Jeremias 23:3 - Ing Mayap a Balita Biblia

³ Tipunan ku la ding mitagan karing taung pinili ku manibat karing bansa nung nu ku la kinalat, at ibalik ku lang pasibayu king bansang karelang tibuan. Mikayanak lang dakal at dakal ing bilang da.

Jeremias 23:3 Iomraidhean Croise

Ding Dalit 106:47

Iligtas mu kami, O Ginung kekaming Dios, ibat karing miyayaliwang bansa tipunan mu kami ban ika ing kekeng pasalamatan, at ing lagyu mung banal kekami yang purian.

Jeremias 16:15

Nune sumpa la kanaku bilang Dios a mabie a milual karing memalen na ning Israel ibat king metung a bansa king dane norti at karing sablang aliwa pang bansa nung nu ku la inugse. Ibalik ku lang pasibayu king sarili dang bansa, king bansang binie ku karing makatua da. Aku, ing Ginu, ing migsalita.

Jeremias 29:14

Wa, sasabian ku, akit yu ku at ibalik da kayu king kekayung bansa. Manibat karing balang bansa at lugal nung nu ra kayu inugse, tipunan da kayu at ibalik king bansa nung nu ra kayu kinua anting bihag. Aku, ing Ginu, ing migsalita.

Jeremias 30:10

Taung kakung pinili, e kayu tatakut; memalen ning Israel, e kayu mangatakutan. Iligtas da kayu ibat king marayung bansa, king bansa nung nu kayu midalang bihag. Magbalik kayu king kekong bansa, at king kapayapan karin kayu manuknangan; mipanatag kayu bili at metung man ala nang mamatakut kekayu.

Jeremias 30:3

uling daratang na ing panaun nung kapilan ku la ibalik ding taung kanakung pinili, ing Israel at ing Juda. Ibalik ku lang pasibayu king bansang binie ku karing makatua da at bandian de iting pasibayu. Aku, ing Ginu, ing migsalita.

Jeremias 31:7

Ngana ning Ginu, Magkanta kayung masaya para king Israel, ing maragul dili karing bansa. Magkanta kayu karing kanta ning kapurian, Linigtas na la ning Ginu ding memalen na; kinabus na la ding sablang mitagan.

Jeremias 31:8

Iyuli ku lang ibat king norting bansa, at tipunan ibat karing wakas ning yatu. Datang lang kayabe ra ding bulag at pile, ding mabuktut at ding malapit nang manganak. Muli lang metung a maragul a bansa.

Jeremias 32:37

Tipunan ku la ding tau manibat karing bansa nung nu ku la inugse uli na ning mua ku, kasbu, at pangasugat a panamdam. At ibalik ku la keting lugal at paburen ku lang mibiebie king alang panganib.

Jeremias 46:27

E kayu tatakut, taung kakung pinili, memalen ning Israel, e ye painan ing lub yu. Iligtas da kayu ibat king bansang marayu, king bansa nung nu makasukul kayu. Muli kayu karing tuknangan yu, at mibiebie payapa; mipanatag kayu at metung man ala nang mamatakut kekayu.

Jeremias 50:19

Ibalik ku la ding memalen na ning Israel king bansa da. Mangan la king pagkabiayan a tutubu king Bunduk ning Carmel at king lugal ning Bashan at kanan da ing sablang buri dang kanan a tutubu king sakup ning Efraim at Gilead.

Jeremias 8:3

At ding memalen na naman niting e mayap a bansa a miligtas at manuknangan karing lugal nung nu ku la inugse, pagnasan da ing mate na la sa kesa king mie la pa. Aku, ing Ginung Mayupaya, ing migsalita.

Ezekiel 11:17

Inya sabian mu karela ing sasabian ku, aku ing Ginung Dios. Tipunan ku lang ibat karing bansa nung nu ku la kinalat at ibie keng pasibayu karela ing bansang Israel.

Ezekiel 36:11

Dagdagan ku la bilang ding tau at ding sese yung animal. Mas dakal kayu kesa king milabas a panaun, at mikayanak kayung dakal. Paburen da kang manuknangan karin antimo ing sadia at gawan da kang alang kalupa king pibandian. Kanita mu akilala king aku ing Ginu.

Ezekiel 36:24

Kuanan da kayu karing balang lugal at bansa at ibalik da kayu king sarili yung bansa.

Ezekiel 36:37

Ngana ning Ginung Dios, Pasibayu ku lang paintulutan ding Israelitang maniawad kasaupan kanaku at parakalan ku ing bilang da antimong metung a kawan a tupa.

Levitico 26:9

Bendisyunan da kayu at dinan dakal a anak. Tuparan ke itang dake ku king kasunduan a pikayari tamu.

Mikeas 2:12

Oneng ikayung mitagan a memalen na ning Israel tipunan da kayung miyabe-abe. Tipunan da kayung anting tupang mumuli king karelang kural. Anting pipagpastulan a mitmung tupa, mikatmuan yang pasibayu ing bansa yu karing dakal a tau.

Mikeas 7:12

Datang la kekayu ding kabalen yu ibat karing miyayaliwang bansa: ibat Asiria king dane aslagan, ibat Ehipto king dane mauli, ibat karing bansa king lele ning Ilug ning Eufrates, ibat karing marayung dagat, at ibat karing marayung kabundukan.