Jeremias 3:12 - Ing Mayap a Balita Biblia

¹² Inutus na kung munta kang Israel ban sabian ku, Taksil a Israel, magbalik na ka kanaku. Biasa kung lumunus at e na ku mua; e kabang kaba ing mua ku keka.

Jeremias 3:12 Iomraidhean Croise

Ezekiel 33:11

Sabian mu karela king kabang aku, ing Ginung Dios, ing mabie Dios, e ku matulang akit keng mate ing metung a makasalanan. Mas buri ke pang akit tuknang king pamikasala na at mie. Israel, patugut na ka king dapat mung pamikasala. Baket buri mu pa ing mate ka?

Ding Dalit 86:15

Oneng ika, O Ginu, Dios kang mapaglunus; mapibabata ka at parati kang malugud at tapat.

Jeremias 33:26

Nung makananu kung depat iti, makanyan ku munamang papanatilian ing kanakung kasunduan karing anak nang Jacob at kang David a kanakung talasuyu. Mamili kung metung karing lahi nang David ban manimuna karing lahi nang Abraham, Isaac, at Jacob. Maging malunusan ku karing taung kanakung pinili at pasibayu ku lang gawan mapala.

Jeremias 31:20

Israel, ika ing pakamalan kung anak, ing anak a tutu kung kaluguran. Neng babanggitan ke ing kekang lagyu, agaganaka da kang mitmung lugud. Titibuk ya ing pusu ku para keka; maging malunusan ku keka.

Jeremias 3:22

Magbalik na kayu, ikong sablang ginulut king Ginu; pakayapan na kayu at gawan na kayung tune tapat. Sasabian yu, Wa, lumapit na kami king Ginu uling ya ing kekaming Dios.

Jeremias 3:18

Makiabe ya ing Israel king Juda at ilang adua miyabe lang lumual ibat king pangayugse ra king bansang atyu king dane norti, at magbalik la king bansang binie ku karing makatua da. Maging pibandian da iti kabang panaun.

Jeremias 30:11

Datangan da kayu at iligtas. Lasakan ku la ngan ding sablang bansa nung nu ra kayu inugse, oneng e ra kayu gisanan paten. E ku paintulut ing e kayu miparusan; oneng potang parusan da na kayu, ing karapatdapat ya ing iyatul ku kekayu. Aku, ing Ginu, ing migsalita.

Jeremias 23:8

Bagkus sumpa la kanaku bilang mabie Dios a milual karing memalen na ning Israel ibat king bansa king dane norti at karing aliwa pang bansa nung nu ku la kinalat. Kanita manuknangan na la king mismung sarili dang bansa.

Jeremias 4:1

Ngana ning Ginu, Memalen ning Israel, nung bisa kayung magbalik, sukat ing mibalik kayu kanaku. Nung ilako yu la ding idolong kasaman ku at nung maging tapat kayu kanaku,

Jeremias 3:5

E manatili ing mua mu; e ka malyaring manatiling mua kanaku. Israel, ita ing sinabi mu, oneng depat mu mu rin ing sablang e mayap a agyu mung daptan.

Ding Dalit 145:8

Malugud ya at mapaglunus ing Ginu; banayad ya king pamimua, at maglapo king e kukupas ing lugud na.

Ding Dalit 86:5

Uling maganaka ka at mapamatawad, O Ginu, karing sablang mamaus keka mitmu kang lugud.

2 Ari 18:1

King katlung banua na ning pamag-ari na king Israel Hosea a anak nang Ela, kanita ya meging ari ning Juda i Hezekia a anak nang Ahaz.

2 Ari 17:23

angga king tinabi na la king akakit na ning Ginu, antimo ing asabi na nang gawan na king kapamilatan da ring propetang talasuyu na. Inya miyugse la ring Israelita king Asiria nung nu la manuknangan angga ngeni.

Deuteronomio 30:2

At nung pilinan yu at ding lahi yu ing mibalik king Ginu at mamintu king mabilug yung pusu at kaladua karing utus na a sasabian ku ngeni kekayu,

Hosea 6:1

Ngara ding tau, Tara, magbalik ta na king Ginu! Penasakit na katamu, oneng siguradung uluan na katamu; sinugat na katamu, oneng bendahan na la ding sugat tamu.

Ezekiel 39:25

Ngana pa ning Ginung Dios, Oneng ngeni, malunus ku karing lahi nang Jacob, ding memalen na ning Israel, at gawan ku lang pasibayung mabandi. E ku na paintulut ing malapastangan ya ing lagyu ku.

Jeremias 31:8

Iyuli ku lang ibat king norting bansa, at tipunan ibat karing wakas ning yatu. Datang lang kayabe ra ding bulag at pile, ding mabuktut at ding malapit nang manganak. Muli lang metung a maragul a bansa.

