Jeremias 1:5 - Ing Mayap a Balita Biblia

⁵ Balu da na ka bayu da ka dininan bie at pinili da na ka bayu ka pa mibait ban maging propeta karing bansa.

Jeremias 1:5 Iomraidhean Croise

Ding Dalit 139:15

Inyang miyuyubug ku king mitmung kaingatan king atian nang ima ku, inyang daragul ku king palanakan, ita keka e lihim.

Ding Dalit 139:16

Balu mu ing kaba ning bie ku, uling iti makasulat king libru mu bayu ku pa man magumpisang mangisnawa, inyang deti metung man ala pang linto.

Exodo 33:12

Nganang Moises king Ginu, Ikayu ing sinabi kanaku king panimunan ku la ding taung deti king gabun a ita, oneng e yu naman sinabi kanaku nung ninung itubud yung akayabe ku. Sinabi yu naman kanaku king tune yu kung balu at king tutula kayu kanaku.

Exodo 33:17

Ngana ning Ginu kang Moises, Daptan ku itang nung nanu ing inawad mu uling tune ra kang balu at tutula ku keka.

Isaias 44:2

Aku ing Ginung linalang keka; seupan da na ka manibat na inyang mibait ka. E ka tatakut; ika ing kakung talasuyu, ing balen a pinili ku at kaluguran ku.

Isaias 49:1

Makiramdam kayu kaku, ikong bansang marayu, ikong taung manuknangan king marayu! Bayu ku pa mibait, pinili na na ku ning Ginu at tilduan maging keyang talasuyu.

Isaias 49:5

Bayu ku pa mibait, tilduan na na ku ning Ginu; gewa na kung talasuyu na ban ibalik ku la ding taung pinili na, ban ibalik ku la ding mikalat nang memalen ning Israel. Ing Ginu yang kaku babie dangalan; ya ing panibatan ning kakung sikanan.

Jeremias 1:10

Ngening aldong iti dirinan da kang upaya karing bansa at kayarian ban mamutput at manlasak, manyira at manialdak, manalakad at tanam.

Jeremias 1:4

Ngana kanaku ning Ginu,

Jeremias 20:15

Isumpa ya ing lalaking minie tula kang tatang ku inyang sinabi na: Mayap a oras! Lalaki ya ing kekang anak!

Jeremias 25:13

Parusan ke ing Babilonia karing sablang kasakitan a sinabi kung iparala ku karing bansa, inyang migsalita ku kang Jeremias, ding sablang kasakitan a misulat keting libru.

Jeremias 36:2

Kuma kang pisusulatan a lulun at isulat mu ing sablang sinabi ku keka tungkul king Israel at king Juda ampon karing sablang bansa. Isulat mu ing sablang sinabi ku keka manibat na kanitang minunang migsalita ku keka, inyang i Josias ya ing ari at angga na ngening kasalukuyan.

Jeremias 50:34

Oneng masikan ya itang sagip karela, Ginung Mayupaya ing lagyu na. Ya mismu ing magdipensa king karelang kasu at dinan neng kapayapan ing yatu, oneng kaguluan ing idala na karing memalen na ning Babilonia.

Lucas 1:15

uling maging marangal ya king panimanman na ning Ginu! E ya minum alak o nanumang inuman a makalasing. At mikatmuan ya king Banal a Espiritu manibat king pangabait na.

Lucas 1:41

Inyang dimdam nang Elizabeth ing pamagmananu nang Maria, ginalo ya ing anak king atian na. At i Elizabeth, kitmuan king Banal a Espiritu,

Lucas 1:76

Ika, anak ku, mayaus kang propeta na ning Kakataskatasan a Dios. Datang kang makauna king Ginu ban isadia mu ing dalanan na,

Juan 10:36

Pinili na ku ning Ibpa at tinubud keti king yatu. Makananu yung asabi kanaku ngeni ing lalapastanganan ke ing Dios uling sinabi kung Aku ing Anak ning Dios?

Roma 1:1

Ibat ya iting sulat kang Pablo, ing talasuyu nang Cristo Jesus at meyaus maging apostol at mepili ban manaral king Mayap a Balita ning Dios.

Roma 8:29

Ila detang pinili na manibat na kanitang minuna at telaga nang maging tune nang kalupa ning Anak na ban ing Anak yang maging pangane da ring dakal a mikakapatad.

1 Corinto 8:3

Oneng balu ne ning Dios ing taung lulugud keya.

Efeso 1:22

Pepailalam na ning Dios king kayupayan nang Cristo ing sablang bage, at ya ing binili nang pekabuntuk ning iglesia.