Jeremias 39:5 - Ing Mayap a Balita Biblia

⁵ Oneng tinagal la ding sundalus na ning Babilonia at arakap de i Zedekias karin king kapatagan a malapit Jerico. Kaybat dela re kang Aring Nebucadenesar a atyu kanita king siudad ning Ribla a sakup ning Hamata. Karin ne inatulan.

Jeremias 39:5 Iomraidhean Croise

2 Samuel 8:9

Inyang abalitan nang Aring Toi ning Hamat ing pamaniambut nang David karing sablang sundalus nang Hadadezer,

2 Ari 17:24

Migdala yang tau ing ari na ning Asiria at ilang pepatuknangan na karing siudad na ning Samaria a sekupan na bilang kayalili da ring Israelita. Ibat la ding tau king Babilonia, Cut, Ava, Hamat, at Sefarvaim.

2 Ari 23:33

Miyangganan ing pamag-ari na inyang mebihag ya kang Aring Neco ning Ehipto karin king Ribla ning sakup ning Hamat. Kaybat pepabuisan neng pitung libu limang dalan a librang pilak at pitung pulu't limang librang gintu.

2 Ari 25:6

Dela re i Zedekia kang Aring Nebucadenesar a atyu kanita king siudad ning Ribla. Karin ne inatulan i Aring Zedekia.

2 Cronica 33:11

Inya tinubud na la ning Ginu ding pekapun da ring sundalus ning ari ning Asiria, at binihag de i Manase; ginapus deng tanikalang tangsu at dela re king Babilonia.

Isaias 22:3

Memulandit la ding sabla mung manimuna at mebihag la bayu re ikuang abugnus ing metung a paslu.

Jeremias 21:7

Oneng ika ampon ding pamuntuk mu at memalen a miligtas king gera, danup, at salutpaburen da kayu ngan mabihag kang Nebucadenesar at karing kalaban yung bisang makamate kekayu. Ipapate na kayung Nebucadenesar. Ala yang itagan metung man kekayu o pakitanan lunus o pakalulu ing ninuman. Aku, ing Ginu, ing migsalita.

Jeremias 24:8

Tungkul naman kang Aring Zedekias ning Juda, ding tauan nang makapadurut king tronu na at ding memalen na ning Jerusalem a menatili keting bansa o linipat king Ehipto, aku, ing Ginu, pakiutusan ku la ngan anti deting bungang higera a e mayap kanan.

Jeremias 38:18

Nung e ka sumuku, miyabie ya iting siudad karing tau Babilonia nung ninu ding silab kaniti angga king mipatag ya king gabun at e ka malyaring makatakas karela.

Jeremias 38:23

Sinabi ku pa ing anti kaniti: Midala la ding sabla yung kebabainan at anak karing tau Babilonia at ika mismu e ka makatakas karela. Bihagan na ka ning ari na ning Babilonia at masilab ya iting siudad angga king mipatag ya king gabun.

Jeremias 4:12

Ing daratang a angin a mamintu king utus ning Ginu masikan yang e palak kesa kaniti! Ing Ginu mismu ya ing misasaldak kayatulan king balen na.

Jeremias 44:30

Ibie ke i Aring Hopra ning Ehipto karing gamat da ring kalaban nang bisang makamate keting ari. Makanyan ing depat ku kang Aring Zedekias na ning Juda; binie ke karing gamat nang Aring Nebucadenesar ning Babilonia a kalaban na at mignasang makamate keting ari.

Jeremias 49:23

Iti ya ing sinabi na ning Ginu tungkul king Damasco: Maliligalig la ding memalen da ring siudad na ning Hamat at Arpad uling abalitan da ing e mayap a balita. Mengari king alun ning dagat ing kaligaligan a daratang karela at e la mipaindatun.

Ding Tagulele 1:3

Ding memalen ning Juda ipus lang alang akarapat, uling bihag la at mitabi king tuknangan dang lugal. Karing aliwang bansa la menuknangan; ala nang ayaus sarili dang tuknangan. Makakubkub la karing kalaban, at ing pamanakas masakit dang gawan.

Ding Tagulele 4:20

Arakap de ing manimuna king bie mi, ing ari a ing Ginu mismu yang memili, ing kekeng penaligan migdipensa kekami karing sablang kalaban.

Ezekiel 23:24

Lusuban da ka manibat king norti; magdala lang dakal a sundalus ampon karung panggera at gareta. Atin lang kalasag at maka-helmet la ban e la numanu balang. Kubkuban da ka. Paburen da kang manabu karing gamat da at ila atulan da ka agpang karing karelang kautusan.

Habakuk 1:7

Sasalbag da ing takut ampon kilabut, at uli na ning kapalaluan da, tuturing dang batas ing mismung sarili ra.

Ding Bilang 13:21

Inya meko la at selugsugan de ing lugal manibat king ilang ning Zin angga king Rehob lele ning pidadalanan palub king Hamat.

Josue 13:5

ing gabun da ring Gebalita, ing kabilugan ning Lebanon king dane aslagan, manibat Baalgad a atyu mauli na ning Bunduk ning Hermon angga na king Pidadalanan paukiat king Hamat.

Josue 4:13

Ating apat apulung libu kataung pakasandata karing linabas king arapan na ning Ginu at dinalakit papunta king kapatagan malapit Jerico.

Josue 5:10

Kabang makakampu la Gilgal king kapatagan ning Jerico pigselebran de ing Pamaglagpus king kabengian na ning kalabing apat na ning bulan.

Ukum 3:3

Ding mitagan king bansa ila ding lima dang siudad ding Filisteo, ding Cananeo, ding Sidoniano, at ding Heveo a manuknangan karing kabundukan na ning Lebanon manibat king Bunduk ning Baal Hermon angga na king Pidadalanan ning Hamat.