Jeremias 3:4 - Ing Mayap a Balita Biblia

⁴ At ngeni sasabian mu kanaku, Ika ing Tata ku at pepakamalan mu ku manibat na inyang malati ku.

Jeremias 3:4 Iomraidhean Croise

Ding Dalit 119:9

Makananu yang makapanatiling malinis a bie ing lalaking kayanakan? Ing keyang daptan ya ing tuparan na lang kekang kautusan.

Ding Dalit 48:14

Ing Dios, Dios ta ya kapilan man; king sablang panaun patnubayan na katamu ngan.

Ding Dalit 71:17

Manibat na inyang kayanakan ku, O Dios, tiru mu na ku at aku naman ala kung tuknang mamalita karing makapagmulala mung dapat.

Ding Dalit 71:5

Ika, O Ginung Dios, ing kakung kapanayan at asahan manibat na kanitang anak ku.

Ding Kasebian 1:4

Dirinan deng kabiasnan ing taung alang beluan, at tuturu da karing kayanakan nung makananu lang gawang kapasyahan king ustung paralan.

Ding Kasebian 2:17

Babai yang taksil king sarili nang asawa at mangalinguan ya karing banal nang sumpa king Dios.

Jeremias 2:2

king ibalita ku iting mensahi na king balang memalen na ning Jerusalem: Agaganaka ku ing kekang katapatan inyang kayanakan mu, nung nu anti karagul ing lugud mu kaku inyang pekasalan da ka; tikian mu ku king libutad ning disyerto, karing lugal a e bitasang mitamnan.

Jeremias 2:27

Mangapakarine kayu, ikayung sablang sasabi king ing kapirasung dutung ya ing kekong tata at king ing metung a batu ya ing kekong ima. Matupad iti uling ginulut kayu kanaku lugal king mibalik kayu kanaku. Oneng potang atyu kayu king kaligaligan, ausan yu kung datang ban iligtas da kayu.

Jeremias 3:19

Ngana ning Ginu, Israel, pignasan kung tanggapan da ka bilang anak ku, at dinan malagung bansa; bansang malagung dili king mabilug a yatu. Buri ku ing ausan mu kung tatang, at e na ka gumulut kaku kapilan man.

Jeremias 31:22

Angga kapilan, ikong taung alang kapanaligan ing mikakunu kayu? Linalang kung metung a bage bayu at makayaliwa, anting babaing magdipensa para king lalaki.

Jeremias 31:9

Kikiak lang datang ding taung kakung memalen; manalangin la kabang kaku lang tatairan. Tairan ku la karing sibul ning danum, karing patag a dalan, at e la misakab. Uling anti kung tata para king Israel, at ing Efraim ya ing kakung pangane.

Hosea 2:15

Isubli ku la bilang bandi na ding mulahan nang ubas at gawan keng pasbul ning kapanayan ing Kapatagan ning Akor. Tanguanan na ku karin a antimo ing depat na kanitang kayanakan na, kanitang dinatang yang ibat Ehipto.

Malakias 1:6

Nganang sasabi ning Ginung Mayupaya karing pari, Gagalangan ne ning anak ing tata na, at ing ipus ing panginuan na. Aku ing kekayung tata, obat e yu ku gagalangan? Aku ing kekayung panginuan, obat e yu ku gagalangan? Lalapastanganan yu ku, makanyan man kukutang yu kanaku, Makananu da kang lalapastanganan?

Malakias 2:14

Kukutang yu nung ba't e na na la tatanggapan. Ing sangkan ya iti: uling balu na king e yu la tiparan ding pengaku yu king babaing kekayung kesal inyang kayanakan yu. Ya ing kekayung kayabe king bie, oneng e yu tiparan ing pengaku yu king Ginu agyang simpa yu king arapan na ning Dios king maging tapat kayu karing sarasarili yung asawa.