Jeremias 3:6 - Ing Mayap a Balita Biblia

⁶ Ngana kanaku ning Ginu inyang i Josias ya ing ari, Ikit mu nung nanu ing depat na ning Israel, ing babaing taksil? Likuan na ku; at king balang bunduk-bundukan at lalam ding tanaman pekiapusan na ing dapat ning metung a babaing magtinda king katawan na.

Jeremias 3:6 Iomraidhean Croise

1 Ari 14:23

Ginawa lang pisasamban karing mangatas a lugal, mitalakad lang asias a batu, at larawan nang Asera karing bunduk-bundukan, at karing lalam da ring tanaman.

2 Cronica 34:1

Walu yang banua i Josias inyang meging ari ya king Juda, at mig-ari ya king Jerusalem kilub ding atlung pulu't metung a banua.

Ding Dalit 106:39

King depat da karelang dinatan ing sarili da, at king Ginu meging taksil la.

Isaias 57:3

Ikayung makasalanan, lumapit kayu keni ban miyatulan! Ala kayung pangayaliwa karing mangkukulam, karing makipangalugud, at karing babaing magtinda king katawan da.

Isaias 57:7

Ukiatan yu la ding mangatas a bunduk ban munie ain-sakripisyu, at ban daptan ing pamitan ning kekong laman.

Jeremias 1:2

Migsalita ya ing Ginu kang Jeremias kanitang labi neng atlung banuang mag-ari king Juda i Josias a anak nang Amon.

Jeremias 11:10

Migbalik la karing dapat dang pamikasala ding makatua da at tinangging tupad king parapat ku karela. Sinamba lang aliwang dios. Parehu lang linabag ing Israel at ing Juda king kasunduan a pikayari mi ding makatua da.

Jeremias 17:2

Sasamba la ding memalen yu karing altar at karing sagradung asias a mitalakad para king diosang i Asera a atyu king lele ning balang tanaman a malabung, karing bunduk-bundukan,

Jeremias 3:8

Ikit na namang Juda king diborsyu ke ing Israel at tinabi ke uling pigtaksilan na ku. Makanyan man e ya mitakutan ing Juda at menugali ya namang anti ing babaing magtinda king katawan na.

Jeremias 31:22

Angga kapilan, ikong taung alang kapanaligan ing mikakunu kayu? Linalang kung metung a bage bayu at makayaliwa, anting babaing magdipensa para king lalaki.

Jeremias 5:11

Lubus da kung pigtaksilan ding memalen ning Israel at Juda. Aku, ing Ginu, ing migsalita.

Jeremias 7:24

Oneng e ra ku pemintuan ni pekiramdaman man. Lugal king pamintuan da ku, ing depat da ya pin ing penusigan da ing agkat ning masias at e mayap dang pusu at meging e la mayap lugal king maging mayap la.

Ezekiel 16:31

Menalakad kang pisasamban para karing idolo karing balang dalan at dinapat kang pamagtinda king katawan. Oneng e na na ka man kalupa ning karaniwan a babaing magtinda king katawan na a mangailangan salapi.

Ezekiel 16:35

Inya ngeni, Jerusalem a mengari king babaing magtinda king katawan na, pakiramdaman mu ing sasabian na ning Ginu!

Ezekiel 20:28

Dela ku la king gabun a pengaku kung ibie karela. Minie lang ain karing sablang ikit dang matas a bunduk-bundukan at berding tanaman. Pepamua da ku king kapamilatan da ring ain a karelang dilukan at king kapamilatan na ning alak a dela ra bilang ain da.

Ezekiel 23:11

Iti ikit nang Oholiba, oneng lalu yang masiri at igitan ne i Ohola king kasalanan na ning pamakipaglalaki.

Ezekiel 23:4

Ohola ing lagyu ning atsi (ya ing simbulu na ning Samaria), at Oholiba ya lagyu ing wali (ya ing simbulu na ning Jerusalem). Ayasawa ku lang parehu at mikayanak ku karela.

Hosea 11:7

Pilit lang gugulut kanaku. Saingsing la uli na ning paud a atyu karing batal da, oneng metung man alang sumaup milako kaniti.

Hosea 4:13

Karing sagradung lugal da ring taluktuk ding bunduk karin la babie ain, at duruluk lang insenso karing bunduk-bundukan lalam da ring malabung a tanaman uling masalilung karin! Ing bunga na niti ya ing maging babai lang magtindang katawan ding anak yung dalaga, at ding manuyang yung babai pagtaksilan da la ring anak yung asawa ra.

Ukum 2:17

Oneng ding Israelita e da la pekiramdaman deting ukum. Pigtaksilan ne ning Israel ing Ginu at sinamba yang aliwang dios. Memintu la ding makatua da karing kautusan ning Ginu, oneng malalagua dang tiknang daraptan iti ding bayung lahi.