Jeremias 26:2 - Ing Mayap a Balita Biblia

² Ngana, Jeremias, talakad ka king libutad ning patyu ning Templo at ibalita mu ing sablang inutus kung sabian mu karing taung manibatan karing balen na ning Juda ban samba karin. Ala kang lalaktawan metung man karing amanu ku.

Jeremias 26:2 Iomraidhean Croise

Jeremias 1:17

E mu painan ing lub mu; munta ka at sabian mu la karela ding sablang bage inutus kung sabian mu. E ka tatakut karela; nung mitakutan ka ngeni karela lalu da kang pamatakutan potang atyu na ka karela.

Jeremias 1:7

Oneng ngana kanaku ning Ginu, E mu sasabian king anak ka pa mu, bagkus munta ka karing tau nung nu ra ka itubud at sabian mu karela ing sablang bage a iyutus kung sabian mu.

Jeremias 19:14

Likuan ke ing Tofet nung nukarin na ku tinubud ning Ginu ban ibalita ing mensahi na. Meko ku at tinalakad king patyu ning Templo at sinabi ku karing sablang tau

Jeremias 23:28

Ing propetang meninap sukat neng sabian iti antimong paninap mu, oneng ing propetang mekaramdam king mensahi ku sukat nang ipanaral iti king mitmung katapatan. Nanu ing ulaga na ning are nung ipakilupa me king binutil a trigu?

Jeremias 25:2

Ngaku karing sablang memalen na ning Juda at Jerusalem,

Jeremias 28:5

Kanita king daramdaman da ring pari at ding sablang taung pakatalakad kilub ning Templo, sinabi ku kang Hananias:

Jeremias 36:10

At kabang makiramdam la ding tau, binasa nang Baruk ing sinabi ku. Milyari iti king Templo, manibat king kuartu nang Gemarias a anak nang Safan a kalihim. Atyu ya babo ning patyu lele ning piluluban papunta king Bayung Pasbul dalan ning Templo ing kuartu na.

Jeremias 42:4

Ngakung mekibat, Wa, manalangin ku king Ginung kekatamung Dios, anti ing pakisabi yung mayap kanaku, at sabian ku kekayu ing nanumang sabian na ning Ginu. Ala kung ilingad nanuman kekayu.

Jeremias 7:2

Sinabi na kanaku king talakad ku karin at ibalita ku karela itang pasabi na ning Ginung Mayupaya, ing Dios ning Israel.

Jeremias 7:27

Inya, Jeremias, isalita mu la ngan deting amanu karing memalen ku, oneng e la makiramdam keka; ausan mu la, oneng e la makibat.

Ezekiel 3:10

Ngana pa ning Dios, Anak ning tau, makiramdam kang masalese at tandanan mu ing sablang sasabian ku keka.

Ezekiel 33:7

Ngeni, anak ning tau, tutulduan da kang bante para king bansang Israel. Ipayabut mu la karela ding babala a babie ku keka.

Ezekiel 40:4

Ngana kanaku, Anak ning tau, talasan mu la deng mata mu at balugbug at pakaintindian mu ing sablang ipakit ku keka, uling iti ing sangkan nung inya midala ka keti. Kailangan ing sabian mu karing memalen na ning Israel ing sablang akit mu.

Mateo 28:20

at ituru yu lang tupad king sablang inutus ku kekayu. Tandanan yu: kayabe yu ku kapilan man angga king kawakasan na ning panaun!

Lucas 19:47

Aldo-aldo tuturu ya i Jesus kilub ning Templo. Buri da ring pamuntuk ding pari, ding talaturu ning Kautusan, at ding makatua na ning balen king ipapate re.

Juan 18:20

Mekibat ya i Jesus. Ngana, Hayagan kung migsalita karing sablang tau; parati kung tuturu kilub da ring sinagoga at kilub ning Templo nung nu la parating mititipun ding Judio. Ala kung sinabi nanuman king makasalikut.

Juan 8:2

At kabukasan abak a maranun minta yang pasibayu king Templo. Lepitan de ring sablang tau karin. Linukluk ya i Jesus at tiru na la.

Ding Dapat 20:20

Baluan yu king ala kung pigkaymut nanuman a malyaring makasaup kekayu kanitang kasalukuyan kung manaral at tuturu kekayu, maging king publiku o maging karing sarili yung pibalebale.

Ding Dapat 20:27

Uling king pamipabalu ku kekayu king kabilugan nang parasan ning Dios, ala kung selikut nanuman.

Ding Dapat 5:25

Ketang oras a ita ating taung dinatang at ngana karela, Atyu la pu ding taung pepasukul yu king Templo; tuturu la karing tau!

Ding Dapat 5:42

Tuturu la aldo-aldo king Templo at karing pibalebale; ala lang tuknang tuturu at manaral king Mayap a Balita tungkul kang Jesus, ing Cristo.

Deuteronomio 12:32

Pamintuan yu lang mitmung kaingatan ding sablang kautusan a sinabi ku kekayu. E yu la daragdagan at e yu la naman babawasan.

Deuteronomio 12:5

Ituldu ne ing metung a lugal a pilinan na king gabun a sakup na ning metung karing tribu yu. Karin kayu munta at samban ye.

Deuteronomio 4:2

E yu la daragdagan o babawasan deti. Pamintuan yu la sana deting kautusan na ning Ginung kekayung Dios a sabian ku kekayu.

Josue 8:35

Binasa neng Josue ing balang metung karing kautusan nang Moises karing sablang makatipun; kabilang la kareti ding babai, ding anak, at ding dayuan a manuknangan kayabe ra.

Kapahayagan 22:19

At ing ninumang ating ilako karing ula a makasulat, ilako na naman ning Dios ing karapatan na king bunga na ning tanaman a babie bie at king Banal a Siudad a mababanggit keting libru.