Jeremias 3:5 - Ing Mayap a Balita Biblia

⁵ E manatili ing mua mu; e ka malyaring manatiling mua kanaku. Israel, ita ing sinabi mu, oneng depat mu mu rin ing sablang e mayap a agyu mung daptan.

Jeremias 3:5 Iomraidhean Croise

2 Cronica 29:10

Tune pagnasan ku ngeni ing gawa tamung pasibayung kasunduan king Ginu, ing Dios ning Israel, ban mawala na ing mabagsik nang mua kekatamu.

Ding Dalit 85:5

Manatili ka waring mua kekami kabang-kaba? Ala na waring kapupusan ing kekang mua?

Ding Dalit 85:6

Ibalik mu na ing kekeng sikanan ban ikami ngan masaya ra kang purian.

Isaias 57:16

Dininan ku lang bie ding taung pinili ku, at e ku na isundu ing pamamarsala karela, at e na ku mimua kabang-kaba karela.

Isaias 64:9

inya e mu sana lulubusan ing mua mu kekami, e mu na la sana gaganakan pa ding kekaming kasalanan king alang kapupusan. Ikami ding taung pinili mu; malunus ka sa kekami.

Jeremias 3:12

Inutus na kung munta kang Israel ban sabian ku, Taksil a Israel, magbalik na ka kanaku. Biasa kung lumunus at e na ku mua; e kabang kaba ing mua ku keka.

Jeremias 8:5

Obat mo, O taung kanakung pinili, gilutan yu ku at e kayu bisang magbalik kanaku? Pakakalawat yu ing talan yu karing kekayung idolo at e kayu bisang magbalik kanaku.

Jeremias 8:6

Pekiramdaman da kayung masalese, oneng e yu naman sinabi ing katutuan. Ala pang sinisi metung man kekayu king e mayap a depat na; ala metung man kekayu a mengutang, Nanu ing depat kung pamikasala? Susulung na ning balang metung ing sarili nang lakad, ala yang pamiyaliwa king kabayung sasagasa king labanan.

Ezekiel 22:6

Menalig la ding manimuna na ning Israel king sarili dang sikanan at darapat lang pamakamate tau.

Mikeas 2:1

Makapangilabut ing kararasan da ring kera-kerang e matudtud kabang mibabalak lang e mayap! Kabuklat ning masala, kabud mirinan lang oportunidad, daraptan da itang e mayap a karelang binalak.

Mikeas 7:3

Magaling la ngan king pamaniapat e mayap. Maniawad lang suhul ding pamuntuk at ukum. Sasabian na karela ning mayupayang tau ing kaburian na, inya misasapakat la.