Jeremias 1:9 - Ing Mayap a Balita Biblia

⁹ Kanita, inatiat ne ning Ginu ing gamat na; tigkil na la ding labi ku at ngana kanaku, Makiramdam ka. Ibabie ku la keka ding amanung sukat mung sabian.

Jeremias 1:9 Iomraidhean Croise

Isaias 49:2

Gewa na lang mataram anting espada ding kakung amanu. King mismung gamat na iningat na ku. Gewa na kung anti ing paslu, matilus at makasadiang mibugnus.

Isaias 50:4

Tiru na ku ning Ginung Dios nung nanu ing sukat kung sabian ban apasiknangan ku la ding mibabayatnan. Dirinan na kung sikanan balang abak ban itang ituru na kaku kakung pakiramdaman.

Isaias 51:16

Lidlad ke ing banua, at binili ding pundasyun ning yatu. Ngaku king Jerusalem, Ika ing balen a pinili ku! Binie ku la keka ding amanu ku, at ingatan da ka karing gamat ku.

Isaias 59:21

At gawa kung kasunduan kekayu: binie ku kekayu ing upaya ku at ding turu ku ban maging kekayu la king kapilan pa man. At pamintuan yu la manibat ngeni at ituru karing anak yu at karing lahi yu ban mamintu kanaku king kapilan pa man.

Jeremias 15:19

Inya nganang mekibat kanaku ning Ginu, Tanggapan da ka nung magbalik ka at pasibayu kang maging talasuyu ku. Nung magsalita ka karing bage makabaldugan, lugal king magsalita ka ketang alang kabaldugan, kanita pasibayu kang maging kanakung propeta. Magbalik la keka ding tau at e na kailangan pa ing lumapit ka karela.

Jeremias 34:6

Kaybat na nita, binie ke iting mensahi kang Aring Zedekias karin king Jerusalem

Jeremias 36:2

Kuma kang pisusulatan a lulun at isulat mu ing sablang sinabi ku keka tungkul king Israel at king Juda ampon karing sablang bansa. Isulat mu ing sablang sinabi ku keka manibat na kanitang minunang migsalita ku keka, inyang i Josias ya ing ari at angga na ngening kasalukuyan.

Jeremias 5:14

Ngana kanaku ning Ginung Dios a Mayupayang tutu, Jeremias, uling makanyan lang migsalita ding taung deti, gawan ku lang anting api ding amanu ku king asbuk mu. Maging anti lang dutung ding tau at gisanan na la ngan ning api.

Ezekiel 3:10

Ngana pa ning Dios, Anak ning tau, makiramdam kang masalese at tandanan mu ing sablang sasabian ku keka.

Daniel 10:10

Kanita telanan na ku ning metung a gamat at seupan na kung mibangun; gagalgal ku pa mu rin.

Daniel 10:16

Kanita inabut ne ing gamat na ning anghel a kalupang tau at tigkilan na la ding labi ku. Ngaku, Makamal, tune na kung papangalambutan ning vision, inya gagalgal kung alang patugut.

Ding Bilang 23:5

Atin yang sinabi ing Ginu kang Balaam. Ngana, Balikan mu ne i Balak at sabian mu itang pasabi ku.

Mateo 10:19

Potang iyarap da na kayu karing husgadu, e yu pigaganakan nung nanu ing sabian yu o nung makananu kayung magsalita; potang datang na ing oras a ita, miyabie kekayu nung nanu ing sabian yu.

Marcos 7:33

Kelilua neng Jesus ing lalaki karing dakal a tau. Binili na la ding taliri na karing balugbug na ning pipi; linura ya at saka ne tigkilan a dila.

Lucas 12:12

Uling ing Banal a Espiritu ya ing mituru kekayu king oras a ita nung nanu ing sukat yung sabian.

Lucas 21:15

uling dinan da kayung amanu at kabiasnan a e na agyung labanan o tutulan ning ninuman karing kekayung kalaban.

Deuteronomio 18:16

Inyang makatipun kayu karin king Bunduk ning Horeb pekisabi yu king e yu ne sana pakiramdaman magsalitang pasibayu ing Ginung kekayung Dios o akit pa ing milalablab nang panga-atyu, uling tatakut kayung mate.

Deuteronomio 18:17

Inya ngana kanaku ning Ginu, Ustu ing sinabi ra.

Deuteronomio 18:18

Mitubud kung propetang kalupa mu a manibatan karing mismung kalahi ra. Sabian ku itang buri kung sabian na at ipayabut na karing tau itang sablang iyutus ku.