Jeremias 1:11 - Ing Mayap a Balita Biblia

¹¹ Nganang kinutang kanaku ning Ginu, Jeremias, nanu ing akakit mu? Pekibat ku, Metung yang sanga na ning tanaman a almendro.

Jeremias 1:11 Iomraidhean Croise

Genesis 30:37

Kanita memakli yang sagiwang sanga i Jacob karing tanaman a ausan dang alamo, almendro, at kastanyo; belatan na la angga king linto ing gulis-gulisan a maputi.

Isaias 55:11

Makanyan ing malyari king amanung kakung sasabian; e magbalik kakung alang daralan o e tiparan ing buri kung keyang daptan.

Jeremias 24:3

Kanita ngana kanaku ning Ginu, Jeremias, nanu ing akakit mu? Pekibat ku, Bungang higera la pu. Tune lang mayap ding mayap a bunga, at detang e mayap tune lang e mayap kanan.

Ezekiel 12:25

Aku, ing Ginu, ing magsalita karela at itang sabian ku ya ing marapat. E na mika pangabala pa. King mismung panaun yu, ikayung sablang mapag-rebeldi, daptan ku itang bela kung daptan kekayu. Migsalita na ku, nganang sasabi ning Ginung Dios.

Ezekiel 12:28

Inya sabian mu karela king aku, ing Ginung Dios, sasabian ku: E na mika pangabala pa. Itang sinabi ku ya ing marapat. Aku, ing Ginung Dios, ing migsalita!

Ezekiel 7:10

Daratang na ing aldo ning kasiran. Merakal ing keyalan hustisia; susukdul na king banua ing ketasan mung lub.

Amos 7:8

Nganang kinutang kanaku, Amos, nanu ing akakit mu? Mekibat ku, Metung ya pung patulu. Kanita sinabi na, Lumawe ka, gamitan ke ing patulu ban ipakit ku king kakung balen king mengari lang pader a e gemitanan patulu. E ku na ibayu ing kakung tingka tungkul king parusang ibie ku karela.

Amos 8:2

Ngana kanaku ning Ginu, Amos, nanu ing akakit mu? Mekibat ku, Metung yang basket a ating prutas. Kanita ngana kanaku ning Ginu, Dinatang na ing kawakasan para karing memalen kung Israel. E ku na ibayu pa ing tingka ku tungkul king parusang ibie ku karela.

Zacarias 4:2

Nganang kinutang, Nanu ing akakit mu? Metung yang tumpakan-sulu a megawa king gintu, ngakung mekibat. Ating metung a lulanan laru babo na. Pitu la ding sulu king tumpakan-sulu, atin yang pitung piririnan pabelu ing balang metung.

Zacarias 5:2

Kitnan na ku ning anghel nung nanu ing ikit ku. Pekibat ku, Metung yang kasulatan a makalulun a sulasulapo; atlu yang pulung talampakan king kaba at labing limang talampakan ya king lapad.

Ding Bilang 17:8

Itang kabukasan, minta ya i Moises king Toldang tuknangan ning Ginu at ikit neng tinubu itang kang Aaron ning tribu nang Levi. Mika bulung ya at memulaklak ya at mika malulut yang bungang almendras.