Jeremias 27:3 - Ing Mayap a Balita Biblia

³ Kaybat sinabi na kanaku ning Ginu king parala kung mensahi karing ari na ning Edom, Moab, Ammon, Tiro, at Sidon king kapamilatan da ring karelang pekakatawan a dinatang king Jerusalem ban makikit kang Aring Zedekias.

Jeremias 27:3 Iomraidhean Croise

2 Cronica 36:13

Mig-rebeldi ya i Zedekia laban kang Aring Nebucadenesar a memilit sumpa ya king lagyu ning Dios king pamintuan ne. Meging masias ya buntuk at pusu at e bisang mibalik lub king Ginu, ing Dios ning Israel.

Isaias 23:4

Dumine na ka man, O siudad na ning Sidon; uling susuka na ka ning dagat at ning kalalaman na. Ngara, E ku menganak kapilan man ni menese anak a lalaki o babai.

Jeremias 27:12

Sinabi ku naman iti kang Aring Zedekias ning Juda. Ngaku, Pailalam ka king ari na ning Babilonia. Suyuan me at ding memalen na at e ka mate.

Jeremias 27:4

Ing Ginung Mayupaya, ing Dios ning Israel, sinabi na kanaku king utusan ku lang sabian da karing karelang ari king ing Ginu pasabi na:

Jeremias 28:1

King banua mu ring ita, king kalima nang bulan ning kapat a banua nang pamag-aring Zedekias, ing propetang ibat king balen ning Gibeon, i Hananias a anak nang Azur, migsalita ya kanaku king Templo. King daramdaman da ring pari at ding tau sinabi na kanaku

Ezekiel 29:18

Ngana, Anak ning tau, pegumpisan na ning Aring Nebucadenesar ning Babilonia ing pamaglusub king bansang Tiro. Pepasakitan na lang ustu ding sundalus na king pamamusan mabayat a karga. Inya melugus la buak at mesugat a pago, oneng ala yang pekinabangnan ing ari at ding sundalus na king sablang kapagalan da.

Amos 1:9

Ngana ning Ginu, Ulit-ulit lang mikakasala ding memalen na ning Tiro. Uli na niti, siguradu ku lang parusan uling kinua da la ring sablang memalen na ning bansa at inugse da la king bansang Edom. E re tiparan ing gewa rang kasunduan tungkul king pamikaluguran.