Jeremias 1:8 - Ing Mayap a Balita Biblia

⁸ E ka tatakut karela uling kayabe mu ku at ingatan da ka. Aku, ing Ginu, ing migsalita!

Jeremias 1:8 Iomraidhean Croise

Exodo 3:12

Ngana ning Dios, Patnubayan da ka at oyni ing tanda king aku ing mitubud keka. Potang ikua mu na lang alual Ehipto ding Israelita, samban yu ku keting bunduk.

Isaias 43:2

Neng daralan ka karing malalam a danuman, patnubayan da ka; e ra ka daigan ding kekang kaguluan. Nung dumalan ka libutad ning api, e ka masilab; ding mabayat a kapagsubukan e ra ka sambutan.

Isaias 51:12

Ngana ning Ginu, Aku ing babie sikanan keka. Obat tatakut ka king taung ating kamatayan a e manatiling anti ing dikut?

Isaias 51:7

Makiramdam kayu kaku, ikong maki balu king matulid, ikong king pusu yu makatanam lang kautusan ku. E kayu tatakut potang ding tau pamagsisti da kayu at lalapastanganan;

Jeremias 1:17

E mu painan ing lub mu; munta ka at sabian mu la karela ding sablang bage inutus kung sabian mu. E ka tatakut karela; nung mitakutan ka ngeni karela lalu da kang pamatakutan potang atyu na ka karela.

Jeremias 1:19

Lumaban la keka, oneng e la maniambut uling kayabe mu ku at e ra ka paburen. Aku, ing Ginu, ing migsalita.

Jeremias 20:11

Oneng ika, Ginu, atyu ka siping ku, masikan ka ampon mayupaya, at detang kaku maglupig mibual la. Mangapakarine lang alang angga, uling e la malyaring magtagumpe. E na makalinguan kapilan man ing karelang kamarinayan.

Jeremias 30:11

Datangan da kayu at iligtas. Lasakan ku la ngan ding sablang bansa nung nu ra kayu inugse, oneng e ra kayu gisanan paten. E ku paintulut ing e kayu miparusan; oneng potang parusan da na kayu, ing karapatdapat ya ing iyatul ku kekayu. Aku, ing Ginu, ing migsalita.

Jeremias 39:11

Inutusan neng Aring Nebucadenesar i Nebuzaradan, ing pekapun da ring sundalus. Ngana,

Jeremias 42:11

Tuknang na kayung mitatakutan king ari na ning Babilonia. Kayabe yu ku at iligtas da kayu king upaya na.

Daniel 3:17

Nung ing Dios a kekaming susuyuan agyu na ing iligtas na kami king mapaling ornu at king upaya yu, kanita gawan na.

Daniel 3:25

Nung makanyan, ngana ning ari, obat manakit kung apat a lalaking lakad-lakad king libutad ning api? E la makagapus, at king panakit ku e la man nananu balang at balamu anak de ring dios ing kapat a lalaki.

Mateo 10:26

Inya e kayu mitatakutan karing tau. Milantad ing nanumang makatakap, at mibulalag ing balang lihim.

Mateo 28:20

at ituru yu lang tupad king sablang inutus ku kekayu. Tandanan yu: kayabe yu ku kapilan man angga king kawakasan na ning panaun!

Ding Dapat 18:10

uling kayabe mu ku. E na ka ananu balang ning ninuman, uling kanaku la ding keraklan karing tau king siudad a iti.

Ding Dapat 26:17

Iligtas da ka karing memalen na ning Israel at karing paganu nung kenu ra ka itubud.

Ding Dapat 4:13

Mengapamulala la ding miembru na ning Konsehu inyang ikit da ing tepangan da lub di Pedro at Juan, at inyang abalu da king karaniwan la mung taung alang pegaralan. Akilala ra kanita king akayabe na lang Jesus.

Ding Dapat 4:29

Ngeni, O Ginu, pansinan mu ing babala ra kekami at saupan mu kami, ikaming talasuyu mu ban asabi ming mitmung tetagan a lub ing kekang amanu.

Efeso 6:20

King uli na niting Mayap a Balita, aku mituburan ku, agyamang ngeni makasukul ku. Inya ipanalangin yu king apasiag ke iti king mitmung tetagan, antimo ing kailangan marapat.

Deuteronomio 31:6

Magpakatatag kayu; siknangan yu ing lub yu. E kayu sukat mitatakutan karela, uling ing Ginung kekayung Dios ya ing manimuna kekayu. E na kayu paburen o lakuan.

Deuteronomio 31:8

Ing Ginu mismu ya ing manimuna at mantabe keka. E na ka paburen o lakuan. Inya e ka sukat mitatakutan o mimina lub.

Josue 1:5

Alang taung malyaring maniambut keka kabang mabie ka. Kayabe mu ku antimo nung makananu na kung akayabe Moises. E ku magkulang keka; e ra ka lakuan.

Josue 1:9

E mu kakalinguan ing inutus ku keka; tatagan mu ing lub mu at magtiwala ka. E ka tatakut o paisira lub uling, aku, ing Ginung kekang Dios, kayabe mu ku nukarin ka man munta.