Jeremias 2:8 - Ing Mayap a Balita Biblia

⁸ E ra man kitang ding pari, Nu ya karin ing Ginu? Ding mismung kakung pari e da ku balu. Linaban la kaku ding pamuntuk; migsalita la ding propeta king lagyu nang Baal, at sinamba la karing idolong alang kabaldugan.

Jeremias 2:8 Iomraidhean Croise

1 Ari 18:22

Kanita nganang Elias, Aku na mung dili ku ing mitagan karing propeta na ning Ginu, oneng apat lang dalan limang pulu ding propeta nang Baal.

1 Ari 18:29

Milabas ing gatpanapun king karelang pamangulisak angga king dinatang ing oras ning pamanain, oneng ala mu ring bitasang meramdam a siwala o pakibat.

1 Ari 18:40

Kanita nganang minutus Elias, Dakpan yu la ring propeta nang Baal; ala kayung paburen makatakas metung man. Inya dekap da la ngan at kaybat dela na lang Elias king Batis ning Kison at pete na la ngan karin.

Job 35:10

Oneng e re lalapitan ing Dios a karela Linalang, ing malyaring sumaup karela king maskup dang kabilian.

Isaias 28:7

Paid-paid la pati na ding propeta at pari king pamaglakad da uli na ning kalasingan da. Mangatisud la at mangasakab uli na ning milalung pamaninum dang alak at aliwa pang matapang a inuman. King milalu dang pangalasing ding propeta, e ra na la akuang aintindian detang vision a parala na ning Dios. Antimu rin, tutu la namang malasing ding pari, inya e ra na la akuang alulutas ding kasung lalapit da ring tau karela.

Isaias 29:10

Gewa na kayung mitutundu ning Ginu at makasadiang matudtud malalam. Ding peka mata na ning balen ila ding propeta, oneng tikpan na la mata ning Dios.

Isaias 30:5

sumisi la ding memalen na ning Juda ba't menalig la king bansang e ra apanaligan, ing bansang e makaibie king saup a panenayan da.

Jeremias 10:21

Mekibat ku, Mangmang la ding manimuna tamu; e la maniawad payu king Ginu. Iti ya ing sangkan nung inya e la migtagumpe, at ikua rang mikalat-kalat ding sasakupan dang tau.

Jeremias 12:10

Pinyira de ring dakal a pamuntuk a dayuan ing mulahan kung ubas; dekurak da la ring kakung marangle; gewa reng disyerto ing malagu kung bansa.

Jeremias 16:19

Ginu, ika ing mimingat at babie sikanan kanaku; sasaupan mu ku king oras ning kaligaligan. Datang la keka ding bansang ibat karing miyayaliwang suluk na ning yatu at sabian da, Ala lang pibandian ding makatua mi nune mu ding dios a e tutu; ala nune mu ding alang silbing idolo.

Jeremias 18:18

Kanita ngara ding memalen, Tara, gawa tamung kapanyiran laban kang Jeremias! Atin namang pari a turu kekatamu; ating lalaking biasa a munie payu kekatamu at propetang manaral king amanu na ning Dios. Tara, idalum ta ya at tuknang ta nang makiramdam king sasabian na.

Jeremias 2:11

Ala pang bansang menalili karing kikilalanan nang dios agyang e la tutu. Oneng ding taung kakung pinili pekilibe da ku, ing Dios a minie dangalan karela, karing e tutung dios a alang arapat mayap karela.

Jeremias 2:6

E ra ku man aganaka agyamang linigtas ku la king Ehipto, at tinaid libutad ning disyerto: king bansang disyerto at kulkul, king malangi at makatakut a lugal a alang manuknangan at alang bisang dumalan.

Jeremias 4:22

Ngana ning Ginu, Kamangmangan da pala ding taung kakung pinili; e ra ku akikilala. Mengari la karing anak a alang balu; ala la pang aintindian. Kagaling da king pamaniapat e mayap, oneng ala lang bitasang balu king pamaniapat mayap!

Jeremias 5:31

pawang kalaraman ing sasabian da ring propeta, ding pari ila ding mag-ari at tutuki king buri da reting propeta, at ala yang bitasang tutul ing balen ku. Oneng nanu kaya ing daptan da potang miwakasan na iting sabla-sabla?

Jeremias 7:8

Lawan yu, binili yu ing kekayung kapanaligan karing amanung mapaglinlang.

Jeremias 9:14

Lugal king aku ing karelang tukian, meging masias la buntuk at simban da la ring idolo nang Baal antimo ing tiru da ring makatua da.

Ezekiel 22:26

Lalabagan da la ring pari ding kautusan ku at ala lang galang king nanu pa mang bage banal. Ala nang pamiyaliwa karela ing bage banal ampon ing e banal. E da na tuturu ing pamiyaliwa na ning bage malinis ampon ing e malinis, at e de gagalangan ing Aldo ning Sabbath. Ing meging bunga na niti ya ing e da na ku gagalangan ding memalen na ning Israel.

Ezekiel 34:2

Ngana, Anak ning tau, magsalita kang laban karing pamuntuk na ning Israel. Sabian mu ing ula karela at king aku, ing Ginung Dios, pasabi ku karela king miyatulan na la bilang pastul ning Israel! Lilingapan yu ing sarili yu, oneng e yu la kapilan man lingapan ding tupa.

Hosea 4:6

Mipapahamak la ding taung kanakung pinili uli na ning ala lang beluan tungkul kanaku. Ikayung pari, e yu ku naman balu at tinggian yu la ding kanakung utus. Inya tanggian da kayu naman at e ku na la kilalanan ding kekayung anak bilang kanakung pari.

Habakuk 2:18

Nanung kwenta na ning metung a idolo? Metung ya mung bage gewa na ning tau, at ala yang sasabian keka nune mu pawang kalaraman. Nanung pakinabang na ning tau king pamanalig na king mismung gewa nang idolo a e man makapaniabi?

Mateo 16:26

Nanung apala na ning tau nung abandi ne ing mabilug a yatu oneng mawala naman ing bie na? Kabud mete ya ing tau, ala yang arapat nanuman para abawi na ing bie na.

Lucas 11:52

Makalunus kayu, ikayung talaturu ning Kautusan! Uling leko ye ing susi na ning beluan; e na kayu bisang lungub, sasabatan yu la pa ding bisang lungub!

Juan 16:3

At daptan da iti uling e re balu ing Ibpa ni e ra ku balu.

Juan 8:55

Oneng ikayu kapilan man e ye balu, aku balu ke. Nung sabian kung e ke balu maging malaram kung kalupa yu. Oneng balu ke at tutuparan ku ing amanu na.

2 Corinto 4:2

Pangilagan mi ing dapat a makarine a mararapat king makasalikut. E kami maglinlang at e mi babaluktut ing amanu na ning Dios. King mitmung katapatan, hayagan ming ipanaral ing katutuan at uli na niti, aduan mi arap ning Dios ing paniwalan da kami ding sablang tau.

Deuteronomio 33:10

Ding Kautusan mu at tuntunan karing memalen ning Israel tuturu na la ngan. Mibili yang insenso king kekang altar, at babie ain king kekang arapan.

1 Samuel 12:21

E yu la sisikasuan ding bage alang ulaga uling ala kayung nabangnan kareti at e la makapagligtas pablasang ala lang ulaga.

1 Samuel 2:12

E la mayap ding anak nang Eli; ala lang galang king Ginu.