Jeremias 2:6 - Ing Mayap a Balita Biblia

⁶ E ra ku man aganaka agyamang linigtas ku la king Ehipto, at tinaid libutad ning disyerto: king bansang disyerto at kulkul, king malangi at makatakut a lugal a alang manuknangan at alang bisang dumalan.

Jeremias 2:6 Iomraidhean Croise

2 Ari 2:14

Pispas na ing danum king balabal nang Elias at agnan nang sinabi, Nukarin ya ing Ginu, ing Dios nang Elias? Pasibayu nang pispas ing danum, at mepitna king misusumangid ing danum, at dinalakit ya king kangatba.

Job 3:5

Paburen bandian ne ning lungkut at ning dalumdum; paburen ding biga karin la magdatun; paburen ing karalumduman takpan ne ing aldo.

Job 35:10

Oneng e re lalapitan ing Dios a karela Linalang, ing malyaring sumaup karela king maskup dang kabilian.

Ding Dalit 23:4

Agyang king libis a mapanganib karin ku dumalan, e ku numanu balang, uling ika ing kakung kayabe. Ing pamarug mu't tukud ilang kaku babie sikanan lub.

Ding Dalit 77:5

Genaka ku la ding aldo napun nakadua na, ding banuang mipapauna na.

Exodo 20:2

Aku ing Ginung kekayung Dios a milual kekayu ibat Ehipto nung nukarin kayu meging ipus.

Isaias 63:9

king sabla rang kasakitan. E ya metung a anghel, nune ing Ginu mismu ya ing migligtas karela. Linigtas na la uli na ning lugud na at lunus. Ya ing parating mimingat karela king milabas a panaun.

Isaias 64:7

Ala metung mang lalapit keka ban manalangin; ala metung mang lalapit keka ban maniawad saup. Pimpan mu ing sarili mu kekami; gilutan mu kami uli da ring kasalanan mi.

Jeremias 13:16

Galangan ye ing Ginu, ing kekong Dios, bayu ya paratang dalumdum at bayu kayu mitakid karing bunduk; bayu na alilan misnang kapal a dalumdum ing sala a kekong asahan.

Jeremias 2:2

king ibalita ku iting mensahi na king balang memalen na ning Jerusalem: Agaganaka ku ing kekang katapatan inyang kayanakan mu, nung nu anti karagul ing lugud mu kaku inyang pekasalan da ka; tikian mu ku king libutad ning disyerto, karing lugal a e bitasang mitamnan.

Jeremias 2:8

E ra man kitang ding pari, Nu ya karin ing Ginu? Ding mismung kakung pari e da ku balu. Linaban la kaku ding pamuntuk; migsalita la ding propeta king lagyu nang Baal, at sinamba la karing idolong alang kabaldugan.

Jeremias 5:12

E la tapat king Ginu at ngarang sinabi, Siguradung ala yang daptan kekatamu. E tamu dumalan kasakitan; e mika gera o danup keti kekatamu.

Jeremias 5:2

Agyang sasabian yung sasamban ye ing Ginu, e naman laus king lub yu ing kekong amanu.

Jeremias 51:43

Meging makatakut lang lalawan ding balen na; mengari la king disyertong alang danum nung nu alang manuknangan o daralan man.

Hosea 12:13

Mitubud yang propeta ing Ginu ban ilako ne ing balen ning Israel king panga-ipus na karin Ehipto, at ban ingatan ne.

Hosea 13:4

Nganang sasabi ning Ginu, Aku ing Ginung kekayung Dios a milual kekayu ibat king Ehipto. Ala kayung aliwang Dios nung e mu aku. Aku mu ing bukud yung talapagligtas.

Amos 2:10

Leko da kang ibat Ehipto at seupan da ka king disyerto kilub ding apat apulung banua, at binie ku keka ing gabun ding Amoreo ban maging bandi mu.

Mateo 4:16

Ding taung manuknangan king kadalumduman menakit lang maragul a sala! Karing manuknangan king anino ning kamatayan karela sunlag ya ing sulu!

Deuteronomio 1:19

Memintu tamu king utus na ning Ginung kekatamung Dios. Meko tamu king Bunduk ning Horeb at miglakbe king malapad at makatakut a disyerto papunta karing bulubundukan nang sakup ding Amoreo. At miras tamu king Kades Barnea.

Deuteronomio 32:10

Atagpuan ne king disyerto, king lugal a alang kalaman-laman; pigdipensa ne at iningat; binten neng mitmung pakamal.

Deuteronomio 8:2

Ganakan yu nung makananu na kayung pitnubayan king disyerto ning Ginung kekayung Dios kilub ding apat apulung banua ban maging mapagpakumbaba kayu. Sibukan na kayu ban abalu na nung pamintuan yu la ding kautusan o nung ali yu la.

Ukum 6:13

Kitang nang Gideon, Nung paintulut yu, ginu, buri kung abalu obat milyari ing sablang iti kekami, nung ing Ginu kayabe mi ya? Agpang king kwentu da ring makatua mi, dinapat yang bage pagmumulalan inyang liwal na la king Ehipto. Obat pepaburen na kami ngeni ning Ginu at pepaburen karing gamat da ring tau Midian?