Jeremias 3:14

Taksil a memalen, magbalik kayu; aku ing makibandi kekayu. Kuma kung metung kekayu king balang balen at kuma kung tidua katau king balang tribu, kaybat ibalik da kayu king Bunduk ning Zion.

Jeremias 3:7

Bala ku king magbalik ya kanaku kaybat nang depat iti. Oneng e ya migbalik kanaku at iti ikit na ngan Juda, ing taksil a kapatad nang babai.

Jeremias 3:1

Ngana ning Ginu, Nung idiborsyu ne ning lalaki ing asawa na, at ing babai naman kawanian ne at maging asawa ne ning aliwang lalaki, e na ne akuang pasibayu ning minuna nang asawa. Lubus neng minie dinat king bansang ita. Oneng ika, Israel, karakal mu kelaguyo at ngeni bisa kang magbalik kanako!

Isaias 44:22

Pinawi ku lang anting lulam ding kekang kasalanan. Magbalik ka kaku, aku ing talapagligtas mu.

Ding Kasebian 28:13

Itang misasalikut king pamikasala na e ya magtagumpe king pamibiebie na, oneng itang pagtapat na la't sisisian tanggap yang kapatawaran.

Ding Dalit 103:17

Oneng ing lugud ning Ginu karing malugud at ating takut manatili angga king alang angga; ing lugud na mamabut karing anak da ring anak da.

Ding Dalit 103:8

Malunusan ya at maganaka ing Ginu, e ya agad mimimua, at tapat ing lugud na.

Ding Dalit 79:5

O Ginu, nu pa anti kaluat ing mua mu kekami? Ing mua mu kekami ala na kayang angga? Ing mua mu manatili kayang milalablab anti ing api?

2 Cronica 30:9

Nung magbalik kayu king Ginu, kanita ding mekabihag at migdala karing kekong kamaganak at anak pakitanan da lang lunus at ibalik da la kekayu, uling maganaka ya at malunusan ing Ginung kekayung Dios, at nung magbalik kayu tanggapan na kayu.

2 Ari 17:6

King kasiam nang banua ning pamag-ari nang Hosea sekupan ne ning ari ning Asiria ing Samaria, at binihag na la ampon dela ring Israelita king Asiria. Tiknang na la ding mapilan king siudad ning Hala, ding mapilan naman king lele na ning Ilug ning Habor sakup ning Gozan, at ding aliwa pa karing siudad ning Media.

2 Ari 15:29

King panaun na ning pamag-ari nang Peka king Israel kanita ne sinakup Aring Tiglat Pileser ning Asiria ing Ijon, Abel Bet Maaca, Janoa, Kedes, ing Hazor, at ding lugal sakup ning Gilead, Galilea, at Neftali. Kaybat, dela na la king Asiria ding taung bihag na.

Genesis 4:7

Nung mayap ing gewa mu, sukat kang tumula; nung e mayap, ing kasalanan manaya ya lele mung pasbul; pagnasan na ka, oneng sukat meng sambutan.

Levitico 26:40

Kanita ra tanggapan ding lahi yu king ila at ding makatua ra mikasala lang kataksilan kanaku,

Ding Dalit 103:9

E ya tatanam mua kenu man o mua mo sanang alang kapupusan.

Jeremias 11:6

Ngana kanita ning Ginu kanaku, Munta ka karing siudad na ning Juda at karing dalan ning Jerusalem. Ibalita mu karin ing mensahi ku at sabian mu karing memalen king dinan dong pansin ding kayaduanan na ning kasunduan at pamintuan da la.

Jeremias 12:15

Oneng lunusan ku la kaybat ku lang leko; ibalik ku la ding balang bansa king mismung bansang tuknangan da.

Ding Tagulele 3:22

Ing lugud at lunus nang e kukupas ning Ginu kapilan man e magbayu.

Ezekiel 11:17

Inya sabian mu karela ing sasabian ku, aku ing Ginung Dios. Tipunan ku lang ibat karing bansa nung nu ku la kinalat at ibie keng pasibayu karela ing bansang Israel.

2 Cronica 29:10

Tune pagnasan ku ngeni ing gawa tamung pasibayung kasunduan king Ginu, ing Dios ning Israel, ban mawala na ing mabagsik nang mua kekatamu.

Isaias 31:6

Ngana ning Dios, Memalen ning Israel, mikasala kayu kanaku at lebanan yu ku. Oneng ngeni, magbalik kayu kanaku!

Jeremias 31:21

Mibili kang tanda at tandanan me ing dalan; pasibayu meng panintunan ing dalan a kekang likuan. Magbalik kayu, memalen ning Israel, muli na kayu karing balen yung likuan.

Zacarias 1:4

E kayu sana mangari karing kekayung makatua. Kanitang panaun a milabas, mipayabut karela ing kanakung mensahi king kapamilatan da ring propeta. Sinabi da reti karela king lakuan da na sa ing e mayap dang pamibiebie at gumulut na la king e ustung dapat. Oneng e la mekiramdam ni memintu kanaku.