Jeremias 26:3 - Ing Mayap a Balita Biblia

³ Mapalyaring makiramdam la ding tau at lakuan da ing e mayap dang pamibiebie. Nung makanyan ing mapalyari, e ku na kanita ibalaus ing balak kung kasiran karela uli na ning dapat dang e mayap.

Jeremias 26:3 Iomraidhean Croise

1 Ari 21:27

Inyang dimdam na lang Ahab deting amanu, ginabak na ing susulud nang imalan, at misulud yang imalan a magaspang E ya bitasang mengan at metudtud ya king imalan a magaspang. Tutu yang melungkut at mesakit a lub.

1 Ari 21:29

E me apansinan nung makananu yang migpakumbaba kanaku i Ahab? Anti na ning migpakumbaba ya, e ku ibalaus ing kasiran kabang mabie ya; datang mu ing kasiran king pamilya na king panaun na ning anak nang lalaki.

Jeremias 26:13

Kailangan ing magbayu kayung bie at pamintuan ye ing Ginung kekayung Dios. Nung makanyan ing daptan yu e na na kanita ibalaus ing balak nang kasiran a sinabi nang iparala na kekayu.

Jeremias 26:19

I Aring Hezekia at ding memalen na ning Juda e re pete i Mikeas, bagkus mitakutan ya i Hezekia king Ginu at depat na ing agyu na ba neng paligayan ing Ginu. At binawi na ning Ginu itang binalak nang miparalang kasakitan a sinabi nang iparala na. Ngeni itamu ing malapit nang paralang kasakitan king mismung sarili tamu. (

Jeremias 36:3

Magkang gumulut la ding memalen na ning Juda king e ustung pamibiebie potang damdaman da ing sablang kasiran a buri kung iparala karela. Kanita patawaran ku ing depat dang e ustu at ing kasalanan da.

Jeremias 36:7

Magkang manalangin la king Ginu at lakuan da ing e mayap dang pamibiebie, uling belan ne ning Ginu iting bansa king maragul nang mua at kasbu.

Ezekiel 12:3

Ngeni, anak ning tau, ibalut mu ing kekang kailangan antimo ing daraptan na ning taung magbakwit at lumakad na ka bayu mabengi. Paburen mung akit da ring tau ing paglako mu at ing pamamunta mu king aliwang lugal. Mekad apansingan da ka reting mig-rebeldi.

Ezekiel 18:21

Nung tuknang yang darapat pamikasala ing e mayap a tau at pamintuan na la ding kautusan ku, nung daraptan na ing matulid at ing mayap, e ya mate; siguradu yang mie.

Hosea 11:9

E ra ka parusan king mua ku; e ku ne pasibayung lasakan pa ing Israel. Uling aku Dios ku at e ku tau. Aku, ing Banal, atyu ku libutad yu. E ra kayu datangan king mua ku.

Joel 2:14

Siguru ing Ginung kekong Dios mikaduan ya lub, at kayabe ning dakal a pupul ing bendisyun na kekayu ibie na. Kanita iyain yu king Ginu alak ampon binutil.

Jonas 4:2

Inya nganang menalangin, Ginu, bayu ke likuan ing kanakung tuknangan e ku wari sinabi keka king iti ya ing marahil mung daptan? Iti ya ing sangkan nung inya migkapilit kung tinakas papunta king Tarsis! Balu ku king Dios kang malugud at mapaglunus, king manatili kang mapibabata, maganaka, at manatiling makasadiang magbayu balak at e mamarusa.