Jeremias 26:4 - Ing Mayap a Balita Biblia

⁴ Sinabi na kanaku ning Ginu king sabian ku karing tau ing anti kaniti: Aku, ing Ginu, sinabi ku king sukat yu kung pamintuan king kapamilatan na ning pamanupad yu karing turu a binie ku kekayu,

Jeremias 26:4 Iomraidhean Croise

1 Ari 9:6

Nung e ka manatiling tapat kanaku at e mamintu karing kautusan ku at sumuyu ampon samba karing aliwang dios,

Isaias 1:20

Nung tanggi ka at salangsang kanaku, mate ka kapamilatan na ning gera. Aku, ing Ginu, ing migsalita.

Jeremias 17:27

Oneng kailangan ing pamintuan da ku at pagselebran de ing Aldo ning Sabbath bilang aldo sagradu. Neng daralan la karing pasbul dalan ning Jerusalem king aldo a ita, e la sukat mamusan nanumang karga, nung ali, silaban ku la ding pasbul dalan ning Jerusalem. Magisan lang masilab ding palasyu na ning Jerusalem at ala metung mang makapatda king silab a iti.

Jeremias 22:5

Nung e yu la pamintuan ding utus ku, sasabian kung matni kekayu king malaso ya iting palasyu. Aku, ing Ginu, ing migsalita.

Jeremias 32:23

Oneng inyang miras na la keting gabun at karela yang bindian, e da na la tiparan ding utus mu at e la mibiebie agpang karing turu mu. Ala lang bitasang tiparan karing bage inutus mung daptan da. Inya naman dela mu karela iting sablang kasiran.

Jeremias 44:10

Oneng angga ngening aldong iti e kayu pa migpakumbaba. E kayu tatakut kanaku ni mibiebie agpang karing sablang kautusan a binie ku kekayu at karing makatua yu.

Jeremias 44:23

Miras kekayu iting kasiran antimo ing mayayakit ngeni uling minie kayung ain-sakripisyu karing aliwang dios at mikasala kayu king Ginu king kapamilatan na ning e yu pamamintu karing sabla nang kautusan.

Jeremias 7:14

Inya naman, daptan ku keting Templo ku a panaligan yu itang depat ku king Silo. Daptan ku naman keting lugal a iti a binie ku karing makatua yu at kekayu ing depat ku king Silo.

Deuteronomio 11:32

Oneng pamintuan yu la ngan ding sablang kautusan at tuntunan a sinabi ku kekayu ngening aldong iti.

Deuteronomio 31:20

Idala ku na la king gabun a mataba at labis-labis king kabiayan, ing gabun a pengaku kung ibie karing makatua da. E la dumanup karin at manuknangan lang payapa, oneng samba la at sumuyu karing aliwang dios. Gulutan da ku at labagan de ing kasunduan.

Deuteronomio 4:44

Iti ya ing kautusan a binie nang Moises karing memalen ning Israel,

Deuteronomio 4:8

At isanung maragul a bansa ing ating kautusan at tuntunan a mitmung katuliran nung e mu ding binggitan ku ngeni kekayu?

Hebreo 6:18

Inya e ya magbayu at maglaram ing Dios tungkul kareting aduang bage: ing pangaku na at sumpa. Itamung menakit kaligtasan king Dios, sukat tamung mirinan tetagan a lub king pamanaya karing pengaku na.