Jeremias 39:9 - Ing Mayap a Balita Biblia

⁹ Katataulian, i Nebuzaradan, ing pekapun da ring sundalus, dela na la detang tinakas minta keya at ding sablang taung mitagan king siudad at ding kinampi karela.

Jeremias 39:9 Iomraidhean Croise

Genesis 37:36

Karin naman king Ehipto pisali de ring tau Midian i Jose kang Potifar, ing metung karing pamuntuk na ning ari at kapitan da ring guardia ning palasyu.

2 Ari 20:18

Kuanan da la ring mapilan karing anak yung lalaki at idala Babilonia. Kapunan da la at gawan talapagsilbi king palasyu na ning ari.

2 Ari 25:11

Kaybat dela na lang Nebuzaradan king Babilonia ding taung mitagan king siudad, ding mitagan a taung mangagaling a pangamat king pamagobra, at detang mekikampi king Babilonia.

2 Ari 25:20

Dela na la ngan Nebuzaradan king ari ning Babilonia a atyu king siudad ning Ribla

Isaias 5:13

Inya naman mabihag kayu at miyugse marayu uling ala kayung galang. Mate lang danup ding kekayung manimuna, at mate la naman ding memalen king kau rang danum.

Jeremias 10:18

Ngeni iyugse na kayu ning Ginu lual na niting bansa; ibasibas na na kayu angga king ala nang mitagan metung man kekayu. Ing Ginu ya ing migsalita.

Jeremias 16:13

Uli na niti, iyugse da kayu king aliwang bansang e yu balu o ding makatua yu. At karin aldo't bengi kayung sumuyu karing aliwang dios at aku e ra kayu pakitanan nanumang lunus.

Jeremias 24:8

Tungkul naman kang Aring Zedekias ning Juda, ding tauan nang makapadurut king tronu na at ding memalen na ning Jerusalem a menatili keting bansa o linipat king Ehipto, aku, ing Ginu, pakiutusan ku la ngan anti deting bungang higera a e mayap kanan.

Jeremias 38:19

Pekibat ning ari, Tatakut ku karing kabalen tamung kinampi karing tau Babilonia. Magkang ibie da ku karela at panasakitan da ku.

Jeremias 40:1

Migsalita ya kanaku ing Ginu kaybat na kung binulus ning pekapun da ring sundalus a i Nebuzaradan karin king Rama. Makatanikala kung dela ra karin a kayabe da ring aliwang memalen na ning Jerusalem at Juda a mebihag at miparala king Babilonia.

Jeremias 40:7

E la sinuku ding mapilan karing opisyal at sundalus na ning Juda. Abalitan da king ing ari na ning Babilonia gewa neng gobernador ning bansa i Gedalias, at penibalan ne karing sablang e mebihag at e midala king Babilonia, ding pakakalulung memalen na ning bansa.

Jeremias 52:26

Dela na la ngan Nebuzaradan king ari ning Babilonia a atyu king siudad ning Ribla

Jeremias 52:27

sakup ning Hamat. Karin na la pepabarug at pepapate ning ari. Inya mebihag la ding memalen na ning Juda king sarili dang bansa at miyugse la king aliwang bansa.

Daniel 2:14

Kanita pintalan neng Daniel i Ariok, ing kumander da ring guardia na ning ari a miyutusan ganap king pamakamate. Pekaingat nang migsalita at

Levitico 26:33

Paratangan ku la ding kalaban yu at isalbag da kayu karing aliwang bansa. Mitiwangwang ing gabun yu at malasak la ding siudad yu.

Deuteronomio 4:27

Iyugse na kayu ning Ginu karing bansa da ring dayuan at ditak la mu ding mitagan kekayu.