Jeremias 2:5 - Ing Mayap a Balita Biblia

⁵ Ngana ning Ginu: Nanung kamalian ing ikit da kaku ding kekong makatua at dinayu la kaku? Nanu ing sangkan ba't gilutan da ku? Simban da la ring alang kabaldugan a idolo, at ila mismu meging ala lang kabaldugan.

Jeremias 2:5 Iomraidhean Croise

2 Ari 17:15

E ra la pinsinan ding kautusan na, e la tinupad king kasunduan a gewa na karing karelang makatua, at migmaklak-maklakan la karing babalang binie na. Sinamba la karing alang kabaldugan a idolo, inya meging ala lang kabaldugan. Mekiapus la karing e mayap dang kaugalian ding bansang makapatulug karela agyang binawal na la ning Ginu.

Ding Dalit 115:8

Deta sanang ginawa karela maging kalupa da la, at pati na detang manalig karela.

Isaias 29:13

Ngana ning Ginu, Sasabian da reting tau king sasamban da ku, oneng ala lang kabaldugan ding amanu ra at marayu la kanaku ding pusu ra. Alang keliwan ing karelang relihiun karing tuntunan at piyuyugalian da ring tau, at makagyu mu ing minemoria da la.

Isaias 44:9

Ala lang kabaldugan ding sablang gagawang idolo at ding kikilalanan dang dios a tutu rang pakamalan. Ala lang ulaga! Bulag la at mangmang ding sasamba kareti at mibili la king kamarinayan.

Isaias 46:12

Makiramdam kayu kaku, ikong taung masias a buntuk a mimisip king ing pamagwagi tutung marayu.

Jeremias 10:8

Bolang la ngan at mangmang. Nanung abalu ra karing idolong dutung?

Jeremias 12:2

Tatanam mu la at magyamut la; daragul la at mamunga. Mayap ngan ing sasabian da tungkul keka, makanyan man marayu na la man keka ding pilubluban da.

Jeremias 14:22

Ala metung man karing idolo ding bansa a makaparatang uran; ing banua king sarili na e makabaldug uran ditak man. Binili mi ing kapanayan mi keka, O Ginung kekeng Dios, uling ika mu ing makarapat kareting bage.

Jeremias 2:31

Memalen ning Israel, makiramdam kayu king kanakung sasabian. Meging anti ku waring disyerto kekayu, anting maralumdum at mapanganib a lugal? Baket sasabian yu ing daptan yu ing buri yung daptan at king e na kayu magbalik kanaku?

Jeremias 2:4

Ikayung lahi nang Jacob at tribu nang Israel, makiramdam kayu king mensahi na ning Ginu.

Jeremias 8:19

Makiramdam kayu! Ing tangis ding kabalen ku king mabilug a bansa daramdaman ku, Ala ne kaya ing Ginu king Zion? Ing ari ning Zion, ala ne kaya karin? Ing Ginu, ing karelang ari, nganang mekibat, Baket pepamua yu ku karing dinukit yung larawan at karing dayuan a idolo?

Ezekiel 11:15

Anak ning tau, ding taung manuknangan Jerusalem pisasabian da ka ampon ding kalupa mung Israelita a makayugse king marayung lugal. Ngarang sasabi, Tutu na lang marayu ding taung miyugse; e na la makasamba king Ginu. Pepabandi na ne kekatamu iting bansa.

Ezekiel 14:5

Deting sablang idolo ilang sangkan king kataksilan da kanaku ding Israelita, oneng king pakibat ku panenayan ku ing pasibayu kung akua ing karelang katapatan.

Jonas 2:8

Detang sasamba karing idolong alang kabaldugan, gilutan da ing katapatan da keka.

Mateo 15:8

Ding taung deti, ngana ning Dios, parangalan da ku karing labi ra, oneng marayu la kaku ding pusu ra.

Ding Dapat 14:15

Kakaluguran, e yu daraptan yan! Tau kami mung kalupa yu! Dinatang kami keti ba ming iyatad ing Mayap a Balita ban painggulut kayu karetang alang kwentang bage, at magbalik kayu lub king Dios a mabie a mengawa king banua, king yatu, king dagat, at king sablang atyu kareti.

Roma 1:21

Balu re ing Dios, oneng e ra babie itang kagalangan a mangaintulid king Dios at e re pasalamatan. Nune meging alang kabaldugan ing karelang pamagmatulid at meralumdum la ding kaisipan dang e makaintindi.

Deuteronomio 32:21

Pepangalaluan da ku inyang karela yang simban itang e naman dios; lalu kung mimua karing dakal dang idolo. Inya kaku na la namang papangalaluan, at pamuan king kapamilatan ning bansang mangmang.

1 Samuel 12:21

E yu la sisikasuan ding bage alang ulaga uling ala kayung nabangnan kareti at e la makapagligtas pablasang ala lang ulaga.