Jeremias 39:8 - Ing Mayap a Balita Biblia

⁸ Kabang mapapalyari iti, silaban de ring sundalus na ning Babilonia ing palasyu at ding bale da ring memalen at lesak da la ring pader na ning Jerusalem.

Jeremias 39:8 Iomraidhean Croise

2 Ari 25:8

King kapitung aldo na ning kalimang bulan ning kalabing siam nang banuang pamag-aring Nebucadenesar ning Babilonia, linub ya Jerusalem i Nebuzaradan, ing talausuk ning ari at pekapun da ring sundalus a pakasandata.

2 Cronica 36:19

Silaban de ing Templo ning Dios, lesak de ing pader ning Jerusalem at ding gusali. Pengan ning api ing sablang maulagang bage pati na ding palasyu na, at likuan deng lasak-lasak ing siudad.

Nehemias 1:3

Ngarang mekibat kanaku, Makalunus ing kabilian da ring miligtas a mekapagbalik Jerusalem, ing lugal nung nu la mibait. Manga-insultu la karing paganu a manuknangan karin. Lasak-lasak ya pa mu rin ing pader at ding pasbul dalan ning siudad manibat na kanitang mesilab la.

Ding Dalit 79:7

Uling karela yang gisan ing lahi nang Jacob, at karela yang lesak ing kekang bansa.

Isaias 5:9

Dimdam keng magsalita ing Ginung Mayupaya. Ngana, Masira la deting sablang maragul at masanting a bale at metung man alang manuknangan karela.

Jeremias 17:27

Oneng kailangan ing pamintuan da ku at pagselebran de ing Aldo ning Sabbath bilang aldo sagradu. Neng daralan la karing pasbul dalan ning Jerusalem king aldo a ita, e la sukat mamusan nanumang karga, nung ali, silaban ku la ding pasbul dalan ning Jerusalem. Magisan lang masilab ding palasyu na ning Jerusalem at ala metung mang makapatda king silab a iti.

Jeremias 21:10

Inari ku na king lub ku king e ke iligtas iting siudad; lasakan ke. Miyabie ya king ari na ning Babilonia at silaban ne angga king mipatag ya king gabun. Aku, ing Ginu, ing migsalita.

Jeremias 32:29

Silaban de iti angga king mapupud yang kayabe da ring bale da ring taung pepamua kanaku uli na ning pamanduluk dang insenso para kang Baal babo rang bale, at uli na ning karelang pamitugtug alak bilang ain da karing aliwang dios.

Jeremias 34:2

Ing Ginu, ing Dios ning Israel, sinabi na kanaku king munta ku at sabian kang Aring Zedekias ning Juda ing anti kaniti: Aku, ing Ginu, ibie ke iting siudad king ari na ning Babilonia at silaban ne angga king mipatag ya king gabun.

Jeremias 34:22

Ibie ke ing utus at mibalik la keting siudad. Lusuban de at bihagan ampon silaban. Gawan ku lang anting disyerto ding balen ning Juda nung nukarin alang mabibie. Aku, ing Ginu, ing migsalita.

Jeremias 37:10

Nung sakali mang sambutan yu la ding sablang sundalus na ning Babilonia at ding mitagan ila mu detang sugatan a pakakera kilub ding tolda, makatalakad la pa mu rin deti at silaban de iting siudad angga king mipatag ya king gabun.

Jeremias 38:18

Nung e ka sumuku, miyabie ya iting siudad karing tau Babilonia nung ninu ding silab kaniti angga king mipatag ya king gabun at e ka malyaring makatakas karela.

Jeremias 5:10

Parala kung kalaban ban kuturan da lang mulahan dang ubas ding taung kakung pinili, oneng e da la lubus siran deti. Sabian ku mu karela king makagyung paglako da la sanga, uling e la kaku ding sangang deta.

Jeremias 7:20

Inya aku, ing Ginung Dios, ibugnus ku ing mabagsik kung mua keting Templo, karing tau, karing animal, at pati na karing tanaman at ing makatanam king marangle. Maging anti ya king api ing mua ku a e na apatda ning ninuman.

Ding Tagulele 1:10

Kinua da ring kalaban ing sabla nang pibandian. Ikit nong linub king mismung Templo nung nu na babawal ning Ginu ing lungub ya ing ninumang paganu.

Ding Tagulele 2:2

King alang lunus, ing Ginu lesak na la ding sablang baryu ning Juda. At lesak na pati ding kuta a dipensa ning bansa. Ing kayarian at ding pamuntuk na kamarinayan binie na karela.

Ding Tagulele 2:7

Pepaburen ne ning Ginu ing altar na, at gilutan ne ing Templo nang banal. Peintulutan na lang kalaban pader na karela lang lasakan. Kinulisak la uli ning pamagtagumpe ra, king kakarinan a kanitang misan king mitmung tula karin ta ya sasamban.

Ezekiel 16:41

Silaban da la ring bale mu at paburen da la ring babai a akit da ing pangaparusan mu. Pututan ku na ing pamagtinda mung katawan at ing pamamie mung regalu karing kalaguyo mu.

Ezekiel 23:47

Paburen mu la deting tau ban pamasibasan da la at lusuban da lang panabakan karing espada ra; paten da la ring anak da at silaban ding bale ra.

Ezekiel 33:21

King kalimang aldo na ning kapulung bulan ning kalabing aduang banua ning kekaming pangayugse, mekatakas ya ing metung a lalaki king Jerusalem. Dinatang ya at belita na kanaku king mibagsak ne ing siudad.

Amos 2:5

Inya paratang kung silab king Juda at silaban na la ding kuta na ning Jerusalem.

Mikeas 3:12

Uli yu masarul ya anting marangle ing Zion, maging metung yang buntun na ning kasiran ing Jerusalem, at maging metung yang kagubatan ing bunduk a katatalakaran na ning Templo.