Jeremias 3:1 - Ing Mayap a Balita Biblia

¹ Ngana ning Ginu, Nung idiborsyu ne ning lalaki ing asawa na, at ing babai naman kawanian ne at maging asawa ne ning aliwang lalaki, e na ne akuang pasibayu ning minuna nang asawa. Lubus neng minie dinat king bansang ita. Oneng ika, Israel, karakal mu kelaguyo at ngeni bisa kang magbalik kanako!

Jeremias 3:1 Iomraidhean Croise

Ding Dalit 106:38

Pete da la't inain ding anak dang ala pang kamalayan, inya ing lugal a ita king daya da karin ya midinatan.

Isaias 24:5

Merinat ya ing yatu king kapamilatan na ning e ra pamanupad ding tau karing kautusan na ning Dios, at king kapamilatan na ning pamanlabag da king kasunduan a telaga nang alang kawakasan.

Jeremias 2:20

Sasabian ning Ginung Dios, Israel, gilutan mu king milabas a panaun ing kakung upaya; tinggian mu ing pamamintu at pamanyamba kaku. Karing balang matas a bunduk-bundukan, at lalam ding balang malabung a tanaman keka lang simban ding e tune dios.

Jeremias 2:23

Makananu mung asabi king ing sarili mu e mu dinatan, king kapilan man e me simban i Baal? Ganakan mu ing kasalanan a depat mu king kapatagan; lawan mu ing depat mu karin. Mengari ka king dumalagang kamelyu a manintun potro, pulapulaying alang balung puntalan,

Jeremias 2:7

Dela ku la king matabang gabun, ban nabangnan da ing pupul at miyayaliwang bage mayap. Makanyan man karas da karin selaula de ing kakung bansa; gewa deng karumaldumal ing bansang binie ku karela.

Jeremias 22:20

Memalen ning Jerusalem, mukiat na kayu king Bunduk ning Lebanon, at manangis karin; munta na kayu king bansa ning Bashan at manangis kayu; manangis kayu manibat karing bunduk ning Abarim, uling mesambut na la ding sablang kekong kakampi.

Jeremias 3:22

Magbalik na kayu, ikong sablang ginulut king Ginu; pakayapan na kayu at gawan na kayung tune tapat. Sasabian yu, Wa, lumapit na kami king Ginu uling ya ing kekaming Dios.

Jeremias 3:9

E ne tiblan ning dine ditak mu man. Dinatan ne ing bansa; dinapat yang kataksilan king kapamilatan na ning pamanyamba na karing batu at karing dutung.

Jeremias 31:22

Angga kapilan, ikong taung alang kapanaligan ing mikakunu kayu? Linalang kung metung a bage bayu at makayaliwa, anting babaing magdipensa para king lalaki.

Jeremias 4:1

Ngana ning Ginu, Memalen ning Israel, nung bisa kayung magbalik, sukat ing mibalik kayu kanaku. Nung ilako yu la ding idolong kasaman ku at nung maging tapat kayu kanaku,

Jeremias 4:14

Jerusalem, wasan mu ing e mayap a atyu king pusu mu ban miligtas ka. Kapilan ka kaya tuknang mimisip e mayap?

Ding Tagulele 1:2

Kabukas manangis ya; lua na mamagus karing pisngi na. Karing sablang meging kakaluguran na, alang mitagan ba reng pamatulan. Pigtaksilan de ring kakampi na, at kalaban de ngeni.

Ezekiel 16:26

Peintulutan mu la ding tau Ehipto, ding kasiping mung bale a mahilig king pamitan na ning laman ban sumiping la keka, at ginamit mu ing pamagtinda mung katawan ban pamuan mu ku.

Ezekiel 16:30

Iti ya ing sasabian na ning Ginung Dios: Depat mu ngan iti anting metung a babaing alang marine a magtinda king katawan mu.

Ezekiel 16:35

Inya ngeni, Jerusalem a mengari king babaing magtinda king katawan na, pakiramdaman mu ing sasabian na ning Ginu!

Ezekiel 33:11

Sabian mu karela king kabang aku, ing Ginung Dios, ing mabie Dios, e ku matulang akit keng mate ing metung a makasalanan. Mas buri ke pang akit tuknang king pamikasala na at mie. Israel, patugut na ka king dapat mung pamikasala. Baket buri mu pa ing mate ka?

Hosea 1:2

Ngana ning Ginu kang Hosea kanitang kapupurmeruan nang migsalita king Israel king kapamilatan na, Sulung, makiasawa ka; oneng pagtaksilan na ka ning maging asawa mu at mamuli la ding anak mu king ugali nang ima ra. Makanyan ing depat da kanaku ding taung pinili ku; gilutan da ku at pigtaksilan.

Hosea 2:2

Anak ku, pakisabian yeng mayap i ima yu, agyang e ku ne asawa at aku naman e na na ku asawa. Pakisabian yeng mayap king tuknang ne sanang magtaksil at e na na pamisali pa ing katawan na.

Mikeas 2:10

Sulung, mabating na kayu; ala nang karatunan pang makatagan keti. Uli da ring kasalanan yu datang at datang ing kasiran keti.

Zacarias 1:3

oneng ngeni sasabian ku kekayu, Magbalik kayu kanaku at magbalik ku kekayu.

Mateo 5:31

Dimdam yu king kanitang minuna mituru karing tau: Ing ninumang midiborsyu king asawa na sukat neng dinan kasulatan bilang katibayan ning karelang pamikawani.

Deuteronomio 22:21

kanita ilual de king bale nang tata na. Basibasan deng batu ding lalaki na ning balen angga king mate ya, uling dinapat yang maragul a kamarinayan king balen Israel at king pamilya na. King makanyan a paralan yu alako ing e mayap king kalibudtan yu.

Ukum 19:2

Misan a aldo, mimua ya ing babai at mibalik ya king pibalebale nang tata na karin king Betlehem, at menuknangan yang apat a bulan karin.