lumapit kayu king Ginu at e kayu mate. Nung e ye lapitan datang yang anting silab at gisanan na la ding memalen na ning Israel. Dulukan na la ning api ding memalen na ning Betel at ala metung man a makapatda kaniti.

Zepania 2:2

bayu mu akuang malanat at mate anti ing metung a sampaga, bayu datang ing mikakalabkab nang mua keka ning Ginu, bayu datang ing aldo nung kapilan na ipakit ing maragul nang mua.

Roma 2:25

Nung tutuparan me ing Kautusan, miririnan ulaga ing kekang pangasirkunsisyun; nung lalabagan mia mu rin ing Kautusan, mayap pang e na ka bitasang mesirkunsisyun.

Deuteronomio 10:16

Inya maging mapamintu kayu at e masias a buntuk king Ginu.

Deuteronomio 30:6

Ibie ne kekayu at karing maging lahi yu ing pusung mapamintu ban luguran ye king mabilug yung pusu at kaladua at kumaba kayu bie.

Deuteronomio 32:22

Ing mua ku maging anti king api a milalablab, at silaban na pati ing kalalalaman ning Sheol, ing yatu at ing makatanam laklakan na at pati pundasyun ding bunduk ipatag na.

Colosas 2:11

Mesirkunsisyun kayu king pangayabe yu kang Cristo, e king sirkunsisyun a karaniwan dang daraptan ding tau, nune king pamagsirkunsisyun nang Cristo, ing sirkunsisyun a lubus midadayu kekayu king upaya na ning palpikasalang laman.