Jeremias 2:7 - Ing Mayap a Balita Biblia

⁷ Dela ku la king matabang gabun, ban nabangnan da ing pupul at miyayaliwang bage mayap. Makanyan man karas da karin selaula de ing kakung bansa; gewa deng karumaldumal ing bansang binie ku karela.

Jeremias 2:7 Iomraidhean Croise

Nehemias 9:25

Abihag da lang pakakutang siudad, matabang gabun, bale mitmung pibandian, depositung danum, mulahan olibo at ubas, at miyayaliwa pang tanaman a mamunga. Mengan la at kinabsi at metaba la. Meligaya la king mayap a binie mu karela.

Nehemias 9:26

Oneng linaban la keka; e la memintu karing utus mu, linele re ing Kautusan mu. Pete da la ring propeta a babie babala karela ban mibalik lub keka. Dinapat lang maragul a kalapastanganan keka.

Isaias 19:25

Bendisyunan na la ning Ginung Mayupaya at sabian na, Bendisyunan da ka, Ehipto a kanakung balen, at ika, Asiria a kanakung lelangan, at ika, Israel a kanakung pinili.

Jeremias 16:18

Papamayaran ku lang aduang besis king depat dang pamikasala at king e mayap uling dinatan de ing bansa ku karing idolo a mengaring bangke alang bie at uling kitmuan de ing bansa ku karing dios dang e tutu.

Jeremias 3:1

Ngana ning Ginu, Nung idiborsyu ne ning lalaki ing asawa na, at ing babai naman kawanian ne at maging asawa ne ning aliwang lalaki, e na ne akuang pasibayu ning minuna nang asawa. Lubus neng minie dinat king bansang ita. Oneng ika, Israel, karakal mu kelaguyo at ngeni bisa kang magbalik kanako!

Jeremias 3:2

Lumawe ka babo da ring bunduk-bundukan. Atin waring lugal a e ka menugaling anting babaing magtinda king katawan na? Penaya mu la king lele dalan ding lalaking kekang suki, nung makananu yang manaya ing metung a Arabo king disyerto karing maging biktima na. Dinatan me ing bansa king kapamilatan na ning pamagtinda mu king kekang katawan.

Jeremias 3:9

E ne tiblan ning dine ditak mu man. Dinatan ne ing bansa; dinapat yang kataksilan king kapamilatan na ning pamanyamba na karing batu at karing dutung.

Jeremias 32:23

Oneng inyang miras na la keting gabun at karela yang bindian, e da na la tiparan ding utus mu at e la mibiebie agpang karing turu mu. Ala lang bitasang tiparan karing bage inutus mung daptan da. Inya naman dela mu karela iting sablang kasiran.

Jeremias 32:30

Manibat king kapupurmeruan ning istoria na ning karelang bie, sinugat da na ku kapanamdaman at pepamua ding memalen na ning Israel at ning Juda king kapamilatan na ning depat da.

Ezekiel 20:24

Depatan ku iti uling tinggian da la ring kanakung tuntunan; lebagan da la ring utus ku; e de ginalang ing Aldo ning Sabbath at uling simban da la naman ding idolo a siyuan da ring makatua da.

Ezekiel 20:28

Dela ku la king gabun a pengaku kung ibie karela. Minie lang ain karing sablang ikit dang matas a bunduk-bundukan at berding tanaman. Pepamua da ku king kapamilatan da ring ain a karelang dilukan at king kapamilatan na ning alak a dela ra bilang ain da.

Ezekiel 20:6

Kanita ku pengaku karela king ilako ku la Ehipto at idala king pinili kung gabun a mataba at labis-labis ing kabiayan.

Ezekiel 23:35

Ngeni iti ya ing sasabian na ning Ginung Dios: Uling kelinguan mu ku at ginulut ka kanaku, pagdusan mu ing kekang kalibian at ing pamamisali mu king kekang katawan.

Ezekiel 36:17

Ngana, Anak ning tau, inyang manuknangan la ding Israelita king karelang bansa, dinatan de king kapamilatan na ning karelang pamibiebie at depat. Tinuring kung marinat ing karelang dapat anti ing babaing atyu king panaun ning pamagregla na.

Hosea 9:3

E la manatili king bansa ning Ginu ding memalen na ning Israel. Kailangan lang magbalik karin Ehipto, at mangan la king makabawal a pamangan karin king Asiria.

Mikeas 2:10

Sulung, mabating na kayu; ala nang karatunan pang makatagan keti. Uli da ring kasalanan yu datang at datang ing kasiran keti.

Ding Bilang 13:27

Ngarang memalita kang Moises, Selugsugan mi ya ing gabun nung nu mu kami tinubud. Mataba ya at labis-labis ing kabiayan karin. Oreni ding mapilan karing bungang tanaman karin.

Deuteronomio 21:23

at ikutkut ya king aldo mu ring ita. E yu paintulut ing kabukas yang makabitin ing bangke uling misumpa ya king Dios ing mebite. Nung e ya mikutkut agad midinatan ya ing gabun a babie na kekayu ning Ginung kekayung Dios.

Deuteronomio 32:9

Uling ing dake ning Ginu ya ing pili nang balen; i Jacob a bandi nang pakamalan.

Deuteronomio 6:18

Daptan yu itang matulid at mayap king arapan na ban mipakayap kayu at sakupan ampon bandian ing matabang gabun a pengaku nang ibie ning Ginu karing makatua yu,