Jeremias 16:3 - Ing Mayap a Balita Biblia

³ Sabian ku keka ing mapalyari karing anak a mibait keti at ing mapalyari karing pengari da.

Jeremias 16:3 Iomraidhean Croise

Jeremias 15:8

Mas dakal la ding babaing mebalu king kekong bansa kesa king balas king pampang ning dagat. Pete ku la ding anak yung lalaki agyang kayanakan la pa, at pepalungkutan ding karelang ima. Bigla ku lang lisuban a kayabe ing takut at galgal.

Jeremias 16:2

E ka makiasawa o mikakayanak keting lugal.

Jeremias 16:5

E ka lulub king bale nung nukarin ating pamagpaldas. E ka manangis para kaninu man. E ku na la dinan kapayapan ding taung kanakung pinili o pakitanan mang lugud at lunus.

Jeremias 16:9

Aku, ing Ginung Mayupaya, ing Dios ning Israel. Makiramdam ka kening kanakung sabian. Patuknangan ku ing inge ning tula ampon saya at pati na ing masigla rang pamagsaya ding kakasal. Akit da ring tau ing mangapalyari keti bayu la mate.

Jeremias 6:21

Inya paburen ku lang mitisud at misakab ding taung deti. Mate la ding lalaki, ding tata ampon ding anak at antimu rin ding mikakaluguran at misisiping bale.

Ezekiel 24:21

king ibie ke kekayung Israelita iting mensahi: Ipagmaragul ye ing matibe Templo. Atna kayung kaburing lalawe at daralo kaniti, oneng gawan neng alang kabaldugan ning Ginu. At mate la ngan king gera ding kayanakan a miembru da ring pamilya yung melakuan Jerusalem.