Genesis 9:3 - Ing Mayap a Balita Biblia

³ Babie ku la bilang kekong pamangan ing balang mabie lelangan nung makananu ku lang binie kekayu bilang pamangan ding tanaman a berdi. Babie ku la ngan kekayu bilang pamangan yu.

Genesis 9:3 Iomraidhean Croise

Genesis 9:2

Tumakut la kekayu ding sablang animal, ding sablang ayup, ding sablang gagapang, at ding sablang asan. Atyu la ngan king lalam yung upaya.

Levitico 22:8

E ya sukat mamangan king karni na ning isanu pa mang animal a kabud na mete o kaya piglapak da ring mabangis a animal; makadungis iti king pangatau na. Aku ing Ginu.

Roma 14:14

Ing pangayabe ku king Ginung Jesus pakilala nang lubus kanaku king alang nanumang marinat king sarili na; nung ing metung a tau paniwalan na king ing metung a bage marinat ya, maging marinat ya pin para keya.

Roma 14:17

Uling ing Kayarian ning Dios e ya mangabaldugan pamangan o inuman, nune metung yang bage a makatungkul king kabanalan, kapayapan at tula a babie na ning Banal a Espiritu.

Roma 14:20

E yu sa sisiran uli na mu ning pamangan ing nanumang dapat na ning Dios. Malyaring kanan ing nanumang pamangan, oneng e ustu ing mangan king nanumang munie pamikasala king kapatad mu.

Roma 14:3

E ne sa insultuan ning taung e mangiling king isanu mang pamangan itang ating pangilinan, at e ne sa atulan ning taung mamangan mung bukud gule ing taung alang pangilinan a pamangan, uling tatanggapan ne ning Dios ing anti keya.

1 Corinto 10:23

Masasabi king Malaya tamung gawan ing sablang bage. Tutu iti, oneng e mayap ing sablang bage. Malaya tamung gawa king sablang bage, oneng e makasaup ing sablang bage.

1 Corinto 10:31

Inya nanuman ing daraptan yu, mamangan kayu man o miminum, daptan yu ngan king ikaligaya na ning Dios.

Deuteronomio 12:15

Malyari kayung makamate karing sese yung animal at mangan king karni ra king isanu mang balen nung nukarin kayu manuknangan. Makapangan kayu anggang bisa kayu agpang king babie na kekayu ning Ginu. Malyari yang mangan ing taung mituring malinis at e malinis karing animal antimo ing usa o ing antelope.

Colosas 2:16

Inya e yu ne paniwalan ing ninumang gagawang tuntunan tungkul king kanan o inuman o tungkul karing aldo dapat pangilinan o tungkul king Piesta ning Bayung Bulan o tungkul king Sabbath.