Jeremias 19:2 - Ing Mayap a Balita Biblia

² at dumalan ku king Pasbul dalan ding Magkukuran papunta king Kapatagan ning Hinom. Karin ku ibalita ing mensahing ibie na kanaku.

Jeremias 19:2 Iomraidhean Croise

Josue 15:8

at mukiat ya king Kapatagan ning Hinom king dane nang mauli ning bunduk-bundukan nung nukarin mayakit ya ing siudad da ring Jebuseo, ing Jerusalem. Ing angganan kanita tataglus ya angga king taluktuk na ning bunduk-bundukan king dane albugan ning Kapatagan ning Hinom, king sepu nang dane norti ning Kapatagan ning Refaim.

2 Ari 23:10

Pepalasak nia naman ing Tofet king Kapatagan ning Hinom ban ala nang makaduluk pang anak da bilang ain da kang Molek.

Jeremias 32:35

Ginawa lang altar para kang Baal karin king Kapatagan ning Hinom ban ibie da lang ain-sakripisyu ding anak da para kang Molek, ing kikilalanan dang dios. E ku inutus karela ing daptan da iti at e bitasang linub king isip ku king daptan da ing makanyan a bage at tairan da la ring memalen na ning Juda king pamikasala.

2 Cronica 33:6

Binie na la ding anak nang lalaki king Kapatagan ning Hinom bilang ain-a-durulukan. Mewili ya king pamamanula, pamangulam, pamanialamangka, at meniawad yang turu karing mamag-espiritista. Tune e ustu ing depat na king akakit na ning Ginu. Inya pepamua ne ing Ginu.

2 Cronica 28:3

Dinuluk yang insenso king Kapatagan ning Hinom at inain na la ding sarili nang anak a lalaki bilang ain-a-durulukan karing idolo. Tikian na ing makasumaming ugali da ring bansang tinabi ning Ginu king gabun a pupuntalan da ring Israelita.

Ding Dapat 20:27

Uling king pamipabalu ku kekayu king kabilugan nang parasan ning Dios, ala kung selikut nanuman.

Ding Dapat 5:20

Sulung munta kayu king Templo at ituru yu ngan karing tau ing sabla tungkul kaniting bayung bie.

Mateo 10:27

Ing sasabian ku kekayu king madalumdum, ulitan yu king masala, at sukat yung ikulisak ing sisitsit da kekayu.

Jonas 3:2

Ngana, Jonas, munta ka Nineve, ing mayupayang siudad, at sabian mu karing tau karin ing mensahing binie ku keka.

Jeremias 26:2

Ngana, Jeremias, talakad ka king libutad ning patyu ning Templo at ibalita mu ing sablang inutus kung sabian mu karing taung manibatan karing balen na ning Juda ban samba karin. Ala kang lalaktawan metung man karing amanu ku.

Jeremias 11:6

Ngana kanita ning Ginu kanaku, Munta ka karing siudad na ning Juda at karing dalan ning Jerusalem. Ibalita mu karin ing mensahi ku at sabian mu karing memalen king dinan dong pansin ding kayaduanan na ning kasunduan at pamintuan da la.

Jeremias 7:2

Sinabi na kanaku king talakad ku karin at ibalita ku karela itang pasabi na ning Ginung Mayupaya, ing Dios ning Israel.

Jeremias 3:12

Inutus na kung munta kang Israel ban sabian ku, Taksil a Israel, magbalik na ka kanaku. Biasa kung lumunus at e na ku mua; e kabang kaba ing mua ku keka.

Jeremias 1:7

Oneng ngana kanaku ning Ginu, E mu sasabian king anak ka pa mu, bagkus munta ka karing tau nung nu ra ka itubud at sabian mu karela ing sablang bage a iyutus kung sabian mu.

Nehemias 3:29

I Zadok, ing anak nang Immer, pegobran ne itang dake tulid ning bale na. I Semaia, ing anak nang Secania, ya ing sinalising megobra. Ya ing guardia king Pasbul dalan Aslagan.

Jeremias 18:2

Munta ka king bale na ning taung gagawang kuran at aliwa pang kasangkapan a pila, at karin ku ibie ing mensahi ku keka.