Biblia Todo Logo
Bìoball air-loidhne

- Sanasan -




Jeremias 3:8 - Ing Mayap a Balita Biblia

8 Ikit na namang Juda king diborsyu ke ing Israel at tinabi ke uling pigtaksilan na ku. Makanyan man e ya mitakutan ing Juda at menugali ya namang anti ing babaing magtinda king katawan na.

Faic an caibideil Dèan lethbhreac




Jeremias 3:8
20 Iomraidhean Croise  

Pepagawa ya pang pisasamban da ring paganu karing bulubundukan ning Juda, at penimunan na la ding memalen na ning Juda at ning Jerusalem king pamikasala laban king Ginu.


Ngana ning Ginu, Bala yu galang king kaku yang pepalakuan ing kakung balayan anti ing lalaking midiborsyu king keyang asawa? Nu la karin ngeni ding papelis ning pamidiborsyu? Bala yu galang king pisali da kayu king pangabihag kalupa ning lalaking mamisali karing anak na ban maging ipus la? Ali! Mebihag kayu uli da ring kekong kasalanan; mitabi kayu uli ra ding krimen a kekong depatan.


Ing sarili mung alang kayapan ya ing mamarusa keka, at ing kataksilan mu kaku ya ing mangondena keka. Abalu mu nung nu anti kapait at alang kayapan ing likuan mu ku, ing Ginung kekang Dios; ala na kang galang nanuman. Aku, ing Ginung Dios a Mayupaya, ing migsalita.


Ngana ning Ginu, Nung idiborsyu ne ning lalaki ing asawa na, at ing babai naman kawanian ne at maging asawa ne ning aliwang lalaki, e na ne akuang pasibayu ning minuna nang asawa. Lubus neng minie dinat king bansang ita. Oneng ika, Israel, karakal mu kelaguyo at ngeni bisa kang magbalik kanako!


E mu wari apansinan ing sasabian da ring tau king aku kanu tinggian ke ing Israel at ing Juda, ding aduang pamilyang kanakung pinili? Inya linawe da la ring taung kanakung pinili king mitmung pamaninsultu at e da na la bitasang tatanggapan antimong metung a bansa.


Nganang kinutang ning Ginu, Baket kailangan ku lang patawaran ding kasalanan da ring taung kakung pinili? Gilutan da ku at sinamba la karing dios a e naman tutu. Pepakan ku la anggang bisa la, oneng dinapat lang pamakipangalugud at linabas da ing karelang panaun karing babaing magtinda king katawan da.


Ing atsi mu, at ding baryu na, ya ing Samaria ning norti. Ing wali mung babai, at ding baryu na, ya ing Sodoma ning mauli.


Mekagyu wari keka ing tukian mu ing bakas da at pakiapusan ing karelang makasumaming ugali? Ali, king ditak mung panaun meging mas lalu yang e mayap kesa karela.


E ya man kinapitna ing Samaria king depat mung pamikasala. Mas menugali kang makasumami. Mayakit lang alang kasalanan ding kapatad mu nung ipakilupa la king kekang depat a makasumami.


Ulit-ulitan da lang belikan deting babaing mamisali king katawan da. Belikan da lang pasibayu di Ohola at Oholiba, ding e mayap a babaing deta.


Inya binie ku ne karing kalaguyo nang tau Asiria a pagnasan nang e makanyan-kanyan.


Iti mangabaldugan king e ya mika ari o mika manimuna ing Israel king makabang panaun; e ya naman mika ain o mika sagradung asias a batu, idolo o larawan a gagamitan king pamanula tungkul king daratang a panaun.


Potang makiasawa ya ing metung a lalaki at kaybat e ya maligaya king babaing ayasawa na uling atin yang ikit a e masanting, kanita ing lalaki malyari yang gawang kasulatan ning pamikawani at palakuan ne king bale na ing babai.


at kaybat ing kadua nang ayasawa ginawa ya namang kasulatan ning pamikawani o mete ya kaya, ituring ne kanitang e malinis ing babai. E na ne malyaring pakiabayan ning minuna nang asawa uling makasumami na iti king Ginung kekayung Dios. E yu sukat darala ing anti kaniting karumaldumal a pamikasala king gabun a babie na kekayu ning Ginung kekayung Dios.


Lean sinn:

Sanasan


Sanasan