Jeremias 4:12 - Ing Mayap a Balita Biblia

¹² Ing daratang a angin a mamintu king utus ning Ginu masikan yang e palak kesa kaniti! Ing Ginu mismu ya ing misasaldak kayatulan king balen na.

Jeremias 4:12 Iomraidhean Croise

Ding Dalit 11:6

Pauran yang baya at asupring bubukal karing sablang makasalanan; mapaling angin ing dugpang parusa karela.

Jeremias 1:16

Parusan ku la ding taung kanakung pinili uling mikasala la; gilutan da ku at minie lang ain-sakripisyu karing aliwang dios at uling ginawa lang idolo at kaybat simban da la.

Jeremias 4:11

Daratang ing panaun a mibalita karing memalen ning Jerusalem king ing metung a mapaling angin daratang yang papunta karela ibat king disyerto. E ne kalupa ning banayad a angin a mitatange mu king apa.

Jeremias 4:13

Lawan yu, daratang yang anti ding biga ing kalaban. Mengari lang alisus ding karung panggera na at mabilis la pa karing agila ding kabayu na. Makalunus tamu! Mate tana kanyan!

Jeremias 51:1

Ngana ning Ginu, Miparala kung masikan a angin a manyira king Babilonia at karing memalen na.

Ezekiel 5:8

Inya aku, ing Ginung Dios, sasabian ku keka king aku ing kekang kalaban. Isaldak ku keka ing kayatulan king akakit da ring sablang bansa.

Hosea 13:15

Agyang lumabung yang anting dikut ing Israel, makanyan man parala ku ing mapaling angin ning aslagan a manibatan king disyerto, at palangian na la ding sibul na at batis. Kuanan ku ing sablang bage maulaga.

Habakuk 1:11

Kaybat lumabas lang anting angin at bigla lang mawala deting tau Babilonia a ing sikanan da ya ing karelang dios.