Jeremias 10:4 - Ing Mayap a Balita Biblia

⁴ at pelamutian deng gintu at pilak. Pinaku de ban e ya miragsa.

Jeremias 10:4 Iomraidhean Croise

Ding Dalit 115:4

Kabang ding dios da gintu la mu at pilak; gewa da la ring karelang gamat.

Ding Dalit 135:15

Ding dios-diosan da ring bansa megawa la king gintu ampon pilak; gewa da la ring taung magaling a pangamat.

Isaias 44:12

Kakua yang kapirasung bakal ing pande; itangab ne king api at kaybat papandayan ne king gamat nang masikan. Masuan ne ing bakal at saka ne dinan ubug. Daranup ya, kakau, at mapapagal kabang magobra ya.

Isaias 46:6

Bubuklat do ring tau ding karelang suput, at gintu ing karelang bubulus; pilak karelang titimbangan. Manupa lang plateru ban gawa lang dios, at kaybat dukuan ampon samban.

Isaias 46:7

Tatas de at pupusanan karing karelang pago; bibili re king metung a lugal ban karin talakad, e bitasang makakimut king lugal a pagkabilian na. Nung ing ninuman manalangin ya king idolo, e ya makapakibat o e ne aligtas king kagipitan na.

Hosea 13:2

E tinuknang ing karelang pamikasala king kapamilatan na ning pamangawa rang larawan a bakal ban samban da. Gagawa lang pilak a idolo a bunga na ning karelang pamisip at dapat da ring gamat da. At ngarang sasabi, Munie kayung ain-sakripisyu kareti! Obat ayuyuma da la reting idolo, ding rebultu a kalupa da ring baka?

Habakuk 2:19

Makalunus na kayo! Sasabian yu king kapirasung dutung, Migising ka! o king kapirasung batu, Mibangun ka! Atin ya waring malyaring apabalu kekayu ing metung a idolo? Mapalyaring belutanan yang pilak at gintu, oneng e ne man mabie.