Jeremias 11:2 - Ing Mayap a Balita Biblia

² Pakiramdaman mu ing kayaduanan na niting kasunduan. Sabian mu karing memalen na ning Juda at Jerusalem

Jeremias 11:2 Iomraidhean Croise

2 Ari 11:17

Kaybat na nita, pepagawan neng kasunduan Jeoiada ing ari at ding memalen na king ila ngan maging memalen na la ning Ginu; ginawa ya namang kasunduan ing ari at ding memalen.

2 Cronica 23:16

Kaybat na nita, pepagawan neng kasunduan Jeoiada ing ari at ding memalen na king ila ngan maging memalen na la ning Ginu.

2 Cronica 29:10

Tune pagnasan ku ngeni ing gawa tamung pasibayung kasunduan king Ginu, ing Dios ning Israel, ban mawala na ing mabagsik nang mua kekatamu.

2 Cronica 34:31

Tinalakad ya ketang paglugalan ning ari at ginawa yang kasunduan king Ginu king tuparan na la king mabilug nang pusu at kaladua ding sabla nang kautusan at tuntunan.

Exodo 19:5

Ngeni, nung makiramdam kayu kanaku at tupad king kanakung kasunduan, ikayu ing maging sarili kung balen. Kanaku ya ing mabilug a yatu, oneng ikayu mung bukud ding taung pinili ku,

Jeremias 11:1

Ngana kanaku ning Ginu,

Jeremias 11:6

Ngana kanita ning Ginu kanaku, Munta ka karing siudad na ning Juda at karing dalan ning Jerusalem. Ibalita mu karin ing mensahi ku at sabian mu karing memalen king dinan dong pansin ding kayaduanan na ning kasunduan at pamintuan da la.