Jeremias 12:3 - Ing Mayap a Balita Biblia

³ Oneng ika, Ginu, balu mu ku; ing daraptan ku akakit mu at balu mu nung nu anti ing lugud ku keka. Kaladkaran mu la't ilako deting tau anting tupang malapit da nang katatan; banten mu la angga king oras a paten da la.

Jeremias 12:3 Iomraidhean Croise

2 Ari 20:3

Ngana, O Ginu, e mu sana kakalinguan king siyuan da kang mitmung katapatan at kalausan a lub, king parati kung magkapilit gawan itang buri mung pagawa kanaku. At menangis yang kapait-paitan.

1 Cronica 29:17

Balu ku, O Dios, king sasalugsugan me ing pusu at tutula ka karing taung matulid. Iyain ku ngan iti king kusang lub. Ikit kung matula ing kalausan dang lub minie deting taung kekang memalen.

Job 23:10

Oneng balu ning Dios ing balang takbang ning bie ku; nung surian na ku, akit na ing malinis ku.

Ding Dalit 11:5

Ding banal at ding makasalanan parehu na lang susurian; oneng kasaman na lang maburing darapat katampalasanan.

Ding Dalit 139:23

Surian mu ku, O Dios, at pakibaluan mung isipan ku; subukan mu ku at kilalanan ing kakung isipan.

Ding Dalit 17:3

Pusu ku balu me; bengi man sisi-siasatan me. Sibukan mu ku at ala kang ikit a e mayap; uling kakung pamagsalita kakung ingatan.

Ding Dalit 26:1

O Ginu, ibie mung kakung katuliran, uling matulid ing kakung daraptan, at bukud mung ika ing kakung panaligan.

Ding Dalit 7:9

O Dios a e mangabiran a talasuri ning pusu at kaisipan, ding taung mitmung kasalanan keka na la sanang parusan, at patatagan ding taung banal.

Jeremias 15:15

Kanita sinabi ku, Ginu, ika balu mu. Ganakan mu ku at saupan mu ku. Yablas mu ku karing liligalig kanaku. Tuknangan mu na lang pibabatan ban e la magtagumpe king nasa rang paten da ku. E mu sa kakalinguan king insultuan da ku king uli mu.

Jeremias 17:16

Oneng, Ginu, kapilan man e ku inawad keka ing parala kang kasakitan karela; e ku pignasan ing mag-ari ing kaligaligan karela. Balu mu iti, Ginu, balu mu itang sinabi ku.

Jeremias 17:18

Paburen mu lang mangapakarine ding lulupig kanaku, oneng e mu ku yayabe. Pamatakutan mu la, oneng e mu ku pamatakutan. Pasakitan mu la at paglapakan.

Jeremias 20:12

Oneng, Mayupayang Ginu, king alang pamangabiran taung makatuliran keka lang paniubukan, balu mu ing atyu karing pusu ra at kaisipan. Inya paburen mung akit ku ing pamagbengansa mu karing kalaban ku, uling karing gamat mu karin ku binili ing nasa ku.

Jeremias 48:15

Daratang ne ing manyira king Moab at karing siudad na mate la ding mayap nang kayanakan a lalaki. Aku ing Ari, ing Ginung Mayupaya, ing migsalita.

Jeremias 50:27

Paten la ngan ding sundalus! Gisanan yu la! Makalunus la ding memalen na ning Babilonia! Dinatang na ing oras ban parusan la! (

Jeremias 51:4

Mangasugat la at mangamate karing dalan da ring siudad da.

Juan 21:17

Kitang na king katlung besis, Simon, anak nang Juan, kaluguran mu ko? Melungkut ya i Pedro uling mekatatlu na kitang: Kaluguran mu ko? At mekibat ya, Ginu, balu mu ing sabla; balu mu king kaluguran da ka! Sinabi nang Jesus, Pakanan mu la ding tupa ku.

Santiago 5:5

Migpasasa kayu king tula at kalayawan keti king yatu. Anti yung pepataban at sidia ing sarili yu kalupa da ring animal a sesesen da para katatan.

2 Pedro 2:12

Oneng ding taung deti mengari lang animal a mabagsik a alang pamisip a mibait ban pandakpan da at katatan; insultuan da ing nanumang bage e ra aintindian. Mapuksa la antimo ding animal a malyap.