Jeremias 4:10 - Ing Mayap a Balita Biblia

¹⁰ Kanita, sinabi ku, O Ginung Dios, tune mu lang alinlang ding memalen ning Jerusalem! Sinabi mung mika kapayapan, oneng makaumang ya ing espada karela.

Jeremias 4:10 Iomraidhean Croise

Exodo 5:22

Pasibayu yang linapit i Moises king Ginu at ngana, Ginu, obat paburen yu lang misasakitan ding taung pinili yu? Obat tiburan yu ku pa karela?

Exodo 9:14

Oneng ngeni ing parusan ku aliwa mu ding opisyal mu at ding taung sasakupan mu; pati ika parusan ku ban kanita akilala mu king ala kung kalupa king mabilug a yatu.

Isaias 30:10

Patuknangan da lang magsalita ding propeta. Ngara, Tuknang kayung magsalita kekami tungkul king matulid. Ing isalita yu kekami ya itang kapad ming daramdaman. Paburen yung mibiebie kami karing mali ming kapamalakan.

Isaias 37:35

Idipensa ke at ingatan iting siudad para king sarili kung dangalan at uli na ning pangakung binie ku king talasuyu kung i David.

Isaias 63:17

Baket paintulutan mung mililisia kami karing kekang dalan? Baket paburen mu ing kesiasan ming buntuk at ing pamipainggulut mi keka? King uli ra detang susuyu keka magbalik ka kekami at king uli da ring taung kekang pinili a menatiling bandi mu kapilan man.

Jeremias 1:6

Pekibat ku, Ginung Dios, e ku biasang magsalita; anak ku pa mu.

Jeremias 23:17

Alang patugut dang sasabian karing taung e bisang makiramdam kanaku king ing sabla muling mayap para karela ngan. At king balang metung at metung a masias a buntuk sasabian da king e ne bitasang dasnan ning kasakitan.

Jeremias 32:17

Ngaku, Ginung Dios, lelangan me ing yatu at ing banua king kapamilatan na ning kekang maragul a upaya at sikanan; alang bage a e mu arapat.

Jeremias 4:18

Juda, ika ing pepasari kaniti king kekang sarili king uli na ning e makatud mung pamibiebie at ding bage pemaniapat mu. Iti ya ing mapait mung kayatulan.

Jeremias 5:12

E la tapat king Ginu at ngarang sinabi, Siguradung ala yang daptan kekatamu. E tamu dumalan kasakitan; e mika gera o danup keti kekatamu.

Jeremias 6:14

Bagya mu nung uluan da la ring taung kanakung pinili; lalawan da lang alang kabaldugan ding sugat da. Ngarang sasabi, Masalese na ing sabla ngening e naman masalese.

Jeremias 8:11

Uluan da lang bagya-bagya ding sugat da ring taung kanakung pinili a balamu wari ala lang ulaga. Masalese na ing sabla, ngarang sasabi, kabang ing sabla-sabla e naman masalese.

Ding Tagulele 2:21

Mete lang kayanakan at makatua, at karing dalan makalugmuk la; ding kabaintaunan at kadalagnan mete la karing espada da ring kalaban. King keyalang lunus pete mo ngan lubus king aldo ning kekang mua.

Ezekiel 11:13

Kabang magsalita kung ula, mibual ya i Pelatia at mete ya. Migsubsub ku king gabun at ngakung kinulisak, E makanyan, Ginung Dios! Paten mu na la ngan wari ding sablang mitagan king Israel?

Roma 1:24

Uli na niti, pepaburen na lang mibabad ning Dios king karinatan na ning pusu ra angga king milako la dangalan.

Roma 1:26

Uli na ning dapat dang anti kaniti, pepaburen na la ning Dios king marawak dang nasa. Inalilan da ring babai ing natural a pamiyugnayan karing lalaki, at makiugnayan la karing kalupa rang babai.

Roma 1:28

At uling e la bisang kilala king Dios, pepaburen na la ning Dios king e mayap dang pamisip angga na ketang daraptan da ing e ra sukat daptan.