Jeremias 3:9 - Ing Mayap a Balita Biblia

⁹ E ne tiblan ning dine ditak mu man. Dinatan ne ing bansa; dinapat yang kataksilan king kapamilatan na ning pamanyamba na karing batu at karing dutung.

Jeremias 3:9 Iomraidhean Croise

Isaias 57:3

Ikayung makasalanan, lumapit kayu keni ban miyatulan! Ala kayung pangayaliwa karing mangkukulam, karing makipangalugud, at karing babaing magtinda king katawan da.

Isaias 57:6

Karin kayu kakuang batung malinatnat at sasamban yu lang anting dios. Tutugtug yu ing alak bilang ain-sakripisyu yu karela at pagdala yu la pang trigu bilang ain yu. Isipan yu galang king tutula ku king sablang daraptan yung yan?

Jeremias 10:8

Bolang la ngan at mangmang. Nanung abalu ra karing idolong dutung?

Jeremias 16:18

Papamayaran ku lang aduang besis king depat dang pamikasala at king e mayap uling dinatan de ing bansa ku karing idolo a mengaring bangke alang bie at uling kitmuan de ing bansa ku karing dios dang e tutu.

Jeremias 2:27

Mangapakarine kayu, ikayung sablang sasabi king ing kapirasung dutung ya ing kekong tata at king ing metung a batu ya ing kekong ima. Matupad iti uling ginulut kayu kanaku lugal king mibalik kayu kanaku. Oneng potang atyu kayu king kaligaligan, ausan yu kung datang ban iligtas da kayu.

Jeremias 2:7

Dela ku la king matabang gabun, ban nabangnan da ing pupul at miyayaliwang bage mayap. Makanyan man karas da karin selaula de ing kakung bansa; gewa deng karumaldumal ing bansang binie ku karela.

Jeremias 3:2

Lumawe ka babo da ring bunduk-bundukan. Atin waring lugal a e ka menugaling anting babaing magtinda king katawan na? Penaya mu la king lele dalan ding lalaking kekang suki, nung makananu yang manaya ing metung a Arabo king disyerto karing maging biktima na. Dinatan me ing bansa king kapamilatan na ning pamagtinda mu king kekang katawan.

Ezekiel 16:17

Kinua mu la ding alahas a pilak at gintu a binie ku keka at ginamit mu la ban gawang larawan da ring lalaki at mekipangatawan ka karela.

Ezekiel 23:10

Linubas de; dekap da la ring anak nang lalaki at babai at pete de king kapamilatan ning espada. Sasalita da ring babai nukarin mang lugal ing milyari king bie na.

Ezekiel 23:21

Buri nang takman pasibayung Oholiba itang marinat nang pamibiebie karin Ehipto kanitang kayanakan na, kanitang pemialungan de ring lalaki na ning Ehipto ing salu na.

Ezekiel 23:3

Manuknangan la king Ehipto inyang kayanakan la. Karin mesira ing pangadalaga ra at meging babai lang magtinda king karelang katawan.

Hosea 2:2

Anak ku, pakisabian yeng mayap i ima yu, agyang e ku ne asawa at aku naman e na na ku asawa. Pakisabian yeng mayap king tuknang ne sanang magtaksil at e na na pamisali pa ing katawan na.

Hosea 4:12

Maniawad lang payu king metung a kapirasung dutung. Sasabian na naman karela ning kapirasung dutung ing buri dang abalu! Gilutan da ku. Mengari la king babaing magtinda king katawan na; binie ra ing sarili da karing kikilalanan dang dios.

Joel 1:19

Ginu, mamaus ku keka, uling ing pipagpastulan at ding tanaman melangi la, anti waring ing api ya ing sinilab karela.

Habakuk 2:19

Makalunus na kayo! Sasabian yu king kapirasung dutung, Migising ka! o king kapirasung batu, Mibangun ka! Atin ya waring malyaring apabalu kekayu ing metung a idolo? Mapalyaring belutanan yang pilak at gintu, oneng e ne man mabie.

Mateo 5:32

Oneng ngeni sasabian ku kekayu: nung kawanian ne ning lalaki ing asawa nang e naman mekipangalugud at makiasawa ya ing babai king aliwa, mikakasala ya ing lalakiuling ya ing mitulak king asawa na king pamakipangalugud. At ing ninumang makiasawa king babaing kewanian ning asawa na, makipangalugud ya naman.