Jeremias 10:2 - Ing Mayap a Balita Biblia

² Ngana, E yu pakiapusan ing ugali da ring aliwang bansa; e kayu sukat magugulu isip karing tanda king banua, agyamang ding aliwang bansa magugulu la.

Jeremias 10:2 Iomraidhean Croise

Genesis 1:14

Kaybat ngana ning Dios, Mika ating sala king banua ban mikawani ya ing aldo king bengi. Maging tanda la karing panaun ampon karing aldo at banua,

Jeremias 10:1

Memalen ning Israel, pakiramdaman yu ing mensahi na ning Ginu para kekayu.

Ezekiel 20:32

Inari yu na king lub yu king buri yu ing maging anti kayu karing memalen da ring aliwang bansa at samba karing dutung at batu. Oneng ita kapilan man e mapalyari.

Levitico 18:3

E yu pakiapusan ing ugali da ring tau Ehipto nung nu kayu menuknangan king misan a panaun ni ding taung dasan yu Canaan nung nu ra kayu darala ngeni.

Levitico 20:23

E kayu makiapus karing ugali da ring taung manuknangan karin. Tatabi ku la deting taung deti uli na ning dapat dang makasumami.

Deuteronomio 18:9

Potang miras na kayu king gabun a babie na kekayu ning Ginung kekayung Dios, e kayu makiapus king makasumaming ugali da ring tau karin.

Ukum 6:10

Sinabi ku kekayu king aku ing Ginu, ing kekayung Dios, at king e yu la sasamban ding kikilalanan dang dios da ring Amoreo a ing gabun da ya ngeni ing tuknangan yu. Oneng e kayu mekiramdam kanaku.