Jeremias 21:2 - Ing Mayap a Balita Biblia

² Dapat a mayap, magsalita ka king Ginu para kekami, uling ing Aring Nebucadenesar ning Babilonia at ding sundalus nang pakasandata lisuban de ing siudad. Marahil makarapat yang metung a milagru ing Ginu para kekami ban matras ya i Nebucadenesar.

Jeremias 21:2 Iomraidhean Croise

Genesis 10:10

King pasimula ing kayarian na ila ding Babilonia, Erek, at Akkad. Atyu la ngan deti king sakup na ning Sinar.

2 Ari 1:3

Oneng inutusan ne ning anghel ning Ginu i Elias, ing propeta na ning Tisbe, ban saganan ding tiburan nang Aring Ahazia at ikutang ing anti kaniti, Ala na waring dios king Israel inya kang Baalzebub, ing dios ning Ekron, kayu mangutang?

2 Ari 17:24

Migdala yang tau ing ari na ning Asiria at ilang pepatuknangan na karing siudad na ning Samaria a sekupan na bilang kayalili da ring Israelita. Ibat la ding tau king Babilonia, Cut, Ava, Hamat, at Sefarvaim.

2 Cronica 32:21

Mitubud yang anghel ing Ginu at gisan nong pete ding sundalus at ding opisyal nang Aring Senakerib. Migbalik yang mengapakarine ing ari ning Asiria king kayarian na. Misan a aldo, kabang atyu ya ketang templo ning dios na, pete de ring mapilan karing anak nang lalaki king kapamilatan da ring espada ra.

Exodo 9:28

Manalangin kayu king Ginu king patuknangan na na sana iting duldul ampon uran-lipat. Pangaku ku king paintulutan da na kayung mako; e na kayu sukat magluat pa.

Isaias 48:2

At makanyan man pagmaragul yung sasabian king memalen na kayu ning siudad a banal, at king asahan ye ing Dios ning Israel Ginung Mayupaya ing lagyu na.

Jeremias 15:11

Ginu, mananu na sanang ding sablang sumpa ra mipaltutu la nung wari't e ku mekasuyung tapat keka, nung e ku mekisabing mayap keka king lagyu da ring kanakung kalaban inyang atyu la king kaguluan at kagipitan. (

Jeremias 21:3

Kanita migsalita ya ing Ginu kanaku at sinabi ku karing lalaking mituburan kanaku

Jeremias 32:17

Ngaku, Ginung Dios, lelangan me ing yatu at ing banua king kapamilatan na ning kekang maragul a upaya at sikanan; alang bage a e mu arapat.

Jeremias 32:24

Ginawa lang barikada ding sundalus na ning Babilonia king makapadurut ning siudad ba reng abihag, at lulusuban da ne. Ing gera, ing danup, at ing salut ila ding sangkan king pangabagsak na ning siudad karing gamat da. Akakit mu king ing sablang sinabi mu mepalyari.

Jeremias 34:1

Migsalita ya kanaku ing Ginu inyang ing Aring Nebucadenesar ning Babilonia at ding sundalus na tatanggap lang saup karing aliwang sundalus a ibat karing sablang bansa at taung miyayaliwa kule balat a makapailalam king upaya na. Lulusub la kanita king Jerusalem at karing makasiping a balen.

Jeremias 37:17

E linuat, pepakua na ku ning Aring Zedekias at karin king palasyu lihim na kung kitnan. Ngana, Atin pang mensahing ibat king Ginu? Atin, ngakung mekibat. At ngaku pa, Miyabie ka karing gamat na ning ari ning Babilonia.

Jeremias 37:3

Tinubud neng Aring Zedekias i Jeucal a anak nang Selemias at ing paring i Zefania a anak nang Maaseia ban ipakisabi kanaku king manalangin ku king Ginu para king bansa.

Jeremias 37:7

king sabian ku kang Aring Zedekias ing anti kaniti: Daratang na la ding sundalus na ning Ehipto ban sumaup keka, oneng magbalik la king sarili dang bansa.

Ezekiel 7:26

Miliwas-liwas datang ing kasiran at e patugut datang ing e mayap a balita. Aduan yu kanita karing propeta ing sabian da kekayu ing amamatiag da. Ala la namang balung sabian ding pari karing tau at ala lang aibie nanumang payu ding makatua.

Ukum 20:27

Atyu Betel kanitang panaun a ita ing Kaban ning Kasunduan ning Dios.

1 Samuel 10:22

Inya pasibayu reng kitnan ing Ginu, Dinatang ya kaya keti? Pekibat na ning Ginu, Sasalikut ya i Saul king pipagponduan pamangan.

1 Samuel 28:15

Kanita nganang Samuel kang Saul, Obat pangabalanan mu ku king kanakung pamagpaynawa? Mekibat ya i Saul, Maragul ku problema; datang lang makigera kanaku ding Filisteo at likuan na ku ning Dios at e na na ku pakibatan king kapamilatan da ring propeta o karing paninap; inya pepayaus da ka ban sabian kanaku ing sukat kung daptan.

1 Samuel 28:6

Inyang singguni na iti king Ginu, e ne pekibatan ni king kapamilatan na ning paninap o ning Urim at Tumim o ding propeta.