Jeremias 3:3 - Ing Mayap a Balita Biblia

³ Iti ya ing sangkan nung inya e minuran at e bitasang minuran agyang king panaun ning kauran. Pati itsura mu lupang babaing magtinda king katawan na; tutu na kang alang marine!

Jeremias 3:3 Iomraidhean Croise

Genesis 19:34

Kabukasan sinabi na ning atsi king wali, Nabengi siniping ku kang tatang. Lasingan teng pasibayu ngening benging iti, at ika naman ing sumiping. Kanita ikatang adua mikayanak kata kang tatang.

Nehemias 9:17

Karing utus mu e la memintu; kelinguan da ing sablang bage pagmumulalan a depat mu; buntuk da pepasias da la, at memili lang karela manimuna ban king Ehipto maging ipus pasibayu. Oneng metung kang Dios a makasadiang mamatawad, maganaka, at malunusan, e agad mimua, at tune malugud. Inya e mu la pepaburen.

Ding Kasebian 21:29

Atin lang kompiansa ding matulid king karelang sarili, oneng ding taung e mayap dapat da pawang pamagkunwari.

Isaias 5:6

Paburen kung dagul nang dagul ing dikut at suksuk. E ke linisan o gambulan man, oneng paburen keng mapuput ya karing miyayaliwang suksuk. E ku paintulut dugpa ing uran king mulahan ubas.

Jeremias 14:1

Nganang migsalita ning Ginu kanaku tungkul king lawi,

Jeremias 14:22

Ala metung man karing idolo ding bansa a makaparatang uran; ing banua king sarili na e makabaldug uran ditak man. Binili mi ing kapanayan mi keka, O Ginung kekeng Dios, uling ika mu ing makarapat kareting bage.

Jeremias 14:3

Tutuburan da la ring mabandi ding karelang ipus ban kumang danum; pupunta la reti karing talaga, oneng danum ala lang akua; magbalik lang alang laman ding karelang banga. Mimina la lub at e ra balu ing daptan da, at tatakpan da lang lupa ra.

Jeremias 14:4

E la mipaindatun ding ortelanu; tatakpan da lang karelang lupa, uling alang uran a mananabu at ing gabun mengabtak na.

Jeremias 36:2

Kuma kang pisusulatan a lulun at isulat mu ing sablang sinabi ku keka tungkul king Israel at king Juda ampon karing sablang bansa. Isulat mu ing sablang sinabi ku keka manibat na kanitang minunang migsalita ku keka, inyang i Josias ya ing ari at angga na ngening kasalukuyan.

Jeremias 5:24

E yu bitasa mang aisip ing galangan yu ku agyang parala kung uran king panaun ning uran kaybat ning dimla at dirinan da kayung panaun para mupul balang banua.

Jeremias 5:25

Makanyan man, ding kekayung kasalanan ilang sinabat kareting mayap a bage ban e yu la nabangnan.

Jeremias 5:3

Manintun yang katapatan ing Ginu. Oneng e yu pinsinan agyang berug na kayu; lemutak na kayu, oneng e kayu migbayu. Masias kayu buntuk karing kekong kasalanan at e bisang gumulut.

Jeremias 6:15

Merine la wari inyang depat da la reting makasumaming bage? Ali la! E la bitasang merine. E la man biasang dumine. Inya naman, miragsa la nung makananu lang miragsa ding aliwa. Kabud digpa ku gamat karela, ita na ing kawakasan da. Aku ing Ginu, ing migsalita.

Jeremias 8:12

Taung kanakung pinili, merine kayu wari inyang depat yu la ding bage makasumami? Ali kayu! E kayu bitasang merine; e kayu man biasang mangalare lupa! Inya miragsa kayu nung makananu lang miragsa ding aliwa. Potang parusan da na kayu, ita na ya ing maging wakas yu. Aku, ing Ginu, ing migsalita.

Jeremias 9:12

Kitang ku, Ginu, baket melasak ya ing bansa, obat melangi yang anti ing disyerto? Baket ala metung mang daralan libutad na? Ninu ing ating sapat a kabiasnan para makaintindi kaniti? Kaninu mu pepabalu ban isalita na karing aliwa?

Ezekiel 3:7

Oneng ala metung man karing memalen na ning Israel ing mabisang makiramdam keka; agyang aku e ra ku pakiramdaman. Masias la ngan a buntuk at mapaglaban.

Levitico 26:19

Sagapan da kayu uli na ning kesiasan yung buntuk; e muran at maging masias anting bakal ing gabun yu.

Amos 4:7

E ku pepauran inyang kailangan da ring kekong tanaman ing uran. Pepauran ku king metung a siudad, oneng ali ku king aliwa. Miyuranan ya ing metung a marangle, oneng melangi ya ing aliwang marangle.

Amos 4:8

Uli na ning maina na la king kau, minta la ding dakal a tau da ring siudad king metung a siudad nung nu ra asahan ing manakit lang danum, oneng e mekagyu karela. Makanyan man e kayu migbalik lub kanaku.

Zepania 2:1

Bansang alang marine, magbayu na kang bie

Zepania 3:5

Oneng e ya mamako ing Ginu king siudad; daraptan na ing mayap at e bitasang gagawang e mayap. E na kakalinguan babie balang abak ing katuliran karing memalen na. Makanyan man e la tutuknang darapat e mayap ding e mayap a taung atyu karin, at e la man dirine.

Hageo 1:11

Aku ing pepalangi king bansa, karing bunduk-bundukan, karing marangle pitatamnanan binutil, karing mulahan ubas at olibo, karing balang tanaman a tutubu king gabun, karing tau ampon animal at king heganaganang buri yung patubuan.

Deuteronomio 28:23

E muran at maging anting bakal ing gabun.

Hebreo 12:25

Inya mingat kayu at e kayu tatangging makiramdam king migsalita. Nung detang e mebisang makiramdam king migsalita karela e la miligtas king parusa, e kasi lalu ta nang e miligtas, nung e tamu makiramdam king magsalitang ibat karin banua!