Genesis 8:9 - Ing Mayap a Balita Biblia

⁹ Anti na ning ala yang ikit atukluan na, migbalik ya king barku, uling laganap pa ing danum king mabilug a yatu. Liwal neng Noe ing gamat na; dekap ne at binalik neng pasibayu king barku.

Genesis 8:9 Iomraidhean Croise

Genesis 8:10

Menenaya ya pang pitung aldo at kaybat na nita pepasulapawan neng pasibayu ing patipati.

Genesis 8:8

Kaybat na nita, pepasulapo ne ing metung a patipati ban lawan na nung kinati na ing danum king yatu.

Ding Dalit 116:7

Magtiwala ka king Ginu, O kaladua ku, uling ing Ginu dakal ing mayap a depat na para kaku.

Isaias 60:8

Nanu la deting maglayag pakakalale daratang anting biga; anti lang patipating mumuli king tuknangan da?

Ezekiel 7:16

Tumakas la karing bunduk ding mapilan; mangari la karing patipating meyabuang karing kapatagan. Saingsing la ngan uli na ning kasalanan da.

Mateo 11:28

Lumapit kayu kanaku, ikayung sablang mapagal na at kababayatnan at dinan da kayung kapaynawan.

Juan 16:33

Sinabi ku la deting bage ban mika kapayapan kayu king pamakiabe yu kanaku. Mika kasakitan kayu keti king yatu; oneng magpakatatag kayu! Migtagumpe na ku king yatu!

Deuteronomio 28:65

E kayu mipanatag a kabilian karin ni mipaynawa ding bitis yu. Pakarugan na kayu salu ning Ginu, labug la ring mata yu, at magulu kayu isip uli na ning kabiguan at kalungkutan.