Jeremias 1:16 - Ing Mayap a Balita Biblia

¹⁶ Parusan ku la ding taung kanakung pinili uling mikasala la; gilutan da ku at minie lang ain-sakripisyu karing aliwang dios at uling ginawa lang idolo at kaybat simban da la.

Jeremias 1:16 Iomraidhean Croise

2 Ari 22:17

Sikuil da ku at minie lang ain-a-durulukan karing aliwang dios. Pepamua ra ku king gewa da, milalablab ing mua ku karela at e matda.

2 Cronica 15:2

at linual ya ban pakikitan ne i Asa. Ngana, Makiramdam ka kanaku, Aring Asa at ikong memalen na ning Juda at Benjamin! Manatili ya kekayu ing Ginu kabang manatili kayu king Ginu. Akit ye, nung panintunan ye; nung kalinguan ye, kalinguan na kayu naman.

2 Cronica 28:2

Ing tikian na ya ing dapat da ring ari na ning Israel; pepagawa yang bakal a rebultu nang Baal ban samban.

2 Cronica 34:25

Uling likuan da ku ding tau at dinuluk lang insenso para karing aliwang dios a gewa da ring gamat da. Pepamua da ku uli na ning pemaniapat da at ala nang makasabat pa king alang tuknang a parusang ipagpa ku karela.

2 Cronica 7:19

Nung e kayu manatiling tapat kanaku at e mamintu karing kautusan ku at sumuyu at samba karing aliwang dios,

Isaias 2:8

Mitmu yang idolo ing bansa ra; sasamba la karing bage a gewa da ring gamat da.

Isaias 37:19

at minyilab karing karelang dios a e naman tune dios, nune larawan la mung gewa ra ding gamat ding tau king dutung at king batu.

Isaias 44:15

Gagamitan ne ning tau ing kapirasung dutung antimong panangab, gawan neng idolo ing aliwang dake. Gagamitan ne ing aliwang kapirasu ban mikapali ya ing bale na king panaun na ning dimla at ban paglutung tinape. Gagawan neng dios ing aliwa namang kapirasung dutung ban samban na.

Isaias 65:3

Papamuan da kung alang patugut; ala lang marine! Babie lang ain-sakripisyung paganu karing sagradung hardin at duruluk insenso karing altar da ring paganu.

Jeremias 10:15

Ala lang kabaldugan at maglinlang la; malasak la potang datang ya ing Ginu.

Jeremias 10:3

Ala yang ulaga ing relihiun da reting tau. Kinutud de ing metung a tanaman king gubat; dinukit ne ning magaling a pangamat,

Jeremias 11:12

Mamunta la kanita ding memalen na ning Juda at Jerusalem karing aliwang dios a dirinan dang ain-sakripisyu at pasaup la karela. Oneng deting aliwang dios e da la malyaring aligtas potang datang na ing kasiran.

Jeremias 11:17

Aku, ing Ginung Mayupaya, ing mitanam king Israel at Juda; oneng ngeni babalan ku lang kapahamakan. Ila mismu ding makipasari kaniti uling dinapat lang e ustu; pepamua da ku king kapamilatan na ning pamamie dang ain-sakripisyu kang Baal.

Jeremias 15:6

Ikayu ding taung tinanggi kaku; gilutan yu ku. Inya pekirasnan da kayu at lesak, uling sinawa na kung mamigil king mua ku kekayu.

Jeremias 16:11

Sabian mu kanita karela king ing Ginu sinabi na, Gilutan da ku ding kekong makatua at sinamba la at sinuyu karing aliwang dios. Gilutan da ku at e da la tiparan ding utus ku.

Jeremias 17:13

Ginu, ika ing kapanayan na ning Israel; kamarinayan ing kamtan da ring sablang painggulut keka. Matda lang anti ding lagyung misulat king alikabuk, uling ika, Ginu, ing karelang gilutan, ika ing sibul ning makapasno danum.

Jeremias 18:15

Makanyan man, kelinguan da ku ding taung pinili ku; duruluk lang insenso para karing idolo. Misakab la king dalan a sukat dang dalanan; e da na la tutuntunan ding matuang dalan; lalakad la karing gasgas a e ra sadiang daralanan.

Jeremias 19:4

Daptan ku ing anti kaniting kasiran king lugal a iti uling likuan da ku ding taung pinili ku, at dinatan de iting lugal king kapamilatan na ning pamamie dang ain-sakripisyu keti para karing aliwang dios a e ra balu o kamalayan ding karelang makatua o ding ari na ning Juda. Pepatulu lang daya keting lugal king daya da ring taung alang kasalanan,

Jeremias 2:13

uling ding taung pinili ku dinapat lang aduang pamikasala; ginulut la kaku, ing sibul ning malinis a danum, at ginawa lang pilulanan a e mu adatukanan danum.

Jeremias 2:17

Israel, ika mismu ing dinapat kanyan king sarili mu! Gilutan me, ing Ginung kekang Dios, kabang tatairan na ka king dalan.

Jeremias 2:19

Ing sarili mung alang kayapan ya ing mamarusa keka, at ing kataksilan mu kaku ya ing mangondena keka. Abalu mu nung nu anti kapait at alang kayapan ing likuan mu ku, ing Ginung kekang Dios; ala na kang galang nanuman. Aku, ing Ginung Dios a Mayupaya, ing migsalita.

Jeremias 2:28

Nu la karin ding kikilalanan yung dios a kekong gewa? Paburen yung ila ding magligtas kekayu, nung agyu ra, potang atyu kayu king kaligaligan. Juda, nung makananu la karakal ding kekang siudad makanyan la naman karakal ding kekang kikilalanan a dios.

Jeremias 4:12

Ing daratang a angin a mamintu king utus ning Ginu masikan yang e palak kesa kaniti! Ing Ginu mismu ya ing misasaldak kayatulan king balen na.

Jeremias 4:28

Lungkut ya ing yatu, dalumdum ya ing banua. Migsalita ne ing Ginu, at e na bawian ing sinabi na. Inari na na king lub na ing sukat nang daptan, at e ne gumulut king buri na.

Jeremias 44:17

Daptan mi ngan ing bage sinabi ming daptan mi. Munie kaming ain-sakripisyu at mitugtug keng ain-a-alak para king kekaming diosa, ing Reyna ning Banua, nung makananung ikami at ding makatua mi, ing kekaming ari at ding manimuna mi penugalian ming daraptan karing balen ning Juda at karing dalan ning Jerusalem. King panaun a ita, dakal kami pamangan, mibandi kami at alang kaligaligan.

Jeremias 5:29

Oneng aku, ing Ginu, parusan ku la karing bage depat da. Ganti ku kaniting bansa.

Jeremias 5:9

E ku la wari sukat parusan kareting bage pamaniaptan da at magbengansa king bansang anti kanite?

Jeremias 51:17

Maging mangmang la at mulala kabud akit da iti; mangapakarine ya ing balang platerung gintu uli ding gewa rang idolo, uling dios lang e tutu at alang bie.

Jeremias 7:17

E mu wari akakit ing pamaniaptan da karing siudad ning Juda at karing siudad ning Jerusalem?

Jeremias 7:18

Manipun lang dutung ding anak, patau na la mang api ding lalaki at sasadia da ring babai ing masa a gawan dang bibingka para king diosang ausan dang Reyna ning Banua. Tutugtug da naman ing alak a ain da para karing aliwang dios ban panasakitan da ku lub.

Jeremias 7:9

Manako kayu, makamate kayung kalupang tau, makipangalugud kayu, magsalita kayung kalaraman, babie kayung ain-sakripisyu kang Baal, at sasamba kayung aliwang dios a e yu balu.

Ezekiel 16:18

Kinua mu la ding bestidang binurdahan a binie ku at pepasulud mu la karing larawan, at inain mu karela ing larung olibo ampon insenso a binie ku keka.

Ezekiel 24:14

Aku, ing Ginu, ing migsalita. Dinatang na ing oras ban kimut ku. E ku la kalinguan ding kekang kasalanan o pakit nanumang lunus keka. Miparusan ka uli na ning depat mu. Ing Ginung Dios ya ing migsalita.

Hosea 11:2

Nung kapilan ke tinuring kakung anak, kanita ya lalung ginulut kaku. Ding taung kakung pinili babie lang ain-sakripisyu kang Baal; dinuluk lang insenso para karing idolo.

Hosea 8:6

Ing metung a magobra ning Israel ya ing ginawa karing idolo at aliwa ing Dios! Mabalbal yang mangalati ing idolong gintung biserung baka a sasamban da ring tau ning Samaria!

Joel 2:11

Kakabling la ding utus ning Ginu karing e abilang-bilang nang sundalus; ding sundalus a mamintu king Ginu; tune dakal la at masikan lang tutu. Makapangilabut ya ing aldo ning Ginu! Ninu kaya ing miligtas kaniti?

Ding Dapat 7:41

Kanita na la ginawang metung a idolo a kaubug biserung baka at dininan deng ain-sakripisyu at pigpiestan de at perangalan ing mismung gewa da ring gamat da.

Deuteronomio 28:20

Nung e kayu tupad at mangalinguan kayu king Ginu, parala yang dakal a sumpa, kagutgutan, at kabiguan king sablang daraptan yu angga king agad kayung mabigu at magisan mate uli ning dapat yung e mayap.

Deuteronomio 31:16

Kanita ngana ning Ginu kang Moises, E magluat mate kang anti ding makatua mu. Potang mete na ka ding taung deti magumpisa lang magtaksil kanaku, samba la at sumuyu karing dios da ring lugal a pupuntalan da, gumulut la kanaku at labagan de ing kasunduan a gewa ku karela.

Josue 24:20

at nung painggulutan ye at sumuyu karing kikilalanan dang dios ding aliwang bansa, parusan na kayu. Paten na kayu agyang meging mayap ya kekayu kanitang minuna.

Kapahayagan 9:20

E la sinisi ding mitagan karing taung e mete karing salut. E la ginulut king mismung dapat da. Sindu ra mu rin ing pamanyamba ra karing demonyu at karing larawan a gintu, pilak, tangsu, batu, at tanaman a e naman manakit ni makaramdam o makalakad.