Genesis 9:2 - Ing Mayap a Balita Biblia

² Tumakut la kekayu ding sablang animal, ding sablang ayup, ding sablang gagapang, at ding sablang asan. Atyu la ngan king lalam yung upaya.

Genesis 9:2 Iomraidhean Croise

Genesis 1:21

Inya lelangan na la ning Dios ding maragul a asan ning danuman at ding sablang miyayaliwang kakawe king danuman at miyayaliwang ayup. Ikit na ning Dios king ita mayap.

Genesis 1:26

Kanita ngana ning Dios, Lalangan ta ya ing tau king wangis tamu. Ila ding manibala karing asan na ning dagat, karing ayup, karing baka, karing heganaganang animal, at karing heganaganang melalang a gagapang king yatu.

Genesis 1:28

Bendisyunan na la ning Dios at ngana, Magpakarakal kayu at katmuan ye ing yatu at sakupan ye. Ikayung mamahala karing asan king dagat, karing ayup, at karing heganaganang bage melalang a gagapang king yatu.

Genesis 2:19

Inya ibat king gabun ing Ginung Dios miyubug yang miyayaliwang animal at miyayaliwang ayup. Dela na la king lalaki ban lawan na nung nanung iyaus na kareti. Ing lagyung binie na king balang metung kareti ya ing meging lagyu na.

Genesis 35:5

Inyang lalakuan da ne ing lugal a ita, pepagpa na ning Dios ing maragul a takut karing memalen da ring siudad a makalapit karin. Inya e re tegal i Jacob at ing pamilya na.

Genesis 9:1

Binendisyunan ne ning Dios i Noe at ding anak na. Ngana karela, Magpakarakal kayu at katmuan ye ing yatu.

Genesis 9:3

Babie ku la bilang kekong pamangan ing balang mabie lelangan nung makananu ku lang binie kekayu bilang pamangan ding tanaman a berdi. Babie ku la ngan kekayu bilang pamangan yu.

Job 39:11

Apanaligan me kaya uli ning maragul nang sikanan, at ayasahan meng gawan na ing kekang mabayat a obra?

Ezekiel 34:25

Gawa kung kasunduan a kayabe ra a munie katibayan king karelang kaligtasan. Ilako ku la king bansa ding sablang mabagsik a animal ban mangabiayan la ding kanakung tupa king mitmung kapayapan karing marangle, at makapagkera la karing kagubatan.

Hosea 2:18

At king aldong ita, gawa kung kasunduan karing sablang mabagsik a animal at ayup ban e ra la panasakitan ding kanakung pinili. Ilako ku la king bansa ding sablang sandatang gagamitan da king gera antimo ding espada at pana. At paburen ku lang mibiebie king kapayapan at kapanatagan ding taung kanakung pinili.

Levitico 26:22

Paburen ku lang gumala ding mabangis a animal at paglaklakan da la ring anak yu at ding sese yung animal. Ditak na la ding mitagan kekayu at mag-ari ing kalungkutan king bansa yu.

Levitico 26:6

Ibie ku king kekayung bansa ing kapayapan at matudtud kayung maniaman neng bengi a alang takut kenu man. Ilako ku la king bansa yu ding mabagsik a animal at e na mika gera king kekayung bansa.

Santiago 3:7

Malyari na lang patunuran ning tau at tune na lang apapatunud ding miyayaliwang uring lelangan, ding mabangis a animal at ayup, ding lelangan a gagapang at ding asan.