Jeremias 3:2 - Ing Mayap a Balita Biblia

² Lumawe ka babo da ring bunduk-bundukan. Atin waring lugal a e ka menugaling anting babaing magtinda king katawan na? Penaya mu la king lele dalan ding lalaking kekang suki, nung makananu yang manaya ing metung a Arabo king disyerto karing maging biktima na. Dinatan me ing bansa king kapamilatan na ning pamagtinda mu king kekang katawan.

Jeremias 3:2 Iomraidhean Croise

Genesis 38:14

Inya likas ne ing susulud nang imalan bilang mebalu; migtalikbung ya at pekabalabalan na ing sarili na at saka ya migluklukan king lele dalan palub karin Enaim a lalabasan dang papunta Timna. Balu nang Tamar king maragul ne i Sela pero e re pa babie ban maging asawa na.

1 Ari 11:3

Pitu lang dalan ding babaing anak ari ding kesal na, at atlu lang dalan naman ding kasese na. At linaut de king Dios i Solomon.

2 Ari 23:13

Pepalasak na la naman ding altar a atyu king aslagan ning Jerusalem, dane mauli ning Bunduk da ring Olibo. Pepagawa na la deti ning Aring Solomon para king pamanyamba karing makasumaming idolo na ning diosang i Astarte ning Sidon, para kang Kemos, ing kikilalanan nang dios ning Moab, at para kang Molek, ing kikilalanan nang dios ning Ammon.

Ding Dalit 106:38

Pete da la't inain ding anak dang ala pang kamalayan, inya ing lugal a ita king daya da karin ya midinatan.

Ding Kasebian 23:28

Anti lang tulisan a manabat keka, at ila ding makapasari king pamagtaksil da ring dakal a lalaki karing asawa ra.

Ding Kasebian 7:11

Masikan ya lub at alang kadinedine. Parati yang lilibut karing dalan.

Jeremias 12:12

King malualas at karing matas nang lugal ning disyerto dinatang la ding lalaki ban maniamsam. Peparatang kung gera ban siran ya ing mabilug a bansa; ala metung mang makapibiebie king kapayapan.

Jeremias 2:20

Sasabian ning Ginung Dios, Israel, gilutan mu king milabas a panaun ing kakung upaya; tinggian mu ing pamamintu at pamanyamba kaku. Karing balang matas a bunduk-bundukan, at lalam ding balang malabung a tanaman keka lang simban ding e tune dios.

Jeremias 2:23

Makananu mung asabi king ing sarili mu e mu dinatan, king kapilan man e me simban i Baal? Ganakan mu ing kasalanan a depat mu king kapatagan; lawan mu ing depat mu karin. Mengari ka king dumalagang kamelyu a manintun potro, pulapulaying alang balung puntalan,

Jeremias 2:7

Dela ku la king matabang gabun, ban nabangnan da ing pupul at miyayaliwang bage mayap. Makanyan man karas da karin selaula de ing kakung bansa; gewa deng karumaldumal ing bansang binie ku karela.

Jeremias 3:1

Ngana ning Ginu, Nung idiborsyu ne ning lalaki ing asawa na, at ing babai naman kawanian ne at maging asawa ne ning aliwang lalaki, e na ne akuang pasibayu ning minuna nang asawa. Lubus neng minie dinat king bansang ita. Oneng ika, Israel, karakal mu kelaguyo at ngeni bisa kang magbalik kanako!

Jeremias 3:13

Tanggapan mu mu ing mikasala ka at king linaban ka king Ginung kekang Dios. Kilalanan mu at ibalita king tutu pin ing mekipangalugud ka karing aliwang dios king lalam ning balang tanaman a malabung at king e ka memintu karing kanakung kautusan. Aku, ing Ginu, ing migsalita.

Jeremias 3:21

Meramdam ing inge babo ding bunduk-bundukan: Iti ya ing memalen ning Israel a kikiak at magamuamu, uling mibiebie lang memalen na king pamikasala at kelinguan de ing Ginung Dios da.

Jeremias 3:9

E ne tiblan ning dine ditak mu man. Dinatan ne ing bansa; dinapat yang kataksilan king kapamilatan na ning pamanyamba na karing batu at karing dutung.

Jeremias 7:29

Manangis kayu, memalen ning Jerusalem; ururan yu ing buak yu at iyugse yu. Ikanta ye babo ding bunduk-bundukan ing kanta ning kamatayan, uling aku, ing Ginu, mua ku at tinggian ke ing balen ku.

Ezekiel 16:16

Ginamit mu ing mapilan king bestida mu ban palamutian la ding lugal mung pisasamban. At anting metung a babaing magtinda king katawan na binie mu ing kekang sarili king ninumang lalaki.

Ezekiel 20:28

Dela ku la king gabun a pengaku kung ibie karela. Minie lang ain karing sablang ikit dang matas a bunduk-bundukan at berding tanaman. Pepamua da ku king kapamilatan da ring ain a karelang dilukan at king kapamilatan na ning alak a dela ra bilang ain da.

Hosea 2:5

na ning babaing e tapat king asawa na. Ya mismu ing sinabi, Puntalan ku la ding lalaking kalaguyo ku; ila ding babie pamangan kanaku, inuman, imalan a lana at linen, larung olibo, at alak.

Lucas 16:23

Kabang magdusa ya king Hades, tinalanga ya ing mabandi at ikit ne king marayu i Abraham at i Lazaro a atyu siping na.

Deuteronomio 12:2

Lasakan yu la ngan king gabun a sakupan yu ding sablang lugal nung nukarin da la sasamban ding tau ding kikilalanan dang dios a atyu karing taluktuk da ring bunduk, karing bunduk-bundukan at karing lalam da ring tanaman.