Jeremias 2:2 - Ing Mayap a Balita Biblia

² king ibalita ku iting mensahi na king balang memalen na ning Jerusalem: Agaganaka ku ing kekang katapatan inyang kayanakan mu, nung nu anti karagul ing lugud mu kaku inyang pekasalan da ka; tikian mu ku king libutad ning disyerto, karing lugal a e bitasang mitamnan.

Jeremias 2:2 Iomraidhean Croise

Ding Dalit 129:1

Sabian mu, Israel, nung makananu da kang linupig ding kapate mu ibat na inyang anak ka.

Exodo 14:31

Miyatdanan lang takut king Ginu ding Israelita inyang ikit da ing maragul nang upaya ning Ginu a ginamit na king pamagwagi na karing tau Ehipto; mika tiwala la king Ginu at king talasuyu nang i Moises.

Exodo 16:8

Ngana pang Moises, Ing Ginu ya ing munie karni kekayu neng sisilim at munie tinape kekayu neng abak anggang bisa kayu, uling dimdam na nung nu anti karagul ing pamagreklamu yu. Neng magreklamu kayu laban kekami, king Ginu kayu tune magreklamu at e kekami.

Ding Kasebian 1:20

Mamaus yang masikan ing kabiasnan karing dalan at karing palengki;

Ing Malagung Diling Kanta 3:11

Kebabainan ning siudad ning Zion, 'me ko keni at lawan ye i Aring Solomon. Susulud ne ing koronang pinutung nang ima na inyang kinasal ya, ing aldo ning tula nang alang kalupa.

Ing Malagung Diling Kanta 3:6

Nanu ya iting daratang ibat king disyerto a anting asuk ning mira at insenso, at aliwa pang tindang mabanglu ning taung magnegosyo?

Isaias 58:1

Ngana ning Ginu, Kulisak kang masikan anggang binit mu! Sabian mu karing memalen kung Israelita ing kasalanan da!

Jeremias 11:6

Ngana kanita ning Ginu kanaku, Munta ka karing siudad na ning Juda at karing dalan ning Jerusalem. Ibalita mu karin ing mensahi ku at sabian mu karing memalen king dinan dong pansin ding kayaduanan na ning kasunduan at pamintuan da la.

Jeremias 19:2

at dumalan ku king Pasbul dalan ding Magkukuran papunta king Kapatagan ning Hinom. Karin ku ibalita ing mensahing ibie na kanaku.

Jeremias 2:1

Sinabi na kanaku ning Ginu

Jeremias 2:6

E ra ku man aganaka agyamang linigtas ku la king Ehipto, at tinaid libutad ning disyerto: king bansang disyerto at kulkul, king malangi at makatakut a lugal a alang manuknangan at alang bisang dumalan.

Jeremias 3:4

At ngeni sasabian mu kanaku, Ika ing Tata ku at pepakamalan mu ku manibat na inyang malati ku.

Jeremias 7:2

Sinabi na kanaku king talakad ku karin at ibalita ku karela itang pasabi na ning Ginung Mayupaya, ing Dios ning Israel.

Ezekiel 16:22

King panaun na ning bie mung makasumami bilang babaing magtinda king katawan mu, e mu man aganaka ing bie mu inyang malati ka pa, inyang lubas ka at kaso-kaso king sarili mung daya.

Ezekiel 16:60

Oneng kilalanan ke ing kasunduan a gewa ku keka inyang kayanakan ka, at kayabe mu gawa kung kasunduan a manatili kapilan man.

Ezekiel 16:8

Inyang pasibayu kung linabas karin, apansingan ku king dinatang na ing oras a sukat na kang malsinta. Binalut ke king kanakung imalan ing lubas mung katawan at pengaku kung luguran da ka. Pekasalan da ka at meging kanaku ka. Ngana ning Ginung Dios.

Ezekiel 23:19

Lalu yang meging e mayap a babai kesa ketang milabas a panaun, antimo ing penugalian na manibat na kanitang kayanakan na, inyang kapupurmeruan nang meging babaing magtinda king katawan na karin Ehipto.

Ezekiel 23:3

Manuknangan la king Ehipto inyang kayanakan la. Karin mesira ing pangadalaga ra at meging babai lang magtinda king karelang katawan.

Ezekiel 23:8

Sindu na itang pegumpisan na anting babaing magtinda king katawan na karin Ehipto nung nu ya mesira pangadalaga. Manibat na inyang anak ya pa mu kayabe na na lang matudtud ding lalaki, at tinuring da ne man anting babaing magtinda king katawan na.

Hosea 11:1

Nganang sasabi ning Ginu, Liguran ke ing Israel kanitang anak ya pang malati, at manibat king Ehipto inaus ku neng anak ku.

Hosea 2:15

Isubli ku la bilang bandi na ding mulahan nang ubas at gawan keng pasbul ning kapanayan ing Kapatagan ning Akor. Tanguanan na ku karin a antimo ing depat na kanitang kayanakan na, kanitang dinatang yang ibat Ehipto.

Hosea 2:17

E ku ne kapilan man paintulutan banggitan ne pa ing lagyu nang Baal.

Hosea 2:7

Panalukian na la ding lalaking kalaguyo na, oneng e na la akuang atagal. Panintunan na la, oneng e na la akit. Kanita sabian na, Magbalik ku king minuna kung asawa; mas masanting ku bili kanita kesa ngeni.

Hosea 8:1

Nganang sasabi ning Ginu, Tiupan ye ing trumpeta! Daratang lang anting agila ding kalaban king kanakung bansa! Lebagan de ring taung kanakung pinili ing kasunduan; e ra la tiparan ding utus ku.

Hosea 9:10

Nganang sasabi ning Ginu, Anti yang ubas ing Israel king malanging gabun kanitang minuna keng ikit. Inyang minuna ku lang ikit ding makatua yu, anti la karing mumunang melulut a bunga da ring tanaman a higera king kapanaunan da. Oneng inyang miras la king Bunduk ning Peor, megumpisa lang sinamba kang Baal at e melambat meging makasumami lang kalupa da ring idolong liguran da.

Jonas 1:2

Ngana, Munta ka Nineve at magsalita kang laban keting mayupayang siudad uling e makalihim kanaku ing e mayap dang daraptan ding memalen na.

Mateo 11:15

Makiramdam kayu nung atin kayung balugbug!

Lucas 12:13

Ngana kang Jesus ning metung a taung kayabe da ring malda, Maestro, yutus mu king kakung kapatad king ibie na kanaku ing parti ku king pibandian a likuan nang tatang mi.

Deuteronomio 2:7

Binendisyunan na kayu ning Ginung kekayung Dios king sablang depat yu, pitnubayan na kayu king pamaglakbe yu king malualas a disyerto kilub ding apat apulung banua at e kayu bitasang kekulangan king nanumang bage.

Deuteronomio 33:3

Wa, kaluguran na la ding taung pinili na, at bibendisyunan detang tapat; makatipun la king arapan na, kautusan na makasadia da lang tuparan.

Deuteronomio 8:2

Ganakan yu nung makananu na kayung pitnubayan king disyerto ning Ginung kekayung Dios kilub ding apat apulung banua ban maging mapagpakumbaba kayu. Sibukan na kayu ban abalu na nung pamintuan yu la ding kautusan o nung ali yu la.

Santiago 4:4

Taksil a tao! E yu wari balu king ding maki-kaluguran king yatu maging kalaban na la ning Dios? Inya, ninuman ing bisang maging kakaluguran na ning yatu gagawan neng kalaban na ning Dios ing sarili na.

Kapahayagan 2:4

Oneng ing paginakit ku keka ya iti: merimla ing lugud mu kanaku; e na na kalupa ning sadia.