Jeremias 26:8 - Ing Mayap a Balita Biblia

⁸ At kaybat kung asabi ing pasabi na ning Ginu, dekap da ku at ngarang kinulisak, Sukat kang paten!

Jeremias 26:8 Iomraidhean Croise

2 Cronica 36:16

Oneng ding tau ininsultu da la ring tubud ning Dios, tinggian da la ring amanu na, at gewang pikaylian ding propeta na angga king mikalabkab ing mua na ning Ginu karing tau at ala nang makaligtas pa king mua na.

Jeremias 1:19

Lumaban la keka, oneng e la maniambut uling kayabe mu ku at e ra ka paburen. Aku, ing Ginu, ing migsalita.

Jeremias 18:18

Kanita ngara ding memalen, Tara, gawa tamung kapanyiran laban kang Jeremias! Atin namang pari a turu kekatamu; ating lalaking biasa a munie payu kekatamu at propetang manaral king amanu na ning Dios. Tara, idalum ta ya at tuknang ta nang makiramdam king sasabian na.

Jeremias 18:23

Ginu, balu mu la ngan deting tangka ra ba ra kung apate. E mu sa panupaya ing e ustung dapat da o patawaran ing kasalanan da. Paburen mu lang masambut at arapan mu la kabang mua ka.

Jeremias 2:30

Perusan da kayu, oneng iti e mekakayap kekayu; e yu buri ing sasabianan da kayu. Anti kayu king mabangis a leon, pete yu la ding kekong propeta.

Jeremias 32:3

Kilung na ku karin ning Aring Zedekias at singkanan na kung mengalat balita king ing Ginu kanu sinabi na, Paburen keng bihagan na ning ari ning Babilonia iting siudad,

Jeremias 43:1

Ayari kung selita karing tau ing sablang bage pasabi na kanaku ning Ginung karelang Dios.

Amos 7:10

Kanita i Amazia, ing pari ning Betel, pepabalita na kang Aring Jeroboam ning Israel iti. Ngana, Atin yang tatangka i Amos laban keka libutad da ring memalen ning Israel. Ing pamagsalita na ya ing makasira king balen.

Mateo 22:6

Ding aliwa naman dekap da la ring ipus a tinubud na; penasakit da la at melaus da lang pete.

Mateo 27:20

Ding pamuntuk da ring pari at ding makatua ning balen sitsutan da no man ding tau ba rang aduan kang Pilato ing ipabulus ne i Barabas at ipapate ne i Jesus.

Ding Dapat 5:33

Mimua la ding miembru na ning Konsehu inyang dimdam da iti, inya inari da king lub da ing ipapate da la ring apostol.

Ding Dapat 7:52

Atin waring metung mu mang propeta a e ra mo sa linupig ding kekayung makatua? Pete da la ring tinubud na ning Dios a memahayag kaniting panaun a malambat nang milabas tungkul king paniatang na ning banal nang Talasuyu. At ngeni ikayu ing menganiaya at mekamate keya.

Kapahayagan 18:24

Miparusan ya ing Babilonia uling meyakit king Babilonia ing daya da ring propeta, ding pinili na ning Dios, at ding sablang pete ra keti king yatu.