Jeremias 10:3 - Ing Mayap a Balita Biblia

³ Ala yang ulaga ing relihiun da reting tau. Kinutud de ing metung a tanaman king gubat; dinukit ne ning magaling a pangamat,

Jeremias 10:3 Iomraidhean Croise

Ding Dalit 115:4

Kabang ding dios da gintu la mu at pilak; gewa da la ring karelang gamat.

Isaias 45:20

Ngana ning Ginu, Me ko keni, mitipun kayu ikong memalen ning yatu, ikong sablang mitagan king pangabagsak ning kayarian; iyarap yu ing sarili yu para king pamaglitis! Ding taung pidala-dala da la ring idolo rang dutung, at manalangin karing kikilalanan dang dios a e naman makapagligtas karela. Ala lang bitasang balu deting tau!

Jeremias 1:16

Parusan ku la ding taung kanakung pinili uling mikasala la; gilutan da ku at minie lang ain-sakripisyu karing aliwang dios at uling ginawa lang idolo at kaybat simban da la.

Jeremias 10:8

Bolang la ngan at mangmang. Nanung abalu ra karing idolong dutung?

Jeremias 14:22

Ala metung man karing idolo ding bansa a makaparatang uran; ing banua king sarili na e makabaldug uran ditak man. Binili mi ing kapanayan mi keka, O Ginung kekeng Dios, uling ika mu ing makarapat kareting bage.

Jeremias 16:19

Ginu, ika ing mimingat at babie sikanan kanaku; sasaupan mu ku king oras ning kaligaligan. Datang la keka ding bansang ibat karing miyayaliwang suluk na ning yatu at sabian da, Ala lang pibandian ding makatua mi nune mu ding dios a e tutu; ala nune mu ding alang silbing idolo.

Jeremias 2:5

Ngana ning Ginu: Nanung kamalian ing ikit da kaku ding kekong makatua at dinayu la kaku? Nanu ing sangkan ba't gilutan da ku? Simban da la ring alang kabaldugan a idolo, at ila mismu meging ala lang kabaldugan.

Levitico 18:30

Inya sukat yung tuparan ing inutus ku kekayu, at e yu pakiapusan ing makasumami rang ugali ban e kayu midinatan kareting dapat. Aku ing Ginung kekayung Dios.

Mateo 6:7

E kayu gagamit dakal a amanu a alang kabaldugan king kekayung pamanalangin antimo ing daraptan da ring paganu. Isipan da king pamangamit dang dakal a amanu malagua na lang pakiramdaman ning Dios.

Ding Dapat 19:26

Sasaksian yu at daramdaman mismu nung nanu ing daraptan na niting taung ausan dang Pablo. Sasabian na king ding dios a gewa da ring tau e la tutung dios at akakua na lang apapaniwalan ding dakal a tau maging keti king Efeso at halus king kabilugan a probinsia na ning Asia.

Roma 1:21

Balu re ing Dios, oneng e ra babie itang kagalangan a mangaintulid king Dios at e re pasalamatan. Nune meging alang kabaldugan ing karelang pamagmatulid at meralumdum la ding kaisipan dang e makaintindi.

1 Pedro 1:18

Uling balu yu nung nanu ing meging bayad na ning kalayaan yu ketang bie alang kabaldugan a amana yu karing kekayung makatua. Ing meging bayad na e metung a bage a malyaring milako ulaga a kalupa da ring pilak o ding gintu.