Jeremias 39:4 - Ing Mayap a Balita Biblia

⁴ Inyang ing Aring Zedekias at ding sablang sundalus na ikit da ing mapapalyari, migkapilit lang makatakas king siudad inyang bengi na. Meko la at delanan de ing hardin ning ari, at dinalan la king pasbul dalan pilatan da ring aduang pader at tinakas lang papunta king Kapatagan ning Jordan.

Jeremias 39:4 Iomraidhean Croise

2 Cronica 32:5

Pepalarin na la ning ari ding sirang pader a peka dipensa ning siudad at pepakabit yang tore at pepagawa ya namang aliwa pang pader king lual. Pekatibe ne ing Milo ning Siudad nang David. Pepagawa ya namang dakal a sandata at kalasag.

Isaias 22:11

Ban makatipun kang danum kilub ning Jerusalem, ginawa kang depositung danum kilub da ring pader ban sumalud king danum a mamagus ibat king matuang depositung danum. Oneng e me dininan pansin ing Dios a mibalak kaniti king maluat nang panaun at pepasari kaniting mepalyari.

Isaias 22:3

Memulandit la ding sabla mung manimuna at mebihag la bayu re ikuang abugnus ing metung a paslu.

Isaias 29:2

at kaybat na nita parala neng kasiran ing Dios king siudad a mayayaus Ing altar ning Dios. Mika pamanangis at kalungkutan at maging metung yang balamu altar a mitmung daya ing mabilug a siudad!

Jeremias 32:4

at e ya makatakas i Aring Zedekias. Miyabie ya king gamat na ning ari ning Babilonia; akit ne lupa at lupa at magsalitang arapan king ari.

Jeremias 32:5

Midala ya i Zedekias king Babilonia at manatili ya karin angga king akayarap ke. Agyang labanan na la pa ding sundalus na ning Babilonia, makanyan man masambut ya. Aku, ing Ginu, ing migsalita.

Ezekiel 12:12

Ibili ne ning prinsipi a manimuna karela ing balutan na karing pago na busal ning kabengian, at tumakas ya't dumalan king busbus a gewa ra king pader para pidalanan na. Takpan na la ding mata na at e na akakit ing pupuntalan na.

Ezekiel 12:4

Kabang masala pa, ibalut mu ing kailangan mu para king pangayugse ban akit da ka at kaybat paburen mung pagumasdan da ing paglako mu king kabengian a balamu mo pupunta ka king pangayugse.

Levitico 26:17

Painggulutan da kayu ban masambut kayu karing kalaban yu; ding sumakup kekayu ila ring taung masama kekayu; mamulayi kayu king takut agyang pang alang tatagal kekayu.

Levitico 26:36

At katmuan ku lang takut detang mitagan a tau kekayu. Agyang kaluskus mu ning bulung a pinaid ning angin mamulayi na la king takut da agyang alang kalaban a tatagal karela.

Amos 2:14

E la miligtas kanaku agyang ding mabilis dang diling mulayi; milako la sikanan ding masikan at e ra aligtas ding sundalus ing sariling bie ra.

Deuteronomio 28:25

Ipasambut na kayu ning Ginu karing kalaban yu; lusuban yu la, kaybat mamulayi kayu king miyayaliwang lugal at mangilabut la ding sablang tau ning yatu a manakit king milyari kekayu.