Jeremias 2:3 - Ing Mayap a Balita Biblia

³ Israel, bukud mung kaku ka; ika ing banal kung pibandian. Peparala kung kasakitan at kasiran king ninumang manyira keka. Aku, ing Ginu, ing migsalita.

Jeremias 2:3 Iomraidhean Croise

Exodo 22:29

E yu piluat-luat ing pamiyain yu kaku karing sukat yung iyain ibat king pupul yu, king alak a apalto yu karing ubas yu, at king laru a ibat karing tanaman yung olibo. Iyain ye kanaku ing pangane karing anak yung lalaki.

Exodo 23:16

Pagselebran ye ing Piesta ning Pamamupul potang pagumpisan yu nang palutan ing tenam yu. Pagselebran ye ing Piesta da ring Dalungdung potang malapit na ing panaun ning dimla, potang agtalan yu na la ding bunga yung ubas at aliwa pang bungang tanaman.

Isaias 41:11

Lawan mu, detang mua keka takman da ing kamarinayan ning pangasambut. Mate la detang makilaban keka,

Isaias 47:6

Mimua ku karing taung kakung pinili, e ku na la kilalang kakung bandi; pepailalam ku la king upaya mu, at e ka pepakit lunus karela; pati na ding matua pepagdusan mu la.

Jeremias 12:14

Ngana ning Ginu, Atin kung buring sabian karing kasiping nang bansa ning Israel a minyira king binie kung gabun king balen kung Israel. Ilako ku la deting taung e mayap karing karelang bansa; mangari la king tanaman a meputput. Iligtas ke ing Juda king gamat da.

Jeremias 2:4

Ikayung lahi nang Jacob at tribu nang Israel, makiramdam kayu king mensahi na ning Ginu.

Jeremias 30:16

Oneng ngeni, ding sablang kekayu linaklak ilang malaklak, at ding sablang kekong kalaban, ila naman ding mabihag. Ding sablang kekayu menggipit ila ding magipit, at ding sablang keko miniamsam ila ding masamsam.

Jeremias 50:7

Darakpan da la ring ninumang manakit karela. Ngarang sasabi ding karelang kalaban, Mikasala la king Ginu, inya ustu ing depat tamu. Menalig la king Ginu ding karelang makatua at sukat la sanang menatiling tapat king Ginu.

Joel 1:3

Sabian yu iti karing kekong anak; ila karing anak da karela namang sabian at ila karing lahi ra sabian da naman.

Amos 6:1

Makalunus ing mapalyari kekayung makusuelung mabibie king Zion, at ikayung panatag a bili king Samaria, ikayung marangal a tau na niting marangal a bansang Israel, ikayung lalapitan dang aduananan saup ding tau!

Habakuk 1:11

Kaybat lumabas lang anting angin at bigla lang mawala deting tau Babilonia a ing sikanan da ya ing karelang dios.

Zacarias 1:15

Tune kung mua karing bansang magtamasa king katahimikan at kapayapan. Kabang aku mo pipigilan ku ing mua ku karing memalen ku, detang bansang deta lalu da na la mang pepasakitan ding memalen ku.

Zacarias 2:8

Anti na mo waring aku ing lebanan na ning ninumang lumaban kekayu. Inya tinubud na ku ning Ginung Mayupaya at binie ne iting mensahi para karing bansang meniamsam karing memalen na:

Ding Bilang 18:12

Babie ku la naman keka ding mumunang pekamasanting a bunga da ring tanaman da ring Israelita a iyain da kanaku balang banua: larung olibo, alak, at pamangan.

Roma 11:16

Nung ing mumunang kapirasung tinape miyain ya king Dios, keya ya naman ing kabilugan a tinape at nung ding yamut ning metung a tanaman miyain la king Dios, keya la naman ding sanga.

Roma 16:5

Ikomusta yu ku naman king iglesiang mipupulung king bale ra. Komusta ya naman ing pakamalan kung kakaluguran a Efeneto, ing minunang diling meniwala kang Cristo king probinsia na ning Asia.

Efeso 1:4

At uli niting pangayabe tamu kang Cristo, pinili na na katamu bayu ya pa melalang ing meto ketawan ban maging banal tamu at alang kapintasan arap na. Uli na ning lugud ning Dios,

Deuteronomio 14:2

Tau kayung banal king Ginung kekayung Dios. Pinili na kayu karing sablang tau ning yatu ban bukud mung maging bandi na.

Deuteronomio 26:19

at ya naman itas na kayung matas karing sablang bansa a lelang na ban purian ye ampon parangalan, at ban ikayu ing maging memalen nang banal, antimo ing asabi na na kekayu.

Deuteronomio 7:6

E yu kakalinguan king tau kayung pinili na ning Ginung kekayung Dios; pinili na kayu karing aliwang bansa ban maging bukud mung bandi na.

Santiago 1:18

King sarili nang kaburian beit na katamu king kapamilatan na ning amanu ning katutuan ban itamu ding maging mumunang diling bunga na ning sablang lelangan na.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.

Kapahayagan 14:4

Ila deti ring lalaking e mika kaugnayan karing babai; birhen lang lalaki. Tutuki la king Kordero nukarin ya man munta. Meyatbus la karing tau ban maging mumuna lang ain king Dios at king Kordero